Puntland oo soo bandhigay Magacyada iyo Beelaha Kooxihii fuliyay Qaraxyadii Gaalkacyo ka dhacay
Talaado, August 30, 2016 (HOL) — Puntland, ayaa maanta soo Bandhigtay magacyada iyo Beelaha Kooxihii ka dambeeyay Qaraxyadii ka dhacay Magaalada Gaalkacyo ee Gobolka Mudug, waxaana lagu wargelinayaa dhammaan hay’adaha Ammaanka Puntland in inay soo qab-qabtaan dhagar-qabayaasha ka tirsan Al-shabaab ee geystay falkii dhawaan ka dhacay magaalada Gaalkacyo.
Falkaas oo ay naftooda ku waayeen dad badan, isla markaana ay hanti tiro badan ku burburtay, ayaa waxaa mas’uuliyaddooda sheegatay Al-shabaab, iyadoo dadka geystay lasoo bandhigay magacyadooda.
Haddaba dadka lasoo bandhgay magacyadooda