3/28/2024
Today from Hiiraan Online:  _
Wararka Maanta- Talaado, Sept 20, 2016
FAALLO: Maxaa laga fili karaa Shirarka iska soo Hor-jeeda ee ka Socda Beledweyne iyo Jowhar?
Talaado, September 20, 2016 (HOL) — Labada Gobol ee Hiiraan iyo Shabeellada Dhexe oo markii hore Qorshuhu ahaa in Hal maamul ay ku Midoobaan, ayaa hadda u Muuqda kuwo arintaa ku kala weydaaranaya, kaddib markii xarunta gobolka Hiiraan ee Beledweyne looga dhawaaqay maanta dhismaha maamul u yeelanayo Gobolka Hiiraan.

Ugaas Xasan Ugaas Khaliif oo ka mid ah duubabka dhaqanka ee ugu waa-weyn Soomaaliya muddo dheerna ka soo horjeeday shirka maamul u sameynta Gobollada Hiiraan & Sh/dhexe ayaa maanta ku dhawaaqay dhismaha Maamul-goboleed u gaar ah Dadka reer Hiiraan,, isla markaana uu diyaar yahay dastuurkii lagu dhaqi lahaa maamulkaas.

Dhinaca kale xog-hayaha joogta ah ee wasaarrada arrimaha gudaha DF Prof Yaxye Sheekh Ibraahim ayaa maalin ka hor uga dhawaaqay magaalada Jowhar in ergada halkaa ku shirsan isku raaceen tirada beellaha kuraasta baarlamanka labada gobol, isaga oo intaa raaciyay ilaa horaanta bisha October ee nagu soo foolka leh la soo dhameystirayo dhismaha maamulka labada gobol

Marka la eego shirarka iska soo horjeeda ee ka kala socda magaalooyinka Beledweyne iyo Jowhar, ayaa muujinaya in halkaa ay kasoo bixin karaan maamulo iyo madaxweynayaal iska soo horjeeda oo midna dhismihiisa ku lug yeellan doonto dowladda federaalka, halka kan kalana uu ku dooddi doono in uu ku yimid rabitaanka bulshada.

Haddii ay dhab noqonto oo labada degmo looga kala dhawaaqo labo madaxweyne, waxaa uu micnuhu noqonayaa in gobollada Galguduud, Hiiraan iyo Sh/dhexe oo kaliya ay ka soo bixi karaan ilaa afar madaxweyne, taasoo caqabad ku noqon karta nidaamka federaalismka oo qorshihiisu yahay in dalka laga hergaliyo ilaa shan dowlad gobolleed marka laga reebo Soomaliland.

Warka ka soo yeeray duubabka dhaqanka gobolka Hiiraan ayaa dhinaca kale laga yabaa in aysan mahdin DF oo oo culeys hor leh kala kulmi doonta maamul looga dhawaaqo gobolka Hiiraan, oo saameyn weyn ku yeellan kara hanaanka doorasho ee dalka marka dhinacyadu isku qabteen cida sharciyan ay tahay in ay soo xusho xildhibaannada baarlamaanka iyo Aqalka sare ku matalaya gobolka Hiiraan, oo ilaa iyo hadda muran badani ka jiro.

Culeyska iyo miisaanka kale ee uu yeellan karo maamul looga dhawaaqo Gobolka Hiiraan ayaa lagu Micneynayaa in Duubabka dhaqanka gacan mug leh ka hellayaan Maamulka DF federaalka oo dhawaan ku dhawaaqay in ka soo hor-jeedaan qorshaha Dowladda ee Shirka Jowhar, waxaana kulankii maanta ka qeyb-gallay Yuusuf Axmed Hagar [Daba-geed] oo ah Guddoomiyaha maamulka Dowladda FS ee Gobolka Hiiraan oo Dhinaciisa soo dhaweeyay dhismaha maamul u gaar ah gobolka Hiiraan,

Ugu dambeyntii, waxaa isha lagu wadaa hayaan Jawaab-celinta Dowladda Federaalka ee ku aadan Go'aanka Duubabka-dhaqanka ee dhismaha Maamul u gaar ah shacabka reer Hiiraan.

C/raxmaan Diini, Hiiraan Online
[email protected]
Beledweyne, Soomaaliya













Click here
9/20/2016 2:14 PM EST
Talaado, Sitember 20, 2016 (HOL)-Hoggaamiyeyaasha caalamka ayaa isku raacay in waxqabad intii hore ka wacan lala yimaado si wax looga qabto qaxootiga badan ee caalamka.

9/20/2016 1:27 PM EST
Talaado, September 20, 2016 (HOL) — Wafdi u Hoggaaminayo RW Soomaaliya, Cumar C/rashiid Cali Sharma’arke, ayaa maanta gaaray Magaalada Garowe ee Xarunta Puntland, halkaasoo si weyn loogu soo dhaweeyay.

