SAWIRRO: Banaanabax looga hor-jeedo Xubno lagu xidhay Laascaanood oo ka dhacay Xuddun
Sabti,
Oktoobar 01, 2016 (HOL) —Bannaanbax weyn oo looga soo horjeedo xadhig ciidanka ammaanka
Somaliland ay u geysteen macallin wax ka dhiga iskuul ku yaalla Degmada Xuddun
oo ka tirsan gobolka Sool, ayaa Maanta ka dhacay degmadaas.
Mudaaharaadkaan
oo ay soo abaabuleen ardayda iyo macallimiinta
iskuullada waxbarashada ee Xuddun, ayaa dadkii ka qayb-galay waxay siteen boorar
ay ku qoranaayeen erayo lagu cambaareynayo hay’adaha Amniga iyo garsoorka Somaliland,
kuwaasoo ay ka mid ahaayeen; Jooji Af-duubka, Ilaali Xuquuqda Aadanaha iyo kuwo
la mid ahaa; kuwaasoo shacabka iyo ardayda dibadbaxaan ka qayb-qaadanayay ku
dhawaaqayeen.
Dibadbaxayaasha,
ayaa ugu dambeyn kusoo ururay barxada Dugsiga Hoose Dhexe ee Degmada Xuddun,
halkaasoo ay waxgaradka demada kula hadleen dadweynihii isku soo baxay, iyagoo
muujiyay sida ay uga xun yihiin in sabab sharciga waafaqsan oo loo loo xiray
macallin, Mustafe Cali Faarax.
Ugu
dambeyn, Shacabka Gobolka Sool ayaa muddooyinkii dambe si aad ah u hadal-hayay
taxaabidda ay ciidamada ammaanka Somaliland ugu geysanayeen gobolka gobolka
xubno aan illaa iyo hadda la shaacin waxay ku xiran yihiin, Waxaana sidoo kale
aan caddeyn in hab sharciga waafaqsan loo maray xarigooda iyo sababta loo xiray
intaba.
Seynab
Cabdi Warsame, Hiiraan Online
E-mail: [email protected]
Laascaanood, Gobolka Sool