3/28/2024
Today from Hiiraan Online:  _
Wararka Maanta- Isniin, Apr 18, 2016
Riek Machar oo la filayo inuu Maanta dib ugu laabto Caasimadda Dalka Koonfurta Suudaan ee Juba


Isniin, Abriil 18, 2016 (HOL) — Hoggaamiyaha Mucaaradka Koonfurta Sudan, Riek Machar ayaa maanta la filayaa inuu ka dago magaalada Juba ee xarunta South Sudan, halkaasoo uu ka maqnaa labadii sano ee lasoo dhaafay, kaddib markii dagaal sokeeye uu dalkaas ka dillaacay.

Riek Machar ayaa la filayaa in loo dhaariyo madaxweyne ku xigeenka dalkaas oo uu dhawaan u magacaabay mar kale madaxweynaha South Sudan, Salva Kiir, xilkaasoo uu sheegay Machar inuu qabanayo.

Sidoo kale, dib ugu laabasha Riek Machar ee magaalada Juba ayaa waxay suuro-gal ka dhigeysaa sameynta dowlad midnimo Qaran, taasoo xubnaha mucaaradka iyo kuwa dowladdu ay awoodda ku wadaagayaan.

Xukuumadda loo dhisayo dalka caalamka ugu da'da yar ee South Sudan ayaa waxay ka koobnaan doontaa Madaxweyne Salva Kiir iyo xisbigiisa SPLM iyo Riek Machar iyo xisbigiisa mucaaradka ee SPLM-IO.

Dhanka kale, Riek Machar ayaa la midoobi doona kooxaha mucaaradka ah ee yar-yar iyo xoogaga kale ee siyaasadeed, si dowladda ay u noqto mid ka kooban mucaarad iyo xukuumadda hadda jirta.

Colaadii sokeeye ee ka qarxay Koonfurta Suudaan dhamaadkii 2013-kii, ayaa waxaa ku dhintay Tobannaan kun oo qof, iyadoo ay guryahood ka barakaceen ugu yaraan laba milyan oo qof.

Ugu dambeyntii, Dib u noqoshada Riek Machar ee Magaalada Juba ayaa waxay kusoo beegmaysaa, iyadoo toddobaadkii hore uu magaalada Juba ku laabtay ku xigeekiisa, inkastoo uu cabasho ka keenay xukuumadda.

Maxamed X. Xuseen, Hiiraan Online
[email protected]
Muqdisho, Soomaaliya













Click here
4/18/2016 11:58 AM EST
Isniin, Abriil 18, 2016 (HOL) — Musiibadii ka dhacday Badda Mediterranean-ka ee ay ku Geeriyoodeen 200 oo Tahriibayaal Soomaaliyeed ah, ayaa waxaa si weyn looga Dareemay Gobollada Somaliland, kuwaasoo la sheegay inay kasoo jeedeen badankood Somaliland.

4/18/2016 11:17 AM EST
Isniin, Abriil 18, 2016 (HOL) — Wafdi ka socda Dowladda Hoose ee Magaalada Istanbuul ee Dalka Turkiga iyo guddomiyaha gobolka Banaadir, ayaa maanta kormeer qiimeyn ah ku tagay Waddada Soddonka ee Muqdisho oo ka mid ah Waddooyinkii ku burburay colaadihii dalka ka dhacay.

4/18/2016 11:07 AM EST
Isniin, Abriil 18, 2016 (HOL) — Kulankan oo ahaan mid xasaasi ah, ayaa maanta mar kale dhex-maray Duubabka-dhaqanka Gobolka Hiiraan ee kasoo horjeeda shirka Jowhar ee lagu dhisayo maamulka Gobollada Hiiraan iyo Shabeellada Dhexe iyo Saraakiil ka tirsan QM.

4/18/2016 10:17 AM EST
Isniin, Abriil 18, 2016 (HOL) — Kooxo hubeysan oo gaari watay ayaa maanta laba qof oo la sheegay inuu midkood ka tirsanaa ilaalada Guddoomiyaha degmada Boondheere, iyadoo dilka kaddib uu iska-horimaad dhexmaray Ciidamada Amaanka Dowladda Soomaaliya iyo xoogaggii hubeysnaa ee dilalka geystay.

4/18/2016 8:47 AM EST
Isniin, Abriil 18, 2016 (HOL) - Fadhiga baarlamaanka soomaaliya ay ku yeesheen xarunta golaha shacabka ee magaaladda muqdisho ,waxaa soo xaadiray xildhibaano gaaraya 144 mudane waxa uu furmay 11:00 AM barqo-nimo .

4/18/2016 8:47 AM EST
Isniin, Abriil 18, 2016 (HOL) — Kulan lagu gor-feeyay khilaafaadka Soomaalida ku dhaqan Koonfur Afrika, ayaa dhex-maray Guddi odayaal ah oo isku xil-saaray Xallinta khilaafaadka Jaaliyada Soomaaliyeed ee dalka Koonfur Afrika ku nool iyo gudi ka kooban qaybaha bulshada Soomaaliyeed ee ku nool Magaalada Pretoria.

4/18/2016 6:58 AM EST
Isniin, Abriil 18, 2016 (HOL) — Dowladda Somalia, ayaa maanta ka hadashay Geerida ugu yaraan 200 oo Dhallinyaro Soomaaliyeed ah oo ay dooni kula dagtay badda Mediterranean-ka, kuwaas oo ka Ambabaxay dalka Masar kuna socday dalka Talyaaniga.

4/18/2016 6:40 AM EST
Isniin, Abriil 18, 2016 (HOL) - Ciidamada Nabad-sugidda Soomaaliya ee NISA ayaa gacanta ku dhigay gaari laga soo buuxiyey walxaha qarxa iyo hub saarnaa gaarigaasi, kadib howlgalo ciidamadu ay ka sameeyeen degmada Dayniile ee gobolka Banaadir.

4/18/2016 4:50 AM EST
Isniin, Abriil 18, 2016 (HOL) —Madaxweynaha Jubbaland, Axmed Maxamed Islaam oo ku qabtay maanta shir jara'aid guriga martida ee degmada Kismaayo ayaa tacsi u diray ehellada dhallinyaradii Soomaaliyeed ee ku dhintay badda u dhexeeysa Talyaaniga iyo Masar, isagoo Eebbe uga rajeeyay in uu naxariistiisa siiyo dhammaan dadkii ku dhintay.

4/18/2016 4:17 AM EST
Isniin, Abriil 18, 2016 (HOL)-Hoggaamiyaha isbaheysiga mucaaradka Kenya ee CORD, Mr. Raila Odinga oo horeyna raisul wasaare uga ahaa Kenya ayaa sheegay in kiiskii Kenya ee dhawaan maxkamada ICC ay daaqada ka saartay arintaasi ay ula macno tahay halaag qaarada Afrika.

4/18/2016 1:52 AM EST
Isniin, Abriil 18, 2016 (HOL) — Warar laga helayo dalka Masar, ayaa sheegaya in doon ay la socdeen in ka badan 400-qof oo tahriibayaal ah oo tagtay dalka Masar ay ku dagtay Badda Mediterranean-ka, waxaana la sheegay inay ku dhinteen ugu yaraan 200 oo dhallinyaro Soomaliyeed.