La taliyihii madaxweyne Siilaanyo ee doorashooyinka iyo arrimaha xisbiyadda oo maanta is casilay
Arbaco, April, 12,
2017 (HOL) - La taliyihii hore ee madaxweynaha Somaliland ee arrimaha
doorashooyinka iyo arrimaha xisbiyadda C/laahi Xaaji Cumar (Cabdilaahi Jawaan),
ayaa sheegay inuu iska casilay xilkii madaxweynaha u hayey iyo xilkii xisbiga
kulmiye uu ka hayey.
Cabdilaahi Jawaan ayaa sheegay dhaliilay nidaamka
lagu doonayo inay doorasho u dhacdo,isla markaana ka hor yimid in guddida
doorashooyinka loo sameeyo Musdambeed kaba guddida doorashooyinka oo uu hore
madaxweynuhu usheegay inuu guddi musdambeed ah oo taageera guddida
doorashooyinka samayn donna.
“Markii aan arkay in taladayda la qaadanayn wuxuu
damiirku I siin waayey inaan sii joogo waana ka fadhiistay ama ka joogsaday
xilkii aan hayey”ayuu yidhi Cabdilaahi Jawaan.
Isagoo hadalkiisa sii wata waxa uu yidhi “Waxaan jeclahay
in aan maanta ka hadlo xil aan u hayey umadda oo ahaa la taliyaha madaxweynaha
hawlaha doorashooyinka iyo arrimaha xisbiyadda oo aan muddo sanad iyo afar
bilood ah hayey oo aan iska casilay, waxa kale oo aan iska casilay xubinimaddii
xisbiga kulmiye aan k ahaa”ayuu yidhi la taliyihii hore ee madaxweynaha C/laahi
Jawaan.
“Wasiirka madaxtooyadda waa Ra’isal wasaare aan sharci
lahayn isaga hawsha oo dhan wadda, isaga wasiiraddii kuyuu ugu jiraan”ayuu
yidhi
Cabdilaahi Jawaan ayaa ka mid siyaasiyiinta waaweyn ee
reer Somaliland,isla markaana saamaynta ku leh deegaanadda uu ka soo jeeddo,
waxaanu hore xilal uga soo qabtay xukuumadda madaxweyne Cigaal.
Barkhad-ladiif M. Cumar, Hiiraan Online
[email protected]
Hargeysa, Somaliland.