10/24/2017
Today from Hiiraan Online:  _
Wararka Maanta- Talaado, Sept 20, 2016
SAWIRRO: Jibriil Ibraahim Cabdulle oo Muqdisho kaga dhawaaqay inuu yahay Murashax Madaxweyne


Talaado, September 20, 2016 (HOL) — Jabriiil Ibraahim Cabdulle oo ahaa madaxa hay’ada Cilmi-baarista ee CRD, kana mid ahaa Hoggaanka Ururradda Bulshada Rayidka ah ee dalka ayaa Muqdisho uga dhawaaqay inuu u taagan yahay xilka madaxweynenimada Soomaaliya, taasoo la filayo in ay dhacdo tartankeedu dhamaadka bisha Oktoobar ee sannadkan 2016-ka.

Munaasabad musharaxu kaga dhawaaqayey tartanka madaxweynanimada Soomaaliya ayey isugu yimaadeen ku dhawaad 10,000 oo qof taas oo ka dhacaday Hotel City Palace ee magaalada Muqdisho, waxaana ka soo qayb galay Salaadiin, Aqoonyahano, Dhalinyaro, Haween, Siyaasiyiin, Dhibanayaasha Bulshada, Xoogsatada Dekeda Muqdisho iyo Fanaaniin kala duwan.

Sidoo kale, Jabriil ayaa sheegay inuu musharax u yahay dhaq dhaqaaqa Hal Qaran oo ay ku midaysan yihiin dhamaan bulshada Soomaaliyeed, kaas oo ka turjumaya soo celinta midnimada iyo isbadal ka hana qaada dalka Soomaaliya.

“Waxaan aad uga xumahay inaad dhib badan kala kulantaan marida wadooyinka idinkoo u socda ka qayb galka xaflad dhacaysa, waana mid ka mid ah ayaandarooyinka dalka haysta in qofka muwaadinka ah uusan helin marar badan xuquuqdiisa dhaq dhaqaaq,  waxaan aad ugu faraxsanahay inaad muujiseen in codkiina aan la celin karin daruuf kasta oo jirta. Qorshahayga qayb kama ahayn inaad isugu timaadaan gudaha iyo daafaha hoteelka ee waxaa noo qorshaysnayd inaan ku qabsano garoomada ciyaaraha, balse nasiib daro arinkaas waa noo suurta gali waayey culaysyo jira awgood,” ayuu yiri Jabriil Ibraahim.

Isagoo sii hadlaya ayuu intaas ku daray. “Maanta Soomaaliya Waxay maraysaa marxalad kala guur ah oo la mid ah tii 1960-kii, waxaana maalintaas ka saaray muwaadinin Soomaaliyeed oo aaminsanaa in horumarka dalku ku jiro isku duubni waxayna suurta gal ka dhigeen in ay soo hooyaan guul iyo qaranimo. Maanta afarta sano ee soosocota waa mid qiimo weyn ugu fadhida shacabka Soomaaliyeed, hadii ay naga khasaarto sidii afartii sano ee la soo dhaafay Soomaaliya waxay galaysaa dib u dhac weyn oo ay adag tahay in ay ka soo kabsato” ayuu yiri mudane Jabriil Ibrahim Cabdulle.”

Ugu dambeyn, Munaasabada Musharaxnimada Jabriil Ibraahin C/lle, ayaa toos uga socotay dhammaan Telefishanada iyo idaacadaha Somalia, Waxaana sidoo kale toos u daawanayay boqolaal kun oo dhalilnyaro ah kuwaas oo kala socday baraha bulshadu ku xiriirto. Ugu dambeyn, Waxyaabaha uu Musharaxan kaga duwan yahay murashaxiinta kale ayaa ah in ololihiisa doorashada ay hoggaaminayaan dhallinyarada Soomaaliyeed oo iyagu ah dhibanayaasha saameyntu ugu badan ay ku yeelatay Dhibaatooyinka dalka ka jira.

Maxamed X. Xuseen, Hiiraan Online
[email protected]
Muqdisho, Soomaaliya





Post your comments

9/20/2016 4:51 PM EST
Talaado, September 20, 2016 (HOL) — Labada Gobol ee Hiiraan iyo Shabeellada Dhexe oo markii hore Qorshuhu ahaa in Hal maamul ay ku Midoobaan, ayaa hadda u Muuqda kuwo arintaa ku kala weydaaranaya, kaddib markii xarunta gobolka Hiiraan ee Beledweyne looga dhawaaqay maanta dhismaha maamul u yeelanayo Gobolka Hiiraan.

9/20/2016 2:14 PM EST
Talaado, Sitember 20, 2016 (HOL)-Hoggaamiyeyaasha caalamka ayaa isku raacay in waxqabad intii hore ka wacan lala yimaado si wax looga qabto qaxootiga badan ee caalamka.

9/20/2016 1:27 PM EST
Talaado, September 20, 2016 (HOL) — Wafdi u Hoggaaminayo RW Soomaaliya, Cumar C/rashiid Cali Sharma’arke, ayaa maanta gaaray Magaalada Garowe ee Xarunta Puntland, halkaasoo si weyn loogu soo dhaweeyay.

9/20/2016 11:23 AM EST
Talaado, September 20, 2016 (HOL) — Mudaharaad aad u balaadhan oo lagu taageerayo go’aankii madaxweynuhu ku kala qaaday labada doorasho ayaa ka dhacay magaaladda Hargeysa, waxaana dadweynuhu beesha caalamka u sheegayeen in danta Somaliland ay ku jirto in doorashadda la kala qaado.

9/20/2016 11:22 AM EST
Talaado, Sitember 20, 2016 (HOL)-Waxaa caasimada Muqdisho lagu qabtay kulan looga hadlaayay amuuraha kusaabsan sidii loo adkeyn lahaa ammaanka waqtiga doorashooyinka soo socda.

9/20/2016 9:59 AM EST
Talaado, September 20, 2016 (HOL) — Maamulka Jubbaland, QM iyo Wakiillo ka Socday Beesha Caalamka ayaa ku heshiiyay in la dhiso Guddi Wadajir ah oo ka shaqeeya sidii Wax looga qaban lahaa baahiyaha ay Qabaan Qoxootiga Dhadhaab ku Nool ee doonaya inay dib ugu soo laabtaan Soomaaliya.

9/20/2016 8:28 AM EST
Talaado, September 20, 2016 (HOL) — Waxaa Maalintii labaad galay dhagaysiga Dacwada ka socota Maxkamadda Caalamiga ah ee Cadaaladda ee QM ee la xiriirta Muranka Soohdin badeedda ee u dhaxeeya Kenya iyo Soomaaliya.

9/20/2016 8:10 AM EST
Talaado, September 20, 2016 (HOL) — Kaddib kulan ballaaran oo ay maanta ku yeesheen magaalada Beledweye, mas'uuliyiinta maamulka gobolka Hiiraan, siyaasiyiin, qeybaha kala duwan ee bulshada iyo duubabka dhaqanka gobolka oo uu horkacayo Ugaas Xasan Ugaas Khaliif, ayaa looga dhawaaqay dhismaha maamul-gobolleed uu yeellanayo gobolka Hiiraan.

9/20/2016 8:05 AM EST
Talaado, September 20, 2016 (HOL) — Al-shabaab ayaa markii u horreysay ka hadashay Doorashooyinka dadban ee lagu sannadkan daba-yaaqadiisa lagu wado inay ka dhacaan dalka, laguna soo doorto madaxweynaha iyo Baarlamaanka.

9/20/2016 4:26 AM EST
Talaado, Sitember 20, 2016 (HOL)-Cabsi xoggan ayaa Soomaalida gobolka Minnesota Mareykanka lasoo daristay kadib dhacdadii maalin dhaweyd nin Soomaali ah uu ku tooriyeeyay dad meel ka dukaamaysanaayay magaalada St. Cloud.

9/20/2016 4:18 AM EST
Talaado, September 20, 2016 (HOL) — Kaddib markii habeenkii Sabtidii uu Wiil Soomaali ah oo aysan Hay'adaha Nabadgalyada ee Minnesota aysan magaciisa shaacinin hasayeeshee Soomaalida St Cloud ay ku sheegeen Daahir Aadan uu fal Mindiyeena ku dhaawacay sagaal qof meel laga Dukaamaysto laguna Magaacabo CrossRoads Center ,Dhacdadaa kadib ayaa madaxda Gobolka iyo tan magaaladda St Cloud ay wada qabteenwaxaana shirkaa jaraaid oo ay ku sugnaayeen guddoomiyaha gobolka Minnesota Mark Dayton, Duqa Magaalada St Cloud Dave Kleis ,Taliyaha Booliiska ee Magaaladaa Chief Blair Anderson iyo xubno kale oo dagan magaaladaa.

9/20/2016 3:42 AM EST
Talaado, Sitember 20, 2016 (HOL)-Madaxweyne ku xigeenka Kenya, William Samoi Ruto ayaa mar kale difaacay go'aanka dawlada Kenya ku xireyso xeryaha Dhadhaab sanadkaan dabayaaqadiisa.

9/20/2016 2:35 AM EST
Talaado, Sitember 20, 2016 (HOL)-Culeys iyo cabsi ayaa lasoo darsay Soomaalida ku dhaqan magaalada Mombasa ee dalka Kenya.

9/20/2016 12:55 AM EST
Talaado, Sitember 20, 2016 (HOL)-Sharci yaqaano Kenyan ah oo uu hoggaaminaayo xeer ilaaliyaha guud ee Kenya, Githu Muigai ayaa shalay codsaday in la joojiyo dhageysiga dacwadaa.