3/28/2024
Today from Hiiraan Online:  _
Wararka Maanta- Khamiis, Apr 18, 2016
Raila Odinga: Xukunka ICC Kiiska Kenya daaqada uga saartay oo la macno ah halaag

 

Raila Odinga


Isniin, Abriil 18, 2016 (HOL)-Hoggaamiyaha isbaheysiga mucaaradka Kenya ee CORD, Mr. Raila Odinga oo horeyna raisul wasaare uga ahaa Kenya ayaa sheegay in kiiskii Kenya ee dhawaan maxkamada ICC ay daaqada ka saartay arintaasi ay ula macno tahay halaag qaarada Afrika.  

Mr. Raila ayaa sheegay in maxkamadaasi ay ogolaatay in Kenya ay u hanjabto isla markaana go'aankeedii ahaa in ay soo afjarto kiisaskii ka dhanka ahaa madaxda sare ee Kenya uu dib u dhac ku yahay dagaalka ka dhanka ah isla xisaabtan la'aanta ka jirta Afrika, qaarada oo uu yiri waxay hoggaamisaa kuxadgudubka xaquuqul insaanka.

Raila wuxuu sheegay in kiiskii ka dhanka ahaa Ruto oo dhawaan maxkamada ICC ay soo afjartay iskana deysay inay sii waddo ay arintaasi la macno tahay dhibaato. Wuxuu sheegay in dalalka Afrika ay yihiin dalalka loogu xad gudubka badan yahay xaquuqul insaanka isla markaana ay u baahan yihiin maxkamad caalami ah.

Wuxuu dhawaan Raila sheegay in ICC ay kuguul dareysatay inay xukun ku riddo hoggaamiyeyaasha sare ee Kenya dambi la sheegay inay galeen 2007 markaas oo ay socotay rabsho daba socotay doorasho lagu murmay arintaasina ay murjinayso dadaalada caalamiga ah ee isla xisaabtamid la'aanta lagula dagaalamo.

Asagoo la hadlayay wakaalada wararka ee Faransiiska ee AFP ayaa Raila uu sheegay sidaasi.

 ICC ayaa daaqada kasaartay ama joojisay dacwado loo heystay madaxweynaha Kenya, Uhuru Kenyatta dabayaaqadii sanadkii 2014 labo asbuuc ka horna waxay sidaas oo kale ujoojisay dacwad ka dhan ahayd madaxweyne ku xigeenka Kenya William Ruto iyo nin idaacad wariye ka ahaan jiray oo lagu magacaabo Joshua Arap Sang.

Dadkaas oo dhan iyo kuwo kale oo horay ay daaqada kiisaskooda maxkamadaasi uga saadhay ayaa lagu soo eedeeyay markii hore inay ku lug lahaayeen rabshadihii ka dhacay Kenya 2007 kadib markii doorasho guud oo Kenya ka dhacday lagu murmay isla markaana ay rabshadahaa ku dhinteen ugu yaraan dad toradoodu sare u dhaaftay 1000 qof boqolaal kun oo kalena ay ku bara kaceen.  

Qore: Aaden M Warsame
          [email protected]













Click here
4/18/2016 11:58 AM EST
Isniin, Abriil 18, 2016 (HOL) — Musiibadii ka dhacday Badda Mediterranean-ka ee ay ku Geeriyoodeen 200 oo Tahriibayaal Soomaaliyeed ah, ayaa waxaa si weyn looga Dareemay Gobollada Somaliland, kuwaasoo la sheegay inay kasoo jeedeen badankood Somaliland.

4/18/2016 11:17 AM EST
Isniin, Abriil 18, 2016 (HOL) — Wafdi ka socda Dowladda Hoose ee Magaalada Istanbuul ee Dalka Turkiga iyo guddomiyaha gobolka Banaadir, ayaa maanta kormeer qiimeyn ah ku tagay Waddada Soddonka ee Muqdisho oo ka mid ah Waddooyinkii ku burburay colaadihii dalka ka dhacay.