9/20/2016 11:23 AM EST
Talaado, September 20, 2016 (HOL) — Mudaharaad aad u balaadhan oo lagu taageerayo go’aankii madaxweynuhu ku kala qaaday labada doorasho ayaa ka dhacay magaaladda Hargeysa, waxaana dadweynuhu beesha caalamka u sheegayeen in danta Somaliland ay ku jirto in doorashadda la kala qaado.

9/20/2016 11:22 AM EST
Talaado, Sitember 20, 2016 (HOL)-Waxaa caasimada Muqdisho lagu qabtay kulan looga hadlaayay amuuraha kusaabsan sidii loo adkeyn lahaa ammaanka waqtiga doorashooyinka soo socda.

9/20/2016 9:59 AM EST
Talaado, September 20, 2016 (HOL) — Maamulka Jubbaland, QM iyo Wakiillo ka Socday Beesha Caalamka ayaa ku heshiiyay in la dhiso Guddi Wadajir ah oo ka shaqeeya sidii Wax looga qaban lahaa baahiyaha ay Qabaan Qoxootiga Dhadhaab ku Nool ee doonaya inay dib ugu soo laabtaan Soomaaliya.

9/20/2016 8:28 AM EST
Talaado, September 20, 2016 (HOL) — Waxaa Maalintii labaad galay dhagaysiga Dacwada ka socota Maxkamadda Caalamiga ah ee Cadaaladda ee QM ee la xiriirta Muranka Soohdin badeedda ee u dhaxeeya Kenya iyo Soomaaliya.

9/20/2016 8:10 AM EST
Talaado, September 20, 2016 (HOL) — Kaddib kulan ballaaran oo ay maanta ku yeesheen magaalada Beledweye, mas'uuliyiinta maamulka gobolka Hiiraan, siyaasiyiin, qeybaha kala duwan ee bulshada iyo duubabka dhaqanka gobolka oo uu horkacayo Ugaas Xasan Ugaas Khaliif, ayaa looga dhawaaqay dhismaha maamul-gobolleed uu yeellanayo gobolka Hiiraan.

9/20/2016 8:05 AM EST
Talaado, September 20, 2016 (HOL) — Al-shabaab ayaa markii u horreysay ka hadashay Doorashooyinka dadban ee lagu sannadkan daba-yaaqadiisa lagu wado inay ka dhacaan dalka, laguna soo doorto madaxweynaha iyo Baarlamaanka.

9/20/2016 4:26 AM EST
Talaado, Sitember 20, 2016 (HOL)-Cabsi xoggan ayaa Soomaalida gobolka Minnesota Mareykanka lasoo daristay kadib dhacdadii maalin dhaweyd nin Soomaali ah uu ku tooriyeeyay dad meel ka dukaamaysanaayay magaalada St. Cloud.

9/20/2016 4:18 AM EST
Talaado, September 20, 2016 (HOL) — Kaddib markii habeenkii Sabtidii uu Wiil Soomaali ah oo aysan Hay'adaha Nabadgalyada ee Minnesota aysan magaciisa shaacinin hasayeeshee Soomaalida St Cloud ay ku sheegeen Daahir Aadan uu fal Mindiyeena ku dhaawacay sagaal qof meel laga Dukaamaysto laguna Magaacabo CrossRoads Center ,Dhacdadaa kadib ayaa madaxda Gobolka iyo tan magaaladda St Cloud ay wada qabteenwaxaana shirkaa jaraaid oo ay ku sugnaayeen guddoomiyaha gobolka Minnesota Mark Dayton, Duqa Magaalada St Cloud Dave Kleis ,Taliyaha Booliiska ee Magaaladaa Chief Blair Anderson iyo xubno kale oo dagan magaaladaa.

9/20/2016 3:57 AM EST
Talaado, September 20, 2016 (HOL) — Jabriiil Ibraahim Cabdulle oo ahaa madaxa hay’ada Cilmi-baarista ee CRD, kana mid ahaa Hoggaanka Ururradda Bulshada Rayidka ah ee dalka ayaa Muqdisho uga dhawaaqay inuu u taagan yahay xilka madaxweynenimada Soomaaliya, taasoo la filayo in ay dhacdo tartankeedu dhamaadka bisha Oktoobar ee sannadkan 2016-ka.

9/20/2016 3:42 AM EST
Talaado, Sitember 20, 2016 (HOL)-Madaxweyne ku xigeenka Kenya, William Samoi Ruto ayaa mar kale difaacay go'aanka dawlada Kenya ku xireyso xeryaha Dhadhaab sanadkaan dabayaaqadiisa.

9/20/2016 2:35 AM EST
Talaado, Sitember 20, 2016 (HOL)-Culeys iyo cabsi ayaa lasoo darsay Soomaalida ku dhaqan magaalada Mombasa ee dalka Kenya.

9/20/2016 12:55 AM EST
Talaado, Sitember 20, 2016 (HOL)-Sharci yaqaano Kenyan ah oo uu hoggaaminaayo xeer ilaaliyaha guud ee Kenya, Githu Muigai ayaa shalay codsaday in la joojiyo dhageysiga dacwadaa.