Haweenka barakacayaasha degmada Cadale oo nolashooda ku dabara farsamada gacanta
Arbaco, December, 28,
2016 (HOL) – Haweenka ku dhaqan degmada Cadale ee gobolka Sh/dhexe ayaa ka faa’ideysana
mashruuc u gaar ah haweenka oo ah farsamada gacanta.
Gaar ahaan dumarka barakacayaasha ah ee degmadaas
ku dhaqan ayaa si ay uga hortagaan shaqo la’aanta waxaa ay bilaabeen in soo
saaran darmo iyo wax yaabo kale oo laga sameeyay cawda.
Dumarkan ayaa farsamada gacanta uga faa’ideysata in ay ka soo saartaan dhaqaale ay ku noolaadaan, madaama ay ka soo
jeedaan qoysas barakacayaal oo nolasha ku adkeyd markii hore.
Xirfadan la xiriirta tolista darmaha iyo wax
yaabaha kale ee soo raaca gudaha dalka Soomaaliya waa mid leyska dhaxlo oo
waalidiinta qaar ilmahooda baraan si marka danbe ugu shaqeystaan.
Arintan ayaa la sheegay in ay hoos u dhigi karto
saboolnimada dadka barakacayaasha iyo ku tiirsanaanta kaalmada bani’aadnimo.
Haweenka ku dhaqan degmada Cadale ee gobolka
Sh/dhexe ayaa ka soo barakacay qeybo ka mid ah gobolka iyo deegaannada kale ee
dariska la ah.
Ilaa iyo hada xirfadan waxaa ku shaqeysta 100
haween ah, madaama ay ku caajiseen sugista gargaarka bani’aadnimo.
Subaxnimada hore ayeey shaqadan gallaan, iyaga oo isku madadaalinaya heeso u gaar ah howlmaalmeedkan.
Ugu danbeyntii, haweenka ayaa agabka ay soo
saaraan waxaa ka mid ah babisyo, Dambiilo, Darmo, Xaaqin nooc waliba leh iyo
alaabo kale.
Aaden M Warsame
Hiiraan Online
[email protected]