4/18/2016 11:07 AM EST
Isniin, Abriil 18, 2016 (HOL) — Kulankan oo ahaan mid xasaasi ah, ayaa maanta mar kale dhex-maray Duubabka-dhaqanka Gobolka Hiiraan ee kasoo horjeeda shirka Jowhar ee lagu dhisayo maamulka Gobollada Hiiraan iyo Shabeellada Dhexe iyo Saraakiil ka tirsan QM.

4/18/2016 10:17 AM EST
Isniin, Abriil 18, 2016 (HOL) — Kooxo hubeysan oo gaari watay ayaa maanta laba qof oo la sheegay inuu midkood ka tirsanaa ilaalada Guddoomiyaha degmada Boondheere, iyadoo dilka kaddib uu iska-horimaad dhexmaray Ciidamada Amaanka Dowladda Soomaaliya iyo xoogaggii hubeysnaa ee dilalka geystay.

4/18/2016 8:47 AM EST
Isniin, Abriil 18, 2016 (HOL) - Fadhiga baarlamaanka soomaaliya ay ku yeesheen xarunta golaha shacabka ee magaaladda muqdisho ,waxaa soo xaadiray xildhibaano gaaraya 144 mudane waxa uu furmay 11:00 AM barqo-nimo .

4/18/2016 8:47 AM EST
Isniin, Abriil 18, 2016 (HOL) — Kulan lagu gor-feeyay khilaafaadka Soomaalida ku dhaqan Koonfur Afrika, ayaa dhex-maray Guddi odayaal ah oo isku xil-saaray Xallinta khilaafaadka Jaaliyada Soomaaliyeed ee dalka Koonfur Afrika ku nool iyo gudi ka kooban qaybaha bulshada Soomaaliyeed ee ku nool Magaalada Pretoria.

4/18/2016 6:58 AM EST
Isniin, Abriil 18, 2016 (HOL) — Dowladda Somalia, ayaa maanta ka hadashay Geerida ugu yaraan 200 oo Dhallinyaro Soomaaliyeed ah oo ay dooni kula dagtay badda Mediterranean-ka, kuwaas oo ka Ambabaxay dalka Masar kuna socday dalka Talyaaniga.

4/18/2016 6:40 AM EST
Isniin, Abriil 18, 2016 (HOL) - Ciidamada Nabad-sugidda Soomaaliya ee NISA ayaa gacanta ku dhigay gaari laga soo buuxiyey walxaha qarxa iyo hub saarnaa gaarigaasi, kadib howlgalo ciidamadu ay ka sameeyeen degmada Dayniile ee gobolka Banaadir.

4/18/2016 4:50 AM EST
Isniin, Abriil 18, 2016 (HOL) —Madaxweynaha Jubbaland, Axmed Maxamed Islaam oo ku qabtay maanta shir jara'aid guriga martida ee degmada Kismaayo ayaa tacsi u diray ehellada dhallinyaradii Soomaaliyeed ee ku dhintay badda u dhexeeysa Talyaaniga iyo Masar, isagoo Eebbe uga rajeeyay in uu naxariistiisa siiyo dhammaan dadkii ku dhintay.

4/18/2016 3:00 AM EST
Isniin, Abriil 18, 2016 (HOL) — Hoggaamiyaha Mucaaradka Koonfurta Sudan, Riek Machar ayaa maanta la filayaa inuu ka dago magaalada Juba ee xarunta South Sudan, halkaasoo uu ka maqnaa labadii sano ee lasoo dhaafay, kaddib markii dagaal sokeeye uu dalkaas ka dillaacay.

4/18/2016 1:52 AM EST
Isniin, Abriil 18, 2016 (HOL) — Warar laga helayo dalka Masar, ayaa sheegaya in doon ay la socdeen in ka badan 400-qof oo tahriibayaal ah oo tagtay dalka Masar ay ku dagtay Badda Mediterranean-ka, waxaana la sheegay inay ku dhinteen ugu yaraan 200 oo dhallinyaro Soomaliyeed.