Siyaasiyiinta Isbahaysiga Dimuqraadi-doonka KULMIYE oo ka hadlay xubno laga saaray Xisbiga
Jimco, Maarso
25, 2016 (HOL) — Xubnihii Mas'uuliyiinta ahaa ee ka cadhooday shirkii golaha dhexe ee xisbiga KULMIYE ee la baxay isbahaysiga dimuqraadi doonka
Kulmiye ayaa ka jawaabay shan xubnood oo xisbigu sheegay in guddidii golaha
dhexe, guddida fulinta iyo xubinimadii xisbiga laga saaray.
Sidoo kale,
waxay gudoomiyaha xisbiga KULMIYE waxay ku dhaliileen inuu ku fashilmay
hogaanka xisbiga, isla markaana talaabooyinii u dambeeyey ee uu qaatay tahay
mid kalsoonidii dadweynaha luminaysa.
Guddoomiye ku
xigeenka labaad ee Xisbiga Kulmiye Xildhibaan , Maxamed X. Yuusuf Waabeeye iyo guddoomiye ku xigeenka
saddexaaad ee xisbiga Xildhibaan C/raxman Maxamed Talyanle oo ka mid ah
isbahaysiga dimuqraadi doonka xisbigaasi ayaa war-murtiyeed ka soo saartay
shanta xubnood ee isbahaysiga ah ee xisbiga laga saaray, iyagoo ku dooday in
aan xisbiga laga saari Karin.
War-saxafadeed
ay arrintaasi ka soo saareena wuxuu u qornaa sidan “shir ay isugu yimaadeen
Hogaanka, gudiga fulinta iyo xubnaha golaha dhexe ee garabka Isbahaysiga
Dumuquraadiga ee Xisbiga Kulmiye waxay soo saareen War-murtiyeedkan:
1, In aany jirin
xubin ka tirsan garabka Isbahaysiga Dimoquraadiga Kulmiye oo lumisay
xilalkeedii iyo xubinimadeed xisbiga kulmiye.
2. In aanu jirin
shir loo dhanyahay oo hogaanka iyo gudiga fulinta xisbigu Iskula-qaateen
luninta xillalka iyo xubinimada Xisbiga kulmiye.
3. In Gudigii
Isbahaysiga ee loo magacaabay la xaajoodka siyaasadeed ee xisbiyada ay sidoodii
yihiin sharci u diidayaana aanu jirin.
Gebogebadii:
Qoraalka ka
soo baxay xafiiska garabka gudoomiyaha wuxuu muujinaysaa fashilka hoggaamineed ee
Muuse Biixi oo xaaladiisu wakhtigan marayso “neef la gawracay geedo kama
waabto” iyadoo xisbigii kulmiye labo garab u kala fadhiyo hadana u tafaxaytay
Xasarado aan kala joogsi lahayn ee ay ugu danbaysay faraglinta Saldalada guunka
ah iyo birma-magaydada madax-dhaqameedka.”
Arrintan ayaa
ka dambaysay ka dib markii siyaasiyiintan isbahaysiga oo u badan masuuliyiintii
xukuumadda iska casilay ka dib markii ay saluugeen shirweynihii xisbiga kulmiye
Qabsanayey November 10, 2015 kii kaasi oo lagu doortay inuu musharax ka noqdo
xisbiga Muuse Biixi Cabdi oo hadda ah gudomiyaha xisbigaasi.
Siyaasiyiintan
ayaa mudadii ka dambaysay shirkaasi waxay shirar ku lahaayeen magaaladda
Hargeysa, waxaanay wada hadalo la galeen labadda xisbi mucaarad ee WADANI iyo
UCID, iyadoo isbahaysigani guddida shan xubnood ka kooban u saaray wada
hadalkaasi ay la galayaan asxaabta mucaaradka, haseyeeshee, xisbiga kulmiye
ayaa iyaguna shantii xubnood ee loo saaray inay xisbiyada kale wada hadal la
galaan xubinimadii xisbiga KULMIYE ka saaray, iyagoo amarna laga soo saaray in
magaca xisbiga kulmiye aan wada hadal loogu galli Karin, balse shakhsiyaad aan
sidan magaca iyo sumcadda xisbiga ku biiri karaan xisbiga ay doonaan.
Shantan xubnood
waxay kala ahaayeen, Cabdi Aw Daahir, wasiirkii hore ee Xanaanadda Xoolaha,
Xuseen Axmed Caydiid, wasiirkii hore ee Cadaaladda, C/risaaq Khaliif, wasiirkii
hore ee Hawlaha guud, Faarax Cilmi Geedoolle, wasiirkiiii hore waxbarashadda,
Cali Cabdi Saa’iq, wasiir ku xigeenkii hore ee Hawlaha guud oo dhamaantood
xukuumadda iskaga casilay saluugga shirweynihii xisbiga kulmiye qabsanayey ee
lagu doortay Muuse Biixi Cabdi.
“Sida ku cad
warqadda sumadeedu tahay XK/XGX/0042185/2016, kuna taariikhaysan 23 March 2016
ee ka soo baxday Xafiiska Guddoomiyaha Xisbiga KULMIYE, taas oo lagu kala
socodsiiyey hay’adaha ay khusayso, kadib markay wadatashi yeesheen Hoggaanka
Sare ee Xisbiga iyo Guddida Fulinta, waxa caddaatay in xubnaha wadahadalka
tooska ah kula jira xisbiyada Mucaaradka ah ay si badheedh ah uga horyimaadeen
Dastuurka iyo Xeer-hoosaadka Xisbiga KULMIYE. Sidaas daraadeed, iyada oo la
raacayo qodobada 11-aad iyo 13-aad ee Dastuurka Xisbiga KULMIYE waxay xubnahani
ay gabi ahaanba lumiyeen xubinnimadii xisbiga KULMIYE, taas awgeedna, waxa
lagala noqday xubinimadii Golaha Dhexe iyo tii Fulinta”ayaa lagu yidhi qoraalka
ka soo baxay xisbiga kulmiye oo lagu shaacinayey in laga saaray xisbiga.
Waxaana
intaas lagu daray “Waxa kale oo halkan xisbigu ku caddaynaynaa in aan sinnaba
loo adeegsan karin astaamaha Xisbiga ee ay ka mid yihiin Calanka, Summadaha iyo
Magaca Xisbiga, sidoo kale, wax wada hadal iyo heshiis ah aanay cidna kula gali
karin magaca Xisbiga KULMIYE xubnahaasi. Maanta laga bilaabo waxay u madax
bannaan yihiin in ay magacyadooda oo kaliya naftooda ku matalaan.”
Barkhad-Ladiif
M. Cumar, Hiiraan Online
[email protected]
Hargeysa, Somaliland