Xarunta xuquuqul insanka Somaliland oo walaac ka muujisay Xadhiga Muwaaddin Aragti Dhiibtay
Arbaco, August 31, 2016
(HOL) — Xarunta Xuquuqal Insaanka Somaliland, ayaa maanta ka hadashay xariga loo
gaystay qoraaga Siciid Maxamuud Gahayr oo ku xidhan magaalada Hargeysa, kaasi
oo maalmihii u dambeeyey wax ka qoray madaarka Hargeysa.
Warsaxaafadeed ka soo baxay
xarunta xuquuqal iinsaanka ayaa lagu sheegay inay xaruntu codsanayso in la sii
daayo Muwaadinkaas xidhan, waxaanu u dhignaa War-saxaafadeedku sidan:“Waxa
20-kii August 2016 lagu xidhay magaalada Hargeysa Siciid Maxamuud Gahayr oo ah
nin qoraa ah. Siciid xadhigiisa waxa lala xidhiidhiyay qoraalo uu qoray oo ay
ka mid yihiin kuwo baraha bulshada lagu qoray.
Waxa af-hayeen u hadlay
Booliisku sheegay in loo haysto Siciid “falal nabad gelyo darro ah oo wax u
dhimaya qaranka Somaliland.” Kuwaas oo ay ka mid yihiin qoraalo uu ku qoray
baraha bulshada iyo kulanno uu qabtay, sida uu ku dooday Booliisku.
Xadhiga Siciid wuxuu dhacay
kadib qoraalo isdaba joog ah oo uu kaga faalooday arimo la xidhiidha Gegida
Diyaaradaha ee Cigaal (Hargeysa) iyo dhulka ka ag dhow garoonka.
Sida ku cad Qodobka 32-aad ee Dastuurka Somaliland, Muwaadin kastaahi Wuxuu Xaq u leeyahay inuu ra’yigiisa soo
bandhigo. Sidoo kale dastuurku wuxuu ballan qaaday in dadku ka qayb qaadan
karaan kulanno.
Xarunta Xuquuqal Insaanku
waxaay walaac ka qabtaa xadhiga loo gaystay qof aragtidiisa dhiibtay. In qof
loo qabto arin la xidhiidha qoraalo baraha bulshada lagu qoray waa walaac hor
leh, waana arin waxyeelo u gaysan karta xorriyadda aragti dhiiibashada.
Xaruntu waxaay ka
codsanaysaa Xukuumadda Somaliland inay Xorriyadiisa u celiso Siciid Maxamuud
Gahayr.”ayuu yidhi Axmed Xuseen Cabdi
Isu-duwaha Barnaamijyada Xarunta Xuquuqal Insaanka
Sidoo kale, waxay
cambaareeyeen in qof shicib ah aanay maxkamaddi military xukunkiisa qaaddi karin, isla markaana Cambaareeyay shacab ay sheegeen in ay Dacwadoodda qaaday
maxkamadda militariga.
Barkhad-ladiif M. Cumar,
Hiiraan Online
[email protected]
Hargeysa, Somaliland