Cayaartoyda Jubbaland ayaa u soo gudubtay wareega ugu dambeeya Final-ka cayaaraha Kubada Cagta ee maamul-goboleedyada dalka, kadib markii galabta ay uga badisay ciyaartoyada metelayay Gobolka Banaadir Gool-ku-laadyo ama Rigoorayaal.
Sidoo kale, Cayaartii dhex-martay labadan kooxood, ayaa ahayd mid aad u adag oo ay labada kooxood ay isku riiqmeen, taasoo Dadweyne aad u badan iyo Mas’uuliyiin ka tirsan dowladda Somalia ay u soo daawasho tageen, waxaana waqtigii loogu talo-galay ay cayaartu kusoo dhammaatay 0-0 oo wax Gool ah aysan kooxuhu kala dhalin.
Markii Xilligii Cayaartu dhamaaday oo kulankana uu Natiijo la’aan yahay ayaa waxaa labada kooxood loo qabtay gool ku laadyo ama Rigoorayaal, Waxaana 9-8 ku adkaaday Kooxdii ka socotay Jubbaland.
Ugu dambeyn, Kooxda ka socota Maamulka Jubbaland ayaa u soo gudbay Final-ka tartanka, Waxayna la Cayaari doontaa Kooxdii kasoo baxda Puntland ama Shabeelaha Dhexe iyo Hiiraan, kuwaasoo Berri ay dhex-mari doonto cayaar adag.
Maxamed X.Xuseen, Hiiraan Online