3/29/2024
Today from Hiiraan Online:  _
Wararka Maanta- Axad, Oct 2 , 2016
Badhasaabka Togdheer: Tallaabo ayaan ka Qaadi doonaa Dhallinyarada Dadka Baarta Habeenkii
Axad, Oktoobar 02, 2016 (HOL) — Magaalada Burco ee Xarunta Gobolka Togdheer, ayaa la sheegay inay baryahan dambe kusoo badanayaan dhallinyaro habeenkii jidadka dadka ku baadha isla markaanka shacabku ka cawdaan.

Barasaabka Togdheer Maxamed Ibraahim Qabo, ayaa sheegay in talaabo adag laga qaadi doonno kooxo dhalinyaro hubaysan oo khal-khal ku riday amaanka magaaladda Burco, kuwaas oo dhibaatooyin ku haya shacabka reer Burco ee jidadka maraya.

Badhasaabka, ayaa sheegay in haddii ay waalidku wax ka qaban waayaan dhalinyartaas in loo gudbin doonno guddida nabadgalyadda iyo hay’adaha amaanka oo uu xusay inay talaabo adag ka qaadan doonaan.

Kooxahan dhalinyarada shuftadda ah  oo  mudooyinkan  danbe ku soo kordhay magaaladda Burco ayaa la sheegay inay xaafadaha Magaaladaas ka gaystaan falal budhcadnimo ah, iyadoo baadhasho iyo dhibaatooyin kaleba u gaystaan dadweynaha.

Maxamed Ibraahim Qabo, ayaa kulan la yeeshay hay’adaha ammaanka, isla markaana sheegay in gudidda nabadgalyaddu xukumi doonto dhalinyaradda rabshaddo ka gaysta magaaladda.

Waxaana kulankaasi ka soo qayb galay badhasaabka gobolka, taliyaha qaybta booliska ee gobolka Togdher,   guddoomiyaha  maxkamadda racfaanka ee gobolka Togdheer,  taliyeyaasha saldhigyadda booliska ee magaaladda Burco.

“Waxaa laga rabaa waalidiinta in ay ogaadaan meesha ay ka soo toosaan ubadkoodu,  waxaananu uga digaynaa waalidka iyo caruurtoodaasi, tallaabo ayay dawladu ka qaadi doontaa,  gobol ahaan, ka gudi nabad-geliyo ahaan, iyo ka maamul ahaan”ayuu yidhi gudoomiye Qabo.

Maxamed Ibraahim Qabo, waxa uu sheegay inay qaadayaan tallaabooyin lagu xakamaynayo dhalinyaraddan shuftadda ah. “Waxaanu qaadi doonaa tallaabo, tallaabadaasina  ka farxin mayso in badan oo waalidiin ah. Waxaanu halkan u marinaynaa waalidka ilmahiisa hayn waaya,  waa loo haynayaa, oo dawladda ayaa u haynaysa. Haddii  aad waalidoow haysan waydeen ilmihiinii, annaga ayaa idiin haynayna. Waxaanu idiinku haynaynaa in aanu tarbiyadiisii hore dib ugu soo celino, in aanu naas-nuujintiisii dib ugu soo celino. Waxaanu u haynaynaa in aanu dhibin dadka dariiqyadda maraya, oo aanu noqon qaadicul-dariiq”

Sidoo kale, Guddoomiyaha Gobolka Togdheer, mar uu faahfaahino dheeraad ah ka bixinayay kooxahan dhalinyaradda ah iyo falalka ay gaystaan, wuxuu yii. “Waxaa beryahan magaalada Burco ka dhaca, oo aan hore uga dhici jirin,  in dhalinyaro aad u yar yar oo  20 jirro ah, oo waxbarta oo arday ah,  inta ay Goyaal dhigtaan dariiqyada magaaladda, in qof kastoo soo mara dariiqaasi ay ku yidhaahdaan  2000 Shilling ku rid, oo ay dadka baad ka ururiyaan.Mid wadaad ah,  mid waayeel ah, hooyooyinka iyo hablaheenii, inay yiraahdaan 2000 shilling ku rid hadddii kale halkaas dhaafi maysid, iyadoo ay dhacdo in qof saacadda uu xiran yahay laga furto ama wixii la doonno lagu sameeyo”.

Dhallinyaradan habeenkii dadka baadhaysa oo sidoo kale ku soo badanaya caasimadda Hargeysa ayaa haddii wax laga qaban doono halis amni daro ku abuuri karta, waxaanay keenta in dadweynuhu habeenkiii ka baqdaan dhalinyaradaasi.

Barkhad-ladiif M. Cumar, Hiiraan Online
[email protected]
Hargeysa, Somaliland













Click here
10/2/2016 12:18 PM EST
Axad, Oktoobar 02, 2016 (HOL) — Warar kala duwan, ayaa ka soo baxaya kulan maanta Dhax-maray wafdi uu horkacayay ra'iisal wasaare ku-xigeenka Xukuumadda Federaalka Somalia, Maxamed Cumar Carte oo maalintii shalay gaaray magaalada Beledweyne iyo duubabka dhaqanka uu horkacayo Ugaas Xasan Ugaas Khaliif.

10/2/2016 11:24 AM EST
Axad, Oktoobar 02, 2016 (HOL) — Isbahaysiga Xisbiyada Siyaasadeed ee Somalia, ayaa kulan ay ku yeesheen Muqdisho kazoo saaray war-saxaafadeed ay kaga hadleen xaaladda dalka iyo dib u dhigidda Doorashooyinka sannadkan 2016-ka dhacaya.

10/2/2016 7:58 AM EST
Axad, Oktoobar 02, 2016 (HOL) — Hay'ada culumada Soomaaliyeed ayaa maanta walaac ka muujisay qoondada 30% ah ee Haweenka ay ku leeyihiin hay’adaha dastuuriga ee Dowladda Federaalka Somalia, gaara haan Saamiga kuraasta Baarlamaanka la dhisi doono dhawaan.

10/2/2016 5:22 AM EST
Axad, Oktoobar 02, 2016 (HOL)-Ku-xigeenka taliyaha ciidamada AMISOM, Mohammedesha Zeyinu ayaa Soomaaliya qeybo ka tirsan booqday.

10/2/2016 4:17 AM EST
Axad, Oktoobar 02, 2016 (HOL) — Madaxweynaha Maamulka Khaatumo Cali Khaliif Galeydh, ayaa sheegay inay ka baxayaan wadahadalka ay kula jiraan Somaliland, haddii aysan joojin fara-gelin iyo kala qaybin uu sheegay inay ka dhex-wadaan shacabka Khaatumo.

10/2/2016 4:04 AM EST
Axad, Oktoobar 02, 2016 (HOL) — Guddoomiyaha Gobolka Banaadir, Yuusuf Xuseen Jimcaale ayaa amray in la furo waddooyinka lagu xirtay dhagaxaanta ee ku yaalla magaalada Muqdisho.

10/2/2016 3:44 AM EST
Axad, Oktoobar 02, 2016 (HOL)-Madaxa nabad sugida ayaa doonaya in uu xilka ka qaado 1,500 ka tirsan nabad sugida Soomaaliya maadaama falalka amni darro ay kusoo badanayaan dalka.

10/2/2016 2:21 AM EST
Axad, Oktobar 02, 2016 (HOL)-Waxay xalay loo dabbaal dagay sannad guuradii 3aad ee kasoo wareegatay markii la aasaasay matxafka dhaqanka Soomaalida ee Minnesota.