Khamiis, Luuliyo 21, 2016 (HOL)-Madaxweynaha Turkiga Racep Tayyip Erdogan ayaa
sheegay in dimuqraadiyadda dalkiisa aysan wajahaynin wax halis ah ,isla markaana ay jiri
doonaan howl-galo dheeri ah oo ka dhan ah dadkii ka danbeeyay afgambigii
fashilmay ee la doonayay in xukunka looga tuuro dowladdiisa .
“Waxaan si ahaan doon-na dowladd dimuqraadiyad ah
,waxna lagama badali doono nidaamka aan hadda ku shaqaynno dib-na ugama laaban
doonno “ ayuu yiri madaxweynaha oo waraysi siiyay Tv-ga Al-jazeera.
“Wax kasta oo muhiim u ah xasiloonaida iyo
nabad-galyada qarankan waa la samayn doona “
ayuu mar kale yiri Erdogan oo shaki galiyay in la soo gaba-gabeeyay howl-galladii socday iyo in kale
,waxaana uu sheegay in aan wali la gaarin halkii la rabay.
Hadalka madaxweynaha ayaa yimid wax yar ka dib
markii uu ku dhawaaqay seddex bilood oo xaalad deg-deg ah ,taasi oo lagu soo
rogay gabi-ahaanba dalka Turkiga oo jawaab u ah isku daygii af-ganbi ee
fashilmay.
“Talaabadani waxaa laga leeyahay ujeedooyin cad-cad
oo lagula dagaalamayo kooxaha argagaxisda ah iyo xaaladda uu hadda dalkeena
wajahayo ,waana la nadiifin doonaa fayriska ku dhex jira gudaha milatariga “ ayuu ka sheegay khudbad uu ka jeediyay
Talefshinka.
Qaar kamid ah dowladaha xulufada la ah dowladda
Turkiga iyo hay’adaha u dooda insaaniyad-da
ayaa ku eedeeyay madaxweynaha in uu howl-galadan u adeegsan karo cid kasta
oo loo arko in ay mucaarad ku tahay dowlad-diisa.
Ugu danbayn,Erddogan ayaa sheegay in talaabada ay
qaad-day dowladdiisa aysan ka duwaneeyn kuwa horey ay dowladdo hore u qaadeen
,waxaana uu tilmaamay in laga hortagi doono wax kasta oo khatar ku ah amniga
dowladda Turkiga.
Faysal M.Hassan
[email protected]
