3/29/2024
Today from Hiiraan Online:  _
Wararka Maanta- Talaado, Sept 20, 2016
Kenya oo codsatay in la joojiyo dhagaysiga dacwada kusaabsan muranka badda

 

Talaado, Sitember 20, 2016 (HOL)-Sharci yaqaano Kenyan ah oo uu hoggaaminaayo xeer ilaaliyaha guud ee Kenya, Githu Muigai ayaa shalay codsaday in la joojiyo dhageysiga dacwadaa.

 

Dacwadaa ayaa shalay ka bilaabatay Maxkamada Caalamiga ah ee Caddaalada ee QM ICJ. Wuxuu sheegay xeer ilaaliyaha guud ee Kenya in Soomaaliya iska indha tireyso heshiis muranka lagu xallili lahaa ayadoon maxkamad la adeegsan.

 

Heshiiskaas ayaa xeer jajab ah ay dawlad hore oo Soomaaliya ka jirtay -dawladii Shariif Sheekh Axmed iyo dawlada Kenya ay wada saxiixdeen.

 

Dacwada ayaa gashay maalintii labaad ee la dhageysanaayo maanta waxaana la filayaa in dhageysigu socdo ilaa Jimcaha soo socda.

 

 Dawlada Kenya ayaa sheegtay in ay heshiis shaqeynaya la gashay dawladii Shariif Sheekh Axmed kaasoo kusaabsan xallinta muranka badda waxayna ka caga jiideysaa sii socoshada dhagaysiga dacwada ee maxkamadaa ICJ ee The Hague, Holland iminka ka socda.

 

Dhanka kale ayaa dawlada Soomaaliya waxay ku andacooneysaa in baarlamaanku sanadkii 2009 u codeeyay in heshiiskaa aanu la jaan qaadeyn jaartarka dawlada federaalka ah ee Soomaaliya.


Heshiiska ayaa waxaa saxiixay madaxweynihii xilligaa, Sheekh Shariif Sheekh Axmed, raisal wasaarihii waagaa, Cumar C/Rashiid oo hadana mar kale dawlada hada kujira iyo guddi ka koobnaa wasiiro dawladii sheekh shariif ka tirsanaa.   

 

Xeer ilaaliyaha guud ee Kenya, Muigai ayaa ku baaqay in arinkaa xallintiisa loo dib dhigo ilaa Soomaaliya ka hesho xasillooni buuxda.


Dhanka kale ayaa shalay waxaa meelo badan ku dibad baxay Soomaali ka careysan wax ay ugu yeereen gar darro Kenya ay dooneyso inay ku qaadato badda Soomaaliya iyo kheyraadka dhex ceegaaga sida kalluunka iyo shidaalka.

 

Dibad baxyadaa ayaa ka dhacay magaalooyin badan oo caalamka ah oo dad badan oo Soomaali ah ay ku nool yihiin sida London, carriga Ingiriiska iyo meelo kale.

 

Xataa waxaa jiray dad Soomaali ah oo abaabulaayay inay maxkamada dacwada qaadeysa ee ICJ horteeda ay ku mudaaharaadaan.

 

Khaasatan badda inta laisku hayo ee doodu ka taagan tahay ayaa waxaa la xaqiijiyay in shidaal badan kujiro hoosteeda ayadoo kalluun badana uu kujiro baddaa.

 

Aaden M Warsame
Hiiraan Online
[email protected]




 













Click here
9/20/2016 4:51 PM EST
Talaado, September 20, 2016 (HOL) — Labada Gobol ee Hiiraan iyo Shabeellada Dhexe oo markii hore Qorshuhu ahaa in Hal maamul ay ku Midoobaan, ayaa hadda u Muuqda kuwo arintaa ku kala weydaaranaya, kaddib markii xarunta gobolka Hiiraan ee Beledweyne looga dhawaaqay maanta dhismaha maamul u yeelanayo Gobolka Hiiraan.

9/20/2016 2:14 PM EST
Talaado, Sitember 20, 2016 (HOL)-Hoggaamiyeyaasha caalamka ayaa isku raacay in waxqabad intii hore ka wacan lala yimaado si wax looga qabto qaxootiga badan ee caalamka.

9/20/2016 1:27 PM EST
Talaado, September 20, 2016 (HOL) — Wafdi u Hoggaaminayo RW Soomaaliya, Cumar C/rashiid Cali Sharma’arke, ayaa maanta gaaray Magaalada Garowe ee Xarunta Puntland, halkaasoo si weyn loogu soo dhaweeyay.

9/20/2016 11:23 AM EST
Talaado, September 20, 2016 (HOL) — Mudaharaad aad u balaadhan oo lagu taageerayo go’aankii madaxweynuhu ku kala qaaday labada doorasho ayaa ka dhacay magaaladda Hargeysa, waxaana dadweynuhu beesha caalamka u sheegayeen in danta Somaliland ay ku jirto in doorashadda la kala qaado.

9/20/2016 11:22 AM EST
Talaado, Sitember 20, 2016 (HOL)-Waxaa caasimada Muqdisho lagu qabtay kulan looga hadlaayay amuuraha kusaabsan sidii loo adkeyn lahaa ammaanka waqtiga doorashooyinka soo socda.

9/20/2016 9:59 AM EST
Talaado, September 20, 2016 (HOL) — Maamulka Jubbaland, QM iyo Wakiillo ka Socday Beesha Caalamka ayaa ku heshiiyay in la dhiso Guddi Wadajir ah oo ka shaqeeya sidii Wax looga qaban lahaa baahiyaha ay Qabaan Qoxootiga Dhadhaab ku Nool ee doonaya inay dib ugu soo laabtaan Soomaaliya.

9/20/2016 8:28 AM EST
Talaado, September 20, 2016 (HOL) — Waxaa Maalintii labaad galay dhagaysiga Dacwada ka socota Maxkamadda Caalamiga ah ee Cadaaladda ee QM ee la xiriirta Muranka Soohdin badeedda ee u dhaxeeya Kenya iyo Soomaaliya.

9/20/2016 8:10 AM EST
Talaado, September 20, 2016 (HOL) — Kaddib kulan ballaaran oo ay maanta ku yeesheen magaalada Beledweye, mas'uuliyiinta maamulka gobolka Hiiraan, siyaasiyiin, qeybaha kala duwan ee bulshada iyo duubabka dhaqanka gobolka oo uu horkacayo Ugaas Xasan Ugaas Khaliif, ayaa looga dhawaaqay dhismaha maamul-gobolleed uu yeellanayo gobolka Hiiraan.

9/20/2016 8:05 AM EST
Talaado, September 20, 2016 (HOL) — Al-shabaab ayaa markii u horreysay ka hadashay Doorashooyinka dadban ee lagu sannadkan daba-yaaqadiisa lagu wado inay ka dhacaan dalka, laguna soo doorto madaxweynaha iyo Baarlamaanka.

9/20/2016 4:26 AM EST
Talaado, Sitember 20, 2016 (HOL)-Cabsi xoggan ayaa Soomaalida gobolka Minnesota Mareykanka lasoo daristay kadib dhacdadii maalin dhaweyd nin Soomaali ah uu ku tooriyeeyay dad meel ka dukaamaysanaayay magaalada St. Cloud.

9/20/2016 4:18 AM EST
Talaado, September 20, 2016 (HOL) — Kaddib markii habeenkii Sabtidii uu Wiil Soomaali ah oo aysan Hay'adaha Nabadgalyada ee Minnesota aysan magaciisa shaacinin hasayeeshee Soomaalida St Cloud ay ku sheegeen Daahir Aadan uu fal Mindiyeena ku dhaawacay sagaal qof meel laga Dukaamaysto laguna Magaacabo CrossRoads Center ,Dhacdadaa kadib ayaa madaxda Gobolka iyo tan magaaladda St Cloud ay wada qabteenwaxaana shirkaa jaraaid oo ay ku sugnaayeen guddoomiyaha gobolka Minnesota Mark Dayton, Duqa Magaalada St Cloud Dave Kleis ,Taliyaha Booliiska ee Magaaladaa Chief Blair Anderson iyo xubno kale oo dagan magaaladaa.

9/20/2016 3:57 AM EST
Talaado, September 20, 2016 (HOL) — Jabriiil Ibraahim Cabdulle oo ahaa madaxa hay’ada Cilmi-baarista ee CRD, kana mid ahaa Hoggaanka Ururradda Bulshada Rayidka ah ee dalka ayaa Muqdisho uga dhawaaqay inuu u taagan yahay xilka madaxweynenimada Soomaaliya, taasoo la filayo in ay dhacdo tartankeedu dhamaadka bisha Oktoobar ee sannadkan 2016-ka.

9/20/2016 3:42 AM EST
Talaado, Sitember 20, 2016 (HOL)-Madaxweyne ku xigeenka Kenya, William Samoi Ruto ayaa mar kale difaacay go'aanka dawlada Kenya ku xireyso xeryaha Dhadhaab sanadkaan dabayaaqadiisa.

9/20/2016 2:35 AM EST
Talaado, Sitember 20, 2016 (HOL)-Culeys iyo cabsi ayaa lasoo darsay Soomaalida ku dhaqan magaalada Mombasa ee dalka Kenya.