Shir Caalami oo ay soo Agaasintay QM oo Maanta ka Furmay Xarunta Kenya ee Nairobi (SAWIRO)

Isniin, Luuliyo 18, 2016 (HOL)-Qaar ka mid ah waddooyinka Nairobi ayaa la xiray maadaama wafuud badan ay kasoo qeyb galayaan shirweyne looga hadlaayo arimaha ganacsiga oo maanta ka furmay bartamaha Nairobi.

Shirkaa (UNCTAD) ayaa isu socodaka dadweynaha iyo dhaqdhaqaaqa gaadiidka xaddiday maanta maadaama lagu qabanayo xarunta shirarka caalamiga ah ee KICC ee bartamaha Nairobi. Dhowr kun oo wafuud ah ayaa durba yimid haatan oo aan warbixintaan qoreynana waa uu socdaa shirweynahaasi.

In ka badan 7000 oo qof oo isugu jira ganacsato iyo masuuliyiin ayaa durba yimid ayagoo usoo xaadiray kasoo qeybgalka shirweynaha.

 Shirkaa oo ah kii 14aad ee noociisa ah ayaa socon doona min maanta oo ah 18ka Luuliyo ilaa 22ka bishaan.

Madaxweynaha Kenya, Uhuru Kenyatta ayaa shirka furay ayadoo shirkaa waxyaabaha hareyn doona ay kujiraan wanaajinta xiriirada ganacsi ee dalalka caalamka u dhexeeya iyo sidii dhaqaale loo siman yahay loogu heli dhammaan dadyowga caalamka.

Aaden M Warsame
Hiiraan Online
Magaalada Nairobi Kenya.
[email protected]

 

More News