3/24/2017
Today from Hiiraan Online:  _
Wararka Maanta- Talaado, Sept 20, 2016
SAWIRRO: Dibadbax lagu Taageerayo in Doorashooyinka la kala qaado oo ka dhacay Hargeysa


Talaado, September 20, 2016 (HOL) — Mudaharaad aad u balaadhan oo lagu taageerayo go’aankii madaxweynuhu ku kala qaaday labada doorasho ayaa ka dhacay magaaladda Hargeysa, waxaana dadweynuhu beesha caalamka  u sheegayeen in danta Somaliland ay ku jirto in doorashadda la kala qaado.

Dadweynahan ayaa ku dhawaaqayey erayo ay ka mid ahaayeen ma doonayno in beesha caalamku nagu dirqiddo wax aanay Danni noogu jirin iyo, anaga og waxa qarankayagu ku badbaadayo iyo sidoo kale fariimo ay u dirayeen dalalka caawiya doorashooyinka Somaliland oo ay u sheegayaan inay ku taageeraan qaabka madaxweynuhu u dhigay.

Sidoo kale, Dadweynahan ayaa socod ku maray badhtamaha magaaladda, isla markaana si nabadgalyo ah u muujiyey taageeradda ay u muujiyeen go’aankiii madaxweynuhu usoo gudbiyey golaha wakiilada iyo ansixintii golaha Wakiiladdu ku meel mariyeen.

“Anagu waxaan iskugu soo baxay sidii aanu u taageeri lahayn go’aankii madaxweynuhu ku kala saaray doorashadda, waa mid dhaqan noo ah in hadba sida aanu dan moodno aanu raacno, balse caalamka maaha mid anaga nagu qasbi kara wax aan dantayaddu ku jirin, tallo aanan lahayn ma doonayno”ayuu yidhi mid ka mdi ah dadkii isku soo baxay.

Dhanka kale, dadweynuhu waxay diidanayeen oo dhowaaqooqa ka mid ah in shirkii urur goboleedka IGAD ku qabsadeen Muqdisho  bayaankii ka soo baxay ee ay ku sheegeen in midnimadda iyo xuduudda Soomaaliya tahay lama taabtaan.

“IGAD waxaan leeyahay Somaliland waa dal madax banaan,  anaga Soomaaliya u tagnaay markii hore imika iska daynay, cid la qasbi karaana ma jirto, marka bayaankaasi ka soo baxay IGAD mid aanu aqbali karno maaha”ayey tidhi haweenay ka mid ahayd dadkii mudahaaraadayey.

Mudaharaadkan ayaa iskugu jiray mid lagu taageerayo go’aankii madaxweynuhu ku kala qaaday doorashadda, mid ay kaga soo horjeedaan beesha caalamka ee dalbatay in doorashada mar la wada qabto iyo mid kale oo ay jawaab uga dhigayaan shirkii IGAD bayaankii ka soo baxay ee midnimadda Soomaaliya kaga hadlayeen.

Dadweynahan oo aaanu waydiinay cidda soo abaabushay ayaa sheegay inay iyagu isa soo abaabuleen, haseyeeshee, xisbiga WADANI ayaa sheegay inay isku soo baxan xukuumaddu soo abaabushay oo ay rabtay inay beesha caalamka u tusto in go’aankaasi madaxweynaha lagu taageerayo.

Barkhad-ladiif M. Cumar, Hiiraan Online
[email protected]
Hargeysa, Somaliland





Post your comments

9/20/2016 4:51 PM EST
Talaado, September 20, 2016 (HOL) — Labada Gobol ee Hiiraan iyo Shabeellada Dhexe oo markii hore Qorshuhu ahaa in Hal maamul ay ku Midoobaan, ayaa hadda u Muuqda kuwo arintaa ku kala weydaaranaya, kaddib markii xarunta gobolka Hiiraan ee Beledweyne looga dhawaaqay maanta dhismaha maamul u yeelanayo Gobolka Hiiraan.

9/20/2016 2:14 PM EST
Talaado, Sitember 20, 2016 (HOL)-Hoggaamiyeyaasha caalamka ayaa isku raacay in waxqabad intii hore ka wacan lala yimaado si wax looga qabto qaxootiga badan ee caalamka.

9/20/2016 1:27 PM EST
Talaado, September 20, 2016 (HOL) — Wafdi u Hoggaaminayo RW Soomaaliya, Cumar C/rashiid Cali Sharma’arke, ayaa maanta gaaray Magaalada Garowe ee Xarunta Puntland, halkaasoo si weyn loogu soo dhaweeyay.

9/20/2016 11:22 AM EST
Talaado, Sitember 20, 2016 (HOL)-Waxaa caasimada Muqdisho lagu qabtay kulan looga hadlaayay amuuraha kusaabsan sidii loo adkeyn lahaa ammaanka waqtiga doorashooyinka soo socda.

9/20/2016 9:59 AM EST
Talaado, September 20, 2016 (HOL) — Maamulka Jubbaland, QM iyo Wakiillo ka Socday Beesha Caalamka ayaa ku heshiiyay in la dhiso Guddi Wadajir ah oo ka shaqeeya sidii Wax looga qaban lahaa baahiyaha ay Qabaan Qoxootiga Dhadhaab ku Nool ee doonaya inay dib ugu soo laabtaan Soomaaliya.

9/20/2016 8:28 AM EST
Talaado, September 20, 2016 (HOL) — Waxaa Maalintii labaad galay dhagaysiga Dacwada ka socota Maxkamadda Caalamiga ah ee Cadaaladda ee QM ee la xiriirta Muranka Soohdin badeedda ee u dhaxeeya Kenya iyo Soomaaliya.

9/20/2016 8:10 AM EST
Talaado, September 20, 2016 (HOL) — Kaddib kulan ballaaran oo ay maanta ku yeesheen magaalada Beledweye, mas'uuliyiinta maamulka gobolka Hiiraan, siyaasiyiin, qeybaha kala duwan ee bulshada iyo duubabka dhaqanka gobolka oo uu horkacayo Ugaas Xasan Ugaas Khaliif, ayaa looga dhawaaqay dhismaha maamul-gobolleed uu yeellanayo gobolka Hiiraan.

9/20/2016 8:05 AM EST
Talaado, September 20, 2016 (HOL) — Al-shabaab ayaa markii u horreysay ka hadashay Doorashooyinka dadban ee lagu sannadkan daba-yaaqadiisa lagu wado inay ka dhacaan dalka, laguna soo doorto madaxweynaha iyo Baarlamaanka.

9/20/2016 4:26 AM EST
Talaado, Sitember 20, 2016 (HOL)-Cabsi xoggan ayaa Soomaalida gobolka Minnesota Mareykanka lasoo daristay kadib dhacdadii maalin dhaweyd nin Soomaali ah uu ku tooriyeeyay dad meel ka dukaamaysanaayay magaalada St. Cloud.

9/20/2016 4:18 AM EST
Talaado, September 20, 2016 (HOL) — Kaddib markii habeenkii Sabtidii uu Wiil Soomaali ah oo aysan Hay'adaha Nabadgalyada ee Minnesota aysan magaciisa shaacinin hasayeeshee Soomaalida St Cloud ay ku sheegeen Daahir Aadan uu fal Mindiyeena ku dhaawacay sagaal qof meel laga Dukaamaysto laguna Magaacabo CrossRoads Center ,Dhacdadaa kadib ayaa madaxda Gobolka iyo tan magaaladda St Cloud ay wada qabteenwaxaana shirkaa jaraaid oo ay ku sugnaayeen guddoomiyaha gobolka Minnesota Mark Dayton, Duqa Magaalada St Cloud Dave Kleis ,Taliyaha Booliiska ee Magaaladaa Chief Blair Anderson iyo xubno kale oo dagan magaaladaa.

9/20/2016 3:57 AM EST
Talaado, September 20, 2016 (HOL) — Jabriiil Ibraahim Cabdulle oo ahaa madaxa hay’ada Cilmi-baarista ee CRD, kana mid ahaa Hoggaanka Ururradda Bulshada Rayidka ah ee dalka ayaa Muqdisho uga dhawaaqay inuu u taagan yahay xilka madaxweynenimada Soomaaliya, taasoo la filayo in ay dhacdo tartankeedu dhamaadka bisha Oktoobar ee sannadkan 2016-ka.

9/20/2016 3:42 AM EST
Talaado, Sitember 20, 2016 (HOL)-Madaxweyne ku xigeenka Kenya, William Samoi Ruto ayaa mar kale difaacay go'aanka dawlada Kenya ku xireyso xeryaha Dhadhaab sanadkaan dabayaaqadiisa.

9/20/2016 2:35 AM EST
Talaado, Sitember 20, 2016 (HOL)-Culeys iyo cabsi ayaa lasoo darsay Soomaalida ku dhaqan magaalada Mombasa ee dalka Kenya.

9/20/2016 12:55 AM EST
Talaado, Sitember 20, 2016 (HOL)-Sharci yaqaano Kenyan ah oo uu hoggaaminaayo xeer ilaaliyaha guud ee Kenya, Githu Muigai ayaa shalay codsaday in la joojiyo dhageysiga dacwadaa.