Khamiis, 13, 2017 (HOL) – Dadweynaha Somalialnd ayaa si
weyn uga cabanaya sixir bararka dhanka lacagta ah oo bilhii u dambeeyey ka jiray
Somaliland, taas oo sababtay in dadka danyarta lacagtoodii waxba u goyn
wayday.
Ganacsatadda suuqa Waaheen ee badhtamaha magaaladda
Hargeysa ayaa saaka meheradahoogii albaabadda u laabay ka dib markii wax laga
qaban waayey qiimo dhaca ku yimid shilingkii Somaliland oo marba marka ka
dambaysa hoos usii dhacayey.
Ganacsatadan suuqa waaheen ayaa mudaharaad salmi ah ka
dhigay magaaladda,waxaana ciidanka amnigu ganacsatadda ku amrayeen inay
goobahooda ganacsi furaan,isla markaana waxay ka hor tagayeen in mudaharaad
balaadhani ka dhaco magaaladda, waxaana saaka aroortii hore goob walba la tubay
ciidan u diyaar garoobay in aan mudaharaad ka dhicin magaaladda.
Dadweynaha iyo ganacsatadda ayaa xukuumadda ku dhaliilay
wax ka qabasho la’aanta sicir bararka jira, sidoo kale waxa xukuumadda hore u
fulin wayday go’aamo ay soo saareen oo ay wax kaga qabanayeen sicir bararka,
haseyeeshee waxay ka socon wayday dhinaca shirkadaha waaweyn oo iyago si toos
ah uga hor yimid amarkaasi xukuumadda wax kaga qabanaysay, taas oo dadweynuhu
aad uga cadhoodeen in amarkii ay go’aamisay socon waayey, iyadoo maalmaha
go’aamadii ka soo baxay madaxweynaha uu hoos u dhacay sixir bararkii, balse
maalmo ka dib halkii markii hore laga soo celiyey dib ugu noqday.
“maanta boqolkii doolar waxa uu marayaa sagaal boqol oo
Shiling Somalinad korna wuu u sii socdaa, halka barigii hore lagu sarifi jiray
toddoba boqol iyo konton, markii ganacsataddu isku dayeen inay mudaharaad
dhigaana ciidan xoogan ayaa suuqii la dhigay si aanay dadku iskugu soobixin”ayuu
yidhi mid ka mid ah dadka ganacsatadda ah.
Sidoo kale, Baanka dhexe ee Somaliland oo ahayd inay
sicir bararka wax ka qabto ayaan isagu awood lahayn,maadaama oo shirkadaha
sarifka ay yihiin kuwo madax banaan oo iyagu sicirka suuqa iyagu jara.
“waxaan rajaynaya in aan hoos u dhigno waana ku gudda
jirnaa sidii aanu wax uga qaban lahayn”ayuu yidhi gudoomiyaha Baanka dhexe ee
Somaliland
Si kastaba ha ahaatee, markii
dambe waxa lagu guulaystay in dib loo furo ganacsataddii markii hore xidhnaa.
Barkhad-ladiif M. Cumar, Hiiraan Online
[email protected]
Hargeysa, Somaliland.