Madaxda Xisbiga Dimuquraadiga oo dhaliilay u jeediyay saraakiisha FBI Mareykanka
Isniin, Oktober, 31, 2016 (HOL) - Madaxda xisbiga dumuqraadiga ee
ka tirsan Sanate-ka Maraykanka ayaa sheegay in ay suurto-gal tahay in hay'adda
FBI-da Mareykanku sharciga jabisay maadaama oo ay shaaciyeen xiligan baaritaanka lagu sameynayo emaillo ay suurto galtahay in lala
xidhiidhin karro Hillary Clinton.
Harry Reid, ayaa ku eedeeyay
agaasimaha FBI-da, James Comey, in uu ku xadgudbay sharci saraakiisha
dowladda ka horjoogsanaya in ay qaadaan tallaabooyin laga yaabo marka danbe in ay saameyn ku yeeshaan arrimaha doorashada,
Baaritaankan ama daba-galkan FBI-da ay ku hayaan email -lada musharaxa xisbiga dumuquraadiga Hillary Clinton ayaa imanaya xili wax ka yar labo todobaad ay ka harsan tahay doorashada madaxnimad dalkaas.
Sidoo kale waxa la sheegayaa in FBI-du heshay fasax
maxkamadeed oo ay ku baadhayaan emaillo badan oo ay lahayd haweenay
kaaliye sare u ahayd Clinton.
Dadka sidda weyn ugu dhuundaloola arrimaha siyaasada dalkaasi Mareykanka ayaa qaba in baaritaannadan socda waxba u dhimi doonin rajada musharaxa xisbiga dumuqraadiga, madaama taageerayaasheedu wali kalsooni buuxda ku qabaan musharaxooda.
C/raxmaan Diini, Hiiraan Online
[email protected]
Beledweyne, Soomaaliya