Wararka Maanta: Isniin, Nov 19, 2016-Wararkii ugu danbeeyay magaalada Jowhar kaddib iska horimaadkii xalay ka dhacay

Wararkii ugu danbeeyay magaalada Jowhar kaddib iska horimaadkii xalay ka dhacay

Sabti, November, 19, 2016 (HOL) - Wararka naga soo gaaraya magaalada Jowhar ayaa sheegaya in saakay halkaa ka socto qaban-qaabada wajigii labaad doorashada xubnaha aqalka hoose, kaddib iska horimaad ka dhashay muran la xiriira doorashada oo halkaa halkaa ka dhacay.

Guddiga doorashada ayaa ku howlan siddii laga yeelli lahaa kursiga khilaafku ka dhashay, oo musharixiintii ku loolami lahaa gacan ka hadal ku dhaxmaray xarunta doorashada.

Iska horimaadkii xalay ayaa waxaa ku lug lahaa wasiirka dhalinyarrada iyo cayaaraha DF Max'ed Xassan Nuux, kaddib markii ciidammadii la soday isku dhaceen ilaalada xarunta doorashada.

Iskahorimaadkii xalay ayaa waxaa ku dhaawacmay ilaa afar ruux, waxaana lagu waddaa in maanta halkaa la geeyo ciidammo ka tirsan howlgalka midowga Africa AMISOM kuwaa oo sugi doona ammniga xarunta doorashada.

C/raxmaan Diini, Hiiraan Online
[email protected]
Beledweyne, Soomaaliya