11/13/2018
Today from Hiiraan Online:  _
Wararka Maanta- Isniin, Dec 28, 2016
Beello mudo dheer colaad u dhaxeysay oo ku baaqay nabad aan sharuud laheyn gobolka Sool



Arbaco, December, 28, 2016 (HOL) -Mid ka mid ah laba beelood oo colaad 12 sano ka badan u dhexaysay ayaa ku baaqday Shalay nabad aan shuruud lahayn kulan ay ku yeesheen magaalada Kalabaydh oo 30KM. galbeed kaga aadan Laascaanood Xarunta gobolka Sool.

Beeshan oo shir mudo todobaad ku dhow uga socdey Kalabaydh ayaa waxaa qayb ka ahaa Cuqaal, Siyaasiyiin iyo Indheergaradba, kaas oo lagu gorfaynayey colaada mudada dheer ku soo noqnoqonaysey iyo sidii xal kama danbays ah looga gaadhi Lahaa.

Shirkan oo ay ka hadleen inta badan Cuqaasha beeshaasi Maxamed Garaad ayaa waxa ay ku sheegeen in ay ka go’an tahay nabad ay la qaataan beesha ay ood wadaagta yihiin ee Cabdi Garaad.

“Waxaan go’aansanay in aan qaadano nabad aan shuruudi ku xirneyn, waxaan kaloo isla qaadanay in xabad joojin dhab ah oo aan ka qaadanay colaada degaanadan ka taagnayd mudada dheer” sidaa waxaa yiri caaqill C/kariin Axmed Saleebaan Mursal, isagoo intaas raaciyey in beesha wallaalahoodna ay ka sugayaan in ay la qaataan nabadaas ay beel ahaan qaateen.

Waxaa iyaguna ka mid ahaa cuqaashii halkaasi ka hadashay caaqil Maxamed Axmed Maxamed, C/laahi Xassan Yarre, Caaqil Maxamed Maxamuud Ciise iyo nin garbood door ah oo dhamaantood isku daba maray adkaynta nabada iyagoo ku celcelinayey inay nabad dhab ah oo wax ku xeeran jirini ay diyaar ka tahay.

Xildhibaan Maxamed Xasan Axmed “Dhakool” ayaa isaguna hadal uu halkaasi ka soo jeediyey waxa uu si aad ah ugu dheeraaday xidhiidhkii u dhaxayn jirey labada beelood iyo qasaaraha haatan haysta labada dhinac, in xiligan ka dib aan la sii dhawran karina waa uu tilmaamay xildhibaan Dhakool.

Gudoomiyaha Gobolka Sool Cabdi Khayre Dirir ayaa waxa uu halkaasi ka balan qaaday in ay maamul ahaan illaalinayaan xabad joojintan ayna isku deyayaan sida ugu haboon ee nabad sal buuxa ku fadhida loo gaadhi lahaa.

Gudoomiya oo soo noqodkiisii u waramey HOL ayaa waxa uu sheegay in beeshani ay sameeyeen gudiyo wacyigelineed oo u kala baxay degaanada beeshani degan yihiin si ay dadka u gaadhsiiyaan guud ahaan hadafka laysla qaatay iyo sidii xabad joojinta looga dhabayn lahaa.

Dhinaca Kale Beesha Cabdi Garaad ayaa kulan ay ku yeesheen manta magaalada Laascaanood waxa si aan shuruudi ku xidhnayn ay u aqbaleen baaqa ka yimi beesha ay colaadu dhextaaley mudada dheer.

Intabadan Cuqaasha Beesha oo ay ka mid ahaayeen Caaqil Yaasiin Diiriye Geydhe, Caaqil Iidle Maxamed Cismaan, Caaqil Shaqale C/laahi Khaawi, Ganacsato, Culimada Diinta iyo Waxgarad halkaasi ka hadlay ayaa dhamaantood si buuxda u soo dhoweeyey sidii xal kamadanbaysa looga gaadhi lahaa dhibaatadda dhex taala labada beelood, waxaanay ku dheeraadeen dhibaatooyinka colaadani sababtay iyo qasaaraha soo gaadhey labada dhinacba.

“Waxaan soo jeedinayaa in uurka iyo afka lays waafajiyo oo nabada laga run sheego, waxaan saas u leeyahay waxaa xalka labada beelood loo gaadhi waayey niyada Ayaan saafi ahayn, lama hadlayo dhinaca ee waxaan la hadlayaa labada dhinacba” sidaa waxaa yidhi Wakiil Garaad Jaamac C/raxmaan Buraale, isagoo intaas raaciyey in xili aad u liita lagu jiro hadii towbad lala yimaadana Illaahay u naxariisan doono.

Degaanada Dharkayn-geenyo, Dabataag, Dhumay oo K/Galbeed kaga aadan degmada Laascaanood ayaa mudo rubuc qarni ku dhow xiisad colaadeed ka taagnayd taas oo waxyeelaysay Bololaal qoys, barakicisayna kumaakun qoys, waxaana bishan xaalku gaadhey in la laayo dumarka iyo caruurta taas oo aan horey degaamadan uga dhicin.

Si kastaba ha ahaatee talaabo geesinimo leh ayaa lagu tilmaamay iyadoo dhinaca kalena laga filaayo jawaab taasi la mid ah, iyadoo horey inka badan 20 jeer la isku deyey in la dhameeyo colaadan lagu guuldareystay, waxaase tani kaga duwanaan kartaa waa mid beelaha laftooda ka imaanaysa.

Seynab Cabdi Warsame
[email protected]
Laascaanood G.Sool

 







Click here
12/28/2016 2:09 PM EST
Arbaco, December 28, 2016 (HOL) – Kooxo hubeysan ayaa goor dhaw nabadoon ku toogtay degmada Hiliwaa ee magaalada Muqdisho, xiligii salaad cisha kadib, sida ay warbaahinta gudaha u shegeen dad goob joogayaal ah.

12/28/2016 11:52 AM EST
Arbaco, December, 28, 2016 (HOL) -Ciidamada maamulka Soomaalida Itoobiya ee Liyuu booliiska ayaa lagu waramayaa in maanta deegaan lagu magacaabo Dundun oo ka tirsan gobolka Mudug, islamarkaana dhaca xadka Itoobiya iyo Soomaaliya ku dileen saddex askari oo ka tirsan ciidammada deegaankaas, kadib markii ay weerareen barkoontarool.

12/28/2016 11:40 AM EST
Arbaco, December, 28, 2016 (HOL) – IYADOO todobaadyada soo socda la filayo in la doorto hogaaanka sare ee baarlamaanka Soomaaliya ayaa durbaba waxaa soo baxaya musharixiin u taagan qabashada xilkan guddoonka baarlamaanka.

12/28/2016 11:36 AM EST
Arbaco, Diseembar 28, 2016 [HOL]- Waxaa magaalada Muqdisho dib ugu laabtay gabdhaha kubada K/koleyga gobolka Banaadir oo ku guuleystay tartankii kobada K/koleyga ee maamul gobolleedyada ka dhisan dalka oo lagu qabtay magaalada Garoowe.

12/28/2016 8:37 AM EST
Arbaco, December, 28, 2016 (HOL) – Nin hubeysan ayaa maalintii shalay deegaanka Camaara ee gobolka Mudug ku dilay shaqaale gargaar oo ka tirsanaa hay’adda ICRC oo lagu mgacaabi jiray Axmed Jaamac Siyaad.

12/28/2016 6:43 AM EST
Arbaco, December, 28, 2016 (HOL) - Howlgalka Mareykanka ee Soomaaliya ayaa sheegay in dowladda Mareykanka ay ka go’an tahay hanaan doorasho oo sax ah oo laga hir-geliyo dalka Soomaaliya.

12/28/2016 6:11 AM EST
Arbaco, December, 28, 2016 (HOL) - Weerar loo adeegsaday miino wadada dhinaceeda lagu aasay ayaa lagu weeraray Xildhibaan ka tirsan baarlamaanka dalka Afgaanistan, xili uu marayay wado ku taala magaalada Kaabul.

12/28/2016 4:47 AM EST
Arbaco, December, 28, 2016 (HOL) – Baarlamaanka cusub ee 10aad oo kalfadhigiisii yeeshay maalintii shalay, ayaa lagu wada in maalmaha soo socda ka doodaan waqtiga la qabanayo doorashada hogaanka sare ee dalka.

12/28/2016 4:35 AM EST
Arbaco, December, 28, 2016 (HOL) – Haweenka ku dhaqan degmada Cadale ee gobolka Sh/dhexe ayaa ka faa’ideysana mashruuc u gaar ah haweenka oo ah farsamada gacanta.

12/28/2016 3:09 AM EST
Arbaco, Decembar 28, 2016 [HOL]-Madaxweynaha Dowlad goboleedka Soomaaliyeed ee Hirshabelle Dr Cali Cabdulaahi Cosoble, ayaa ugu hambalyeeyay Xildhibaanada Golaha Shacabka iyo kuwa Aqalka Sare ee Jamhuuriyadda Federaalka Soomaaliya Xilka ay la wareegeen Talaadadii shalay iyo dhaarta ay u dhaarteen dalkooda hooyo, waxaana talaabadaasi uu ku tilmaamay guul taariikhi ah oo u soo hoyatay Soomaaliya.

12/28/2016 2:27 AM EST
Arbaco, December, 28, 2016 (HOL) - Xoghayaha baarlamaanka Soomaaliya C/kariin Xaaji Cabdi Buux oo la hadlay Hiiraan Online ayaa faah faahin dheeraad ah ka bixiyay howlaha baarlamaanka iyo sida laga yeelayo go’aamadii horay uga soo baxay hogaamiyayaasha madasha wada tashiga ee la xiriira hanaanka doorashada.

12/28/2016 2:12 AM EST
Arbaco, December 28, 2016 [HOL]-Fadumo Dayib oo horay u ahayd murashax u taagan xilka madaxweyne ee Soomaaliya ayaa sheegtay in ay la dagaalameyso musuq-maasuqa.

12/28/2016 1:52 AM EST
Arbaco, December, 28, 2016 (HOL) - Madaxweynaha Soomaaliya Xassan Sheekh Max’uud ayaa sheegay in hambalyo u diray baarlamaanka cusub ee Soomaaliya oo maalintii shalay sheegay kalfadhisii uu horeeyay.

12/28/2016 12:35 AM EST
Arbaco, December 28, 2016 [HOL]-QM, ururka midowga Afrika iyo quwadaha waaweyn ee caalamka ayaa aad uga walaacsan hannaanka doorashada ee Soomaaliya.