3/28/2024
Today from Hiiraan Online:  _
Wararka Maanta- Axad, Jan 17, 2016
SAWIRRO: Qaar ka mid ah Askartii Kenya ee ku dhaawacmay Ceel-cadde oo laga dajiyay Nairobi


Axad, Janaayo 17, 2016 (HOL) — Tiro ka mid ah ciidammada Kenya ee lagu dhaawacay weerarkii ay Al-shabaab ku qaaday Jimcihii hore saldhigga AMISOM ee deegaanka Ceel-cadde ayaa maanta la gaarsiiyay Magaalada Nairobi ee caasimadda dalka Kenya.

Xukuumadda Kenya ayaa sheegtay in laba diyaaradood oo wada afar askari oo dhaawac ah ay kasoo dageen garoonka Wilson ee magaalada Nairboi, iyadoo xilligaas ay garoonka ku sugnaayeen wasiiradda gaashaandhigga Kenya, Rechel Omamo iyo taliyaha ciidanka KDF ee Kenya, Jen. Samson Mwathethe.

Jen. Samson Mwathethe ayaa sheegay inay haatan socdaan saldhigii weerarka lagu qaaday howlgallo baadi-goob ah, kuwaasoo lagu raadinayo ciidamo uu ku sheegay inay weerarka ka baxsadeen.

“Waxaan halkan ka sheegayaa inuu socdo Hawl-gal baadi-goob ah oo askartii ka baxsaday dagaalka lagu raadinayo. Waxaan sidoo kale qaadi doonaa howlgallo aan ku beegsanayno cadowga, wayna ka shaleyn doonaan weerarkii saldhigga Ceel-cadde ay ku qaadeen,” ayuu yiri jen. Mwathethe.

Taliyaha millateriga Kenya ayaa intaas ku daray in ciidan Kenyaan ah iyo kuwo Somali ah lagu laayay weerarkaas, Laakiinse ma uusan sheegin tirada Ciidamada Kenya ee lagu dilay weerarkaas.

Dhanka kale, Wasiirradda Difaaca Kenya, Rachael Omamo ayaa waxay iyaduna sheegtay in dowladda Kenya ay marka hore ay la xiriiri doonto qoysaska askarta weerarkaas looga laayay, ayna u sheegi doonto tirada askarta laga dilay.

“Shacabka Kenya waxaan ugu baaqayaa inay is-dajiyaan, dowladduna waxay si dhaqso ah ugu soo gudbin doontaa warbixnnada ku saabsan khasaaraha ciidamada Kenya soo gaaray, kaddib markaan ku wargelinno qoysaskii ay ka baxeen,” ayay tiri Rechael Omamo

Omamo ayaa intaas ku dartay in ciidanka dalka Kenya ay wali dagaal kula jiraan xoogagga Al-shabaab si ay uga soo bad-baadiyaan Askarta ay gaanta ku dhigeen iyagoo nool. Iyadoo Al-shabaab ay sheegtay inay gacanta ku hayso 12-askari oo Kenyan oo nool.

Ugu dambeyn, mas’uuliyiinta Kenya ayaa sheegay in ciidamadoodu ay sii joogi doonaan Somalia tan iyo inta laga xoreynayo Al-shabaab gudaha dalka Soomaaliya oo dhan.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/17/2016 9:16 AM EST
Axad, Janaayo 17, 2016 (HOL) — Waxaa maanta soo gabagaboobay shirweeynihii qaran ee looga tashanayay aayaha Soomaaliya, kaa oo ay kasoo qeybgaleen madaxda dowladda dhexe ee Soomaaliya iyo kuwa dowlad goboleedyada.

1/17/2016 8:52 AM EST
Axad, Janaayo 17, 2016 (HOL) — RW ku xigeenka Somalia, Maxamed Cumar Carte ayaa maanta ka Qayb-galay munaasibad lagu Taageerayay Barnaamijka Aada Dugsiyada (Go to School), taasoo lagu qabtay Daljirka Dahsoon.

1/17/2016 8:18 AM EST
Axad, Janaayo 17, 2016 (HOL) — Saddex ruux oo lagu eedeeyey inay geysteen dilal, ayaa maanta lagu qiyaasay deegaanka Mandheera ee gobolka Saaxil ka dib markii maxkamaddu ku xukuntay dil toogasho ah.

1/17/2016 5:58 AM EST
Axad, Janaayo 17, 2016 (HOL) — Xukuumadda Burkina Faso ayaa shaacisay in lagu dilay 28-qof oo ay ku jiraan ajaanib weerarkii lagu qaaday Jimcihii Hoteel Splendid oo ku yaalla magaalada caasimadda ah ee Ouagadougou.

1/17/2016 5:12 AM EST
Axad, Janaayo 17, 2016 (HOL) — Al-shabaab ayaa Bayaan ay soo saartay ku sheegay inay Nolosha ku qabatay 12 Askari oo ka tirsan Ciidamada Millateriga Kenyan ah, kuwaasoo ay sheegtay inay ku qabatay weerarkii ay ku qaaday saldhigga AMISOM ee deegaanka Ceel-cadde.

1/17/2016 4:59 AM EST
Axad, Janaayo 17, 2016 (HOL) — Guriga martida Magaalada Kismaayo oo ku yaalla Aga-gaarka Dekedda Kismaayo ayaa waxaa ka soconaya Shirkii madasha Wada-tashiga Qaran ee looga arinsanayay aayaha Soomaaliya iyo hannaanka doorashooyinka sanaddan ka dhici doona Soomaaliya.

1/17/2016 3:17 AM EST
Axad, Janaayo 17, 2016 (HOL) —Cunaqabateyntii caalamiga ahayd ee saarnayd dalka Iran ayaa laga qaaday kadib markii hay'adda quwada atoomikada ee Qaramada Midoobay ay xaqiijiyeen in Iran ay meelmarisay heshiis ujeedkiisu ahaaa in looga hortago in ay kobciso hubka Nuclear-ka.