Sabti, July 23, 2016 (HOL) — Iyadoo Isniinta soo socota lagu wado - in lagu Caleemmo-saaro Ugaas Xasan Ugaas Khaliif Ugaas Rooble Magaalada Beledweyne, ayaa waxaa Magaalada si is-daba joog ah u soo gaaraya Wafuud kala gadisan oo u imaneysa ka qeyb-galka Caleemo saarka Ugaaska.
Waxaa, maanta magaalada Beledweyne soo gaaray Xildhibaanno ka tirsan baarlamaanka Somalia iyo wafuud kale oo u socta munaasabada calleemo saarka, oo siweyn loogu diyaar-garoobayo magaalada Beledweyne.
"Ujeedada socdaalkeena waa ka qeyb-galka caleemo saarka Ugaas Xasan, oo waxaan rajeyneyaa in ay si Nabad-galyo ah noogu dhacdo, ilaa maalinta Berri ahna waxaan fileynaa wafuud intaan ka ballaaran ayuu yiri'' xildhibaan Nuur Iidoow.
Ugu dambeyntii, Beledweyne ayaa waxaa laga Dareemayaa Mashuul iyo Ciriiri ka dhashay u diyaar-garoowga Caleemmo saarka Ugaas, iyadoo guud ahaanba gadiidka magaalada lagu xardhay sawirada Ugaas Xassan.
C/raxmaan Diini, Hiiraan Online[email protected] Beledweyne, Sooomaaliya