Arbaco, November, 02, 2016 (HOL) -- Madaxweynaha dalka Uganda Yuweri Museveni ayaa markii ugu horeysan amar ku bixiyay in albaabada loo laabo
jaamacada Makerere oo ka mid ah jaamacadaha ugu faca weyn guud ahaan marka la eego qaarada
Afrika.
Madaxweyne Museveni ayaa ku macneeyay amarkan lagu xiray jaamacada
sababo la xiriira sidii amniga loo ilaalin lahaa.
Waxaa jiray dibadbaxyo rabshad0
wata oo ka dhacay xarunta Jaamacada Mekerere kadib markii ay shaqo
joojin ku dhaqaaqeen macalimiinta jaamacada.
Gaar ahaan waxaa dibadbaxyadan dhigayay ardeyda iyagoo dalbanayay in
waxbarashadoodii dib loogu bilaabo maadaama ay bixiyeen lacagihii fiiga
ah ee loogaga baahnaa.
Macalimiinta jaamacada ayaa waxaa ay dalbanayaan in la siiyo
mushaaraadkooda iyadoo shan bilood aysan qaadan mushaaraadkooda. Waxaana
ka sii horeeyay in lacago lagu kordhiyay lacagta ay ardayda ku dhigtaan
jaamacada.
Jaamacada Mekerere ayaa waxaa wax ku soo bartay dad badan oo
mas’uuliyiin ka noqday dalal ka mid ah qaarada Afrika.
Ugu danbeyntii waxaa xusid mudan in wasaarrada waxbarashada dalkaUgada ay wasiir ka tahay marwada madaxweynaha dalka.
C/raxmaan Diini, Hiiraan Online
[email protected]Beledweyne, Soomaaliya