3/28/2024
Today from Hiiraan Online:  _
Wararka Maanta- Isniin, Apr 18, 2016
MADAXWEYNAHA JUBBALAND: Waa in Shaqo la siiyo Dhallinyarada si ay uga Haraan Tahriibka

Isniin, Abriil 18, 2016 (HOL) —Madaxweynaha Jubbaland, Axmed Maxamed Islaam oo ku qabtay maanta shir jara'aid guriga martida ee degmada Kismaayo ayaa tacsi u diray ehellada dhallinyaradii Soomaaliyeed ee ku dhintay badda u dhexeeysa Talyaaniga iyo Masar, isagoo Eebbe uga rajeeyay in uu naxariistiisa siiyo dhammaan dadkii ku dhintay.

Doon ay la socdeen tahriibayaal Soomaaliyeed ayaa ku quustay badda u dhexeeysa Girigga iyo Masar, waxaana la sheegay in ku dhawaad 200 oo Tahriibayaal Soomaaliyeed ah ay ku har-qadeen badda.

Madaxweynaha Jubbaland, ayaa sheegay in arrimaha keenay in dhallinyaradani ay dalka ka cararto ay ka mid tahay in dhalintii wax baratay oo ilaa heer Jaamacadeed ah ay wax fursad shaqo ah ka waayaan dalka, taa badalkeedana shaqaale laga dalbado qurbaha, arintaa oo uu sheegay in dhalinyaradu ay ku kalifto in uu rajo beel ka noqdo dalka.

"Waxaan is-leeyahay waxyaalaha dhacayo waa waxyaabo la xallin karayo, waa wax haddii Dowladda Somalia, dowlad goboleedyada iyo Beesha Caalamka hadii la isugu tago xal laga keeni karo," ayuu madaxweeynuhu hadalkiisii raaciyay.

Waxa uu sheegay in dhalinyarada qurbaha aadda ay sawirro isaga soo qaadaan guryo qurux badan oo ayan lahayn, kuna booriyaan asxaabtooda wadanka joogta in ay maraan waddadii dhibka badnayd ee ay soo mareen si ay u helaan nolol ka badalan tan ay ku jiraan.

Axmed Madoobe ayaa sheegay in loo baahanyahay in loo istaago sidii dhalinta looga baajin lahaa tahriibta, isagoo yiri. "Maanta haddii qaar dhallinyarada ka mid ah ay Al-shabaab dilo, qaarna ay qarax ku dhintaan, kuwana ay badda ku dhintaan, qaar kalena ay gaajo iyo abaar u dhintaan, Jiilkan wuu dhamaanayaa, dadkaan berito yaa maciin u ah, waana ayo cidda ay sugayaan."

Dhacdadaan, ayaa kusoo beegmeeysa ayadoo sanad laga joogo markii ku dhawaad 800 oo qof oo tahriibayaal ah oo ay Soomaali u ku jirto ay ku dhammaadaan Badda Talyaaniga iyo Liibiya u dhexeysa, waxaana weli jira dhalinyaro fara badan oo ku sugan Liibiya iyo Masar, kuwaas oo ku haminaya in ay u tahriibaan dalalka Yurub.

Xasan Nuur, Hiiraan Online
[email protected]
Kismaayo-Soomaaliya












Click here
4/18/2016 11:58 AM EST
Isniin, Abriil 18, 2016 (HOL) — Musiibadii ka dhacday Badda Mediterranean-ka ee ay ku Geeriyoodeen 200 oo Tahriibayaal Soomaaliyeed ah, ayaa waxaa si weyn looga Dareemay Gobollada Somaliland, kuwaasoo la sheegay inay kasoo jeedeen badankood Somaliland.

4/18/2016 11:17 AM EST
Isniin, Abriil 18, 2016 (HOL) — Wafdi ka socda Dowladda Hoose ee Magaalada Istanbuul ee Dalka Turkiga iyo guddomiyaha gobolka Banaadir, ayaa maanta kormeer qiimeyn ah ku tagay Waddada Soddonka ee Muqdisho oo ka mid ah Waddooyinkii ku burburay colaadihii dalka ka dhacay.

4/18/2016 11:07 AM EST
Isniin, Abriil 18, 2016 (HOL) — Kulankan oo ahaan mid xasaasi ah, ayaa maanta mar kale dhex-maray Duubabka-dhaqanka Gobolka Hiiraan ee kasoo horjeeda shirka Jowhar ee lagu dhisayo maamulka Gobollada Hiiraan iyo Shabeellada Dhexe iyo Saraakiil ka tirsan QM.

4/18/2016 10:17 AM EST
Isniin, Abriil 18, 2016 (HOL) — Kooxo hubeysan oo gaari watay ayaa maanta laba qof oo la sheegay inuu midkood ka tirsanaa ilaalada Guddoomiyaha degmada Boondheere, iyadoo dilka kaddib uu iska-horimaad dhexmaray Ciidamada Amaanka Dowladda Soomaaliya iyo xoogaggii hubeysnaa ee dilalka geystay.

4/18/2016 8:47 AM EST
Isniin, Abriil 18, 2016 (HOL) - Fadhiga baarlamaanka soomaaliya ay ku yeesheen xarunta golaha shacabka ee magaaladda muqdisho ,waxaa soo xaadiray xildhibaano gaaraya 144 mudane waxa uu furmay 11:00 AM barqo-nimo .

4/18/2016 8:47 AM EST
Isniin, Abriil 18, 2016 (HOL) — Kulan lagu gor-feeyay khilaafaadka Soomaalida ku dhaqan Koonfur Afrika, ayaa dhex-maray Guddi odayaal ah oo isku xil-saaray Xallinta khilaafaadka Jaaliyada Soomaaliyeed ee dalka Koonfur Afrika ku nool iyo gudi ka kooban qaybaha bulshada Soomaaliyeed ee ku nool Magaalada Pretoria.

4/18/2016 6:58 AM EST
Isniin, Abriil 18, 2016 (HOL) — Dowladda Somalia, ayaa maanta ka hadashay Geerida ugu yaraan 200 oo Dhallinyaro Soomaaliyeed ah oo ay dooni kula dagtay badda Mediterranean-ka, kuwaas oo ka Ambabaxay dalka Masar kuna socday dalka Talyaaniga.

4/18/2016 6:40 AM EST
Isniin, Abriil 18, 2016 (HOL) - Ciidamada Nabad-sugidda Soomaaliya ee NISA ayaa gacanta ku dhigay gaari laga soo buuxiyey walxaha qarxa iyo hub saarnaa gaarigaasi, kadib howlgalo ciidamadu ay ka sameeyeen degmada Dayniile ee gobolka Banaadir.

4/18/2016 4:17 AM EST
Isniin, Abriil 18, 2016 (HOL)-Hoggaamiyaha isbaheysiga mucaaradka Kenya ee CORD, Mr. Raila Odinga oo horeyna raisul wasaare uga ahaa Kenya ayaa sheegay in kiiskii Kenya ee dhawaan maxkamada ICC ay daaqada ka saartay arintaasi ay ula macno tahay halaag qaarada Afrika.

4/18/2016 3:00 AM EST
Isniin, Abriil 18, 2016 (HOL) — Hoggaamiyaha Mucaaradka Koonfurta Sudan, Riek Machar ayaa maanta la filayaa inuu ka dago magaalada Juba ee xarunta South Sudan, halkaasoo uu ka maqnaa labadii sano ee lasoo dhaafay, kaddib markii dagaal sokeeye uu dalkaas ka dillaacay.

4/18/2016 1:52 AM EST
Isniin, Abriil 18, 2016 (HOL) — Warar laga helayo dalka Masar, ayaa sheegaya in doon ay la socdeen in ka badan 400-qof oo tahriibayaal ah oo tagtay dalka Masar ay ku dagtay Badda Mediterranean-ka, waxaana la sheegay inay ku dhinteen ugu yaraan 200 oo dhallinyaro Soomaliyeed.