Kulammo Siyaasadeed oo ka Socda Magaalada Beledweyne ee Gobolka Hiiraan: WARBIXIN
Jimco,
September 30, 2016 (HOL) — Iyadoo dhawaan lagu wado in la gudo-galo soo xulista
xubnaha Aqalka Sare iyo iyo kan hoose ee Baarlamaanka Federaalka, ayaa Beledweyne waxaa ka socda Shirar iyo kulammo hoosaadyo ay leeyihiin odayaasha
dhaqanka iyo Waxgaradka beelaha gobolka Hiiraan.
Duubabka
dhaqanka oo uu horkacayo Ugaas Xasan Ugaas Khaliif ayaa dhawaan ugu baaqay
odayaasha dhaqanka in ay soo xulaan 51-ka xubnood ee sdda ku cad hishiiskii madasha-wadda-tashiga beel walba u soo
dooran laheyd xildhibaanka ku matala
baarlamaanka cusub federaalka.
Baaq
duubabka dhaqanka, ayaa dhinaca kale marka la eego imaanaya xili dhawaan
guddiga doorashada heer federaal ku dhawaaqeen in xildhibaanada baarlamaanka
federaalka uga mid noqonaya gobolkada
Hiiraan & Sh. Dhexe lagu soo xulayo magaalada Muqdisho.
Laakiin
Ugaas Xasan Ugaas Khaliif ayaa arintaa ku gacan-seyray, isaga oo
sheegay in shaqada guddiga doorashad tahay oo kaliya soo jeedin, balse
fulinta howshan looga fadhiyo Dowladda Somalia, waxaana muuqata in ra'iisal
wasaare Sharma'arke arintan ku raacay Ugaaska kaddib markii uu soo saaray
qoraal uu uga digayo guddiga doorashada inay fara-galiyaan go'aamadii lagu
gaaray madasha-wadda-tashiga ee ahaa in beellaha deegaanadooda ku soo xushaan
xildhibaannada labada aqal.
Kulammadaan
ka socda magaalada Beledweyne ayaa intooda badan ku saleysan qeysiga iyo soo
xulista ergada 51-da xubnood ee beel walba u soo dooran laheyd xildhibaankeeda,
waxaana la filayaa in liiska oo dhameystiran muddo shan cisho ah beeluhu u
gudbiyaan duubabka dhaqanka gobolka.
Dhinaca
kale, waxaa meesha ka marneyn munaasabadaha kala gadisan oo ay dhiganayaan
shaqsiyaad u taagan ka mid noqoshada Baarlamaanka Cusub, kuwaas oo cod iyo
taageero Weydiisanaya Beelaha ay kasoo jeedaan.
Maalmaha
nagu soo foolka leh ayaa siddoo kale lagu wadaa inay magaalada soo gaaraan
musharixiin u taagan ka mid noqoshada baarlamaanka cusub kuwaasoo magaalada ka
bilaabaya olalahooda Doorasho, madaama laga yaabo in Kursiga Xildhibaanka beel
walba ay ku Sharraxan yihiin Tiro labo xubnood ka badan .
Dhanka kale, Haweenka ayaa si weyn uga dhax muuqanaya musharraxiinta ku jirra olalaha doorasho ee
qabashada xilalka Baarlamaanka, Madaama la sheegay in 30% Haweenku ku
yeelan doonaan kuraasta baarlamaanka cusub.
Ugu
dambeyntii, Guud ahaan marka la eego Dhaq-dhaqaaqyada Siyaasadeed iyo kulamo hoose
oo uga soda Beledweyne, odayaasha-dhaqanka iyo Siyaasiyiinta Gobolka, Waxaa kuusoo baxaya muuqaal u eg in beelaha intooda badan isku raacsan yihiin
in xubnaha xildhibaannadooda ku soo xushaan magaalada Beledweyne, inkastoo
go'aankii guddiga doorashada wali halkiisii yahay.
C/raxmaan
Diini, Hiiraan Onlin
[email protected]
Beledweyne, Soomaaliya
