Odayaasha dhaqanka Galmudug iyo Puntland oo Heshiis hordhac ah ka Gaaray Colaaddii Gaalkacyo
Axad, Oktoobar 09, 2016 (HOL) — Kulan Maanta at Gaalkacyo ku yeesheen; Odayaasha-dhaqanka, Isimada iyo Wax-garadka Maamullada Galmudug iyo Punltand, ayaa waxay ka gaareen heshiis hordhac ah dagaalladii dhawaan Magaalada Gaalkacyo ka dhacay.
Golaha dhaqanka Gaalkacyo, ayaa isla qaatay; In la joojiyo rasaasta ay is-weydaarsanayaan ciidanka labada maamul ee is hor-fadhiya, in la kala qaado iyo Wadahadalka uu noqdo mid sii socda oo miro dhala.
Sidoo kale, odayaasha-dhaqanka ayaa sheeegy in Gaalkacyo u baahan tahay in lagu wada-noolaado nabad-galyo, waxayna intaa ku dareen in dagaallada soo laab-laabtay ay ku xallin doonan sida u Wanaagsan oo Nabad-waarta ay ku imaan karto.
Docda kale, Imaam C/wahaab Maxamuud Gurey iyo Nabad-doon Khaliif Cabdi Dhalac oo ka mid ah Dhaqanka Gobolka Mudug, ayaa ugu baaqay Shacabka labada dhinaca inay is-dajiyaan qaybna ka noqdaan dadaalka ay ugu jiraan xal-u-helida dagaallada Gaalkacyo ka dhaca sannad walba.
Ugu dambeyn, Heshiiskan hordhaca ah ay wada-gaaren Odayada Dhaqanka ee maamullada Galmudug iyo Punltand ee, ayaa kusoo beegmayaa, iyadoo ay weli Degmada Gaalkacyo ka taagan-tahay xiisad dagaal oo ciidamo labadan maamul kala taabacsan.
Abaadir C/qaadir Cilmi, Hiiraan Online
E-mail: [email protected]
Garoowe, Puntland - Soomaaliya
