Xisbiga WADANI oo kasoo Horjeestay kala Saarista doorashada Wakiillada iyo Madaxtooyada (SAWIRRO)
Axad, September 18, 2016 (HOL) —Xisbiga Mucaaradka ee WADANI, ayaa maanta kulan ay isugu yimaadeen hogaanka iyo guddida fulinta ee xisbiga waxa ay kaga arrinsanayeen waxa laga
yeelayo go’aankii madaxweynuhu ku kala saaray labadda doorasho.
Shirka waxay kasoo
saareen war-murtiyeed ay ku cambaaraynayaan go’aanka madaxweyne Siilaanyo u gudbiyey
baarlamaanka oo uu ku kala saaray doorashadda Madaxtooyadda iyo Wakiiladda,
isla markaana ku tilmaamay sharci daro.
Sidoo kale, xisbiga Wadani wuxuu taageeray go’aankii beesha caalamku ku cambaareeyey in la kala saaro labadda doorasho, isla markaana
loo kordhiyo golaha Wakiiladda.
War-murtiyeedkan ka soo
baxay madaxda sare ee xisbiga ayaa u qornaa sidan “Maanta oo taariikhdu tahay
18 September waxa uu Xisbiga Waddani
shir ku qabsaday hotel maansoor kaasoo ay kasoo qaybgaleen hoggaanka sare iyo guddiga fulinta, shirkaas oo lagaga
arinsanayey guud ahaan xaaladda dalka iyo gaar ahaan wareegtadii madaxweynaha
ee kala qaadista doorashada golaha wakiilada iyo ta madaxtooyada iyo mawqifka uu xisbiga waddani ee
wareegtadaas.
Mawqifka xisbiga.
1. Saddexda Xisbi qaran
waxay madaxwaynaha kalsooni buuxda ku siiyeen xallinta saami qaybsiga golaha
wakiiladda waxaanay u ballan qaadeen in ay ku raaci doonaan go’aan kasta oo uu xal u arko oo uu kasoo
saaro saluugga gobolada dalka iyo saami qaybsiga kuraasta golaha wakiladda,
maaddaama ay tahay waajibaadka xukuumadda.
2. Xisbiga Waddani wuxu
cambaaraynayaa isla markaana u arkaa sharci darro nuxurka qoraalka Madaxweynuhu
u gudbiyey golaha baarlamaanka ee ku saabsan kala qaadista labada doorasho
(wakilada & Madaxtooyada), iyadoo hawsha doorashada loo igmahday Gudiga
Doorashooyinka Qaranka.
3. Xisbiga waddani wuxu
ayidsan yahay g’oaankii Maxkamadda Dastuuriga ahi ka soo saartay wada qabashada
labada doorasho oo ah in ay qabsoonto 28/3/2017.
4. Xisbiga Waddani wuxu
ayidsan yahay go’aankii ay ku caddeeyeen Guddiga Doorashooyinka Qaranku in ay
diyaar u yihiin qabsoomida labada doorasho muddadii loo cayimay oo ah
28/03/2017.
5. Xisbiga Wadani wuxu xasuusinayaa MW Axmed Maxamed Siilaanyo in uu
qaato go’aan la mid ah kii uu qaatay Mudane Daahir Riyaale Kaahin ee suurto gal
ka dhigay qabsoomiddii doorashada golaha wakiiladda ee qabsoontay 2005.
6. Xisbiga waddani wuxu
taageersan yahay si weynna u ayidayaa baaqii beesha caalamka iyo taageerayaasha
doorashooyinka Somaaliland ay ka soo saareen wareegtada qayrul sharciga ah oo
aanu aaminsanhay in madaxaynaha la hoosdhigay.
7. Xisbiga waddani wuxu u
taagan yahay badbaadada qarnimada Somaliland waxaanu ka soo horjeedaa wax kasta
oo lagu carqaladaynayo qabsoomidda doorashooyinka oo ina dhaxal siin kara burbur aan laga soo kaban Karin.
8. Xisbiga waddani wuxu ugu baaqayaa shacabka Somaliland ilaalinta
wadajirka ilaalinta nabadgelyada iyo badbaadinta qaranimada Somaliland.”
Ugu dambeyn, Labadda xisbi
ee kale UCID iyo Kulmiye taageereen go’aankaasi lagu kala saaray, haseyeeshee
xisbiga Wadani ayaa ku kaliyeystay inuu qaadaco go’;aankaasi, inkastoo
gudoomiyaha xisbiga WADANI uu yahay gudoomiyaha golaha Wakiiladda oo shalay
caqlabiyad ku meel mariyey go’aankaasi madaxweynuhu soo saaray ee golaha
Wakiiladda loogu kordhiyo.
Barkhad-ladiif M. Cumar,
Hiiraan Online
[email protected]
Hargeysa, Somaliland