Arbaco, April, 12, 2017 (HOL) – Mas\uuliyiinta maamulka Galmudug iyo
Ahlusuna Wal-jameeca ayaa ayaa lagu wadaa in maanta oo Arbaco wada hadal uga
furmo magaalada caasimada ee ah Muqdisho.
Wada hadalkan oo ay garwadeen ka tahay dowladda Federaalka ayaa lagu dhex
dhexaadinayaa khilaafka labada dhianc u dhaxeeya, isla markaana ku dhistaan
maamul mideysan.
Dhinaca maamulka Galmudug waxaa wada hadalada ku matalaya Madaxweyne
kuxigeenka Maxamed Xaashi Carabey, halka dhanka Ahlusuna uu hoggaaminayo
Madaxweynaha Ahlusuna Sheekh Maxamed Shaakir.
Dowladda Federaalka iyo Maamulka Galmudug ayaa dhowaan ku gaaray Cadaado
heshiis ku saabsanaa in dib loo dhigo doorashada Madaxweynaha, lana qabto 30-ka
bishan.
Ahlusuna ayaa horay uga soo horjeeday Maamulka Galmudug, iyadoo xustay in
dowladdii Federaalka ee uu hoggaaminayay Madaxweynihii hore Xasan Sheekh ay
waxyaabo badan uga hiilisay maamulka Galmudug, isla markaana xuquuqo ay
lahaayeen aysan siin.
Kaddib is casilaadii madaxweynaha Galmudug C/kariin Guuleed ayaa waxaa soo
baxday fursad lagu mideyn karo labada maamul.
C/raxmaan
Diini, Hiiraan Online
[email protected]