Dowladda Jabuuti oo ka wal walsan in Al-shabaab carqaladeeyaan doorashada Soomaaliya
Axad, Oktober, 30, 2016 (HOL) - Iyadoo dhawaantan la filayo in qeybo
badan oo ka mid ah dalka oo ay ka mid tahay caasimada Muqdisho ka
dhacaan doorashooyinka 2016, ayaa dhinaca kale waxaa jira wal wal soo
baxaya oo laga qabo in Al-shabaab carqaladeeyaan howlaha doorashada.
Wasiirka
wasaarrada arrimaha dibada Jabuuti Max'ed Cali Yuusuf ayaa muujiyay wal
walka ka dowlad ahaan ka qabaan in Al-shabaab meelaha qaar caqabad ku
noqdaan hanaanka doorashada, iyaga oo tijaabinaya ayuu yiri awoodooda.
''Dhaqdhaqaaqa
Al-shabaab waxaa ay qorsheynayaan in ay naafeeyaan hab sami u socodka
howlaha doorashada, iyaga oo xoojin doonan weerarada ka dhanka ah
ciidammada AMISOM, kuwa dowladda iyo xarumaha muhiimka ah''ayuu yiri
wasiirka.
Wasiirka oo wareysi siinayay jariirada Horn Africa ayaa shaaca ka qaaday in ciidamada dalkiisa ka
jooga magaalada Beledweyne ee gobolka Hiiraan ay dhamaadkii todobaadkii
tagay ay la kulmeen weerar ismiidaamin ah oo ay ku dhinteen saddex askari.
Dowladda Soomaaliya iyo ciidammada AMISOM ayuu ku booriyay in ay ka foojignaadaan qorshayaasha Al-shabaab.
C/raxmaan Diini, Hiiraan Online
[email protected]Beledweyne, Soomaaliya