Ciyaarta dhex-maraysa Sabtida United iyo Arsenal oo Mar kale dib u soo kicin karta xifaaltanka ka Dhaxeeya Mourinho iyo Winger
Bidix, Tababaraha Manchester United Morinho ,Midig ,Tababaraha Arsenal Wingar.
Jimco, November 18, 2016 (HOL) —Todabaadkan
waxaa mar kale garoonka Old Traford isku arkaya laba kamid ah tababarayaasha
ugu xifaaltanka badan horyaalka dalka Ingiriiska ,kuwaasi oo kala ah Jose
Morinho iyo Arsene Wenger.
Inta badan
kulamada labada tababare ayaa dhaliya buuq fara badan ,waxaana sida la
diiwaan-galiyay kulamo ay yeesheen ay ku dhamaadeen foori iyo xaashi tuur
xiligii uu Morinho hogaaminayay kooxda Chalsea.
Tababaraha
Arsenal wali kama uusan badin dhig-giisa Morinho ,isaga oo haysta guuldarooyin
dhowr ah oo uu kala kulmay Morinho ,balse xiligan la joogo waxaa gacanta sare
leh Wenger oo lix dhibcood ka sareeya kooxda Manchester United.
“Waxaad
ogtihiin mar walba ma guul-daraysanno , waan garaacnay iyaga , si lamid ah
waxaa jira bar-baro aan wada galnay , waxaan filayaa in aan ka guulaystay
tababare kasta oo aaan ka hor-imid 20-kii sano ee halkan aan joogay , tani kama
dhigna tartan ka dhaxeeya laba tababare “ ayuu yiri tababaraha Arsenal mar wax
laga weydiiyay arinta Morinho iyo Manchester.
“Kani waa
tartan u dhaxeeya laba kooxood , waan fahansanahay in dadku ay doonayaan in ay
muran abauuran , balse taasi ma ahan waxa soo jeediya dhagaha dadka , inkastoo
uu yahay kulan weyne adduunka oo dhan laga
daawanayo “
Wengar ayaa doonaya in uu hubiyo bad-qabka weeraryahankiisa Sanchez,
kaasi oo waajibaad qaran kula maqan xulka wadankiisa ee Chile, waxaana uu
dhaliyay laba kamid ah goolasha kulan loogu soo baxayay koobka adduunka oo ay
la yeesheen xulka qaranka Uruguay.
Tababaraha Arsenal ayaa sheegay in ay tahay shul iyo shal in la
ciyaarsiiyo Sanchez ,iyadoo sidoo kale ay dhaawacyo qabaan laacibiinta kala ah
Hector Bellerin iyo Santi Casorla , waxaana sida la sheegay aan suurtagal- ahay
in ay ka hor-yimaadaan kooxda Manchester.
Jose Morinho ayaan soo safi doonin todobo kamid ah ciyaar-yahanada
kooxdiisa koowaad oo ay ku jiraan Chris Smalling, Eric Bailly iyo Ibrahimovic
oo kulanka ku seegi doona ganaaax dul-saaran.
Ugu danbayn, waxaa shaki uu ku jiraa in ay kulankan saftaan Wayne
Rooney , Maroune Fellaini , Antonio Valencia iyo Luke shaw , waxaana kulankan
oo xiliga qadada waqtiga England dhacaya uu Arsenal ka dhigi kara mid ay
horyaalka ugu tartami karaan hadii ay guulaystaan.
Faysal M. Hassan
[email protected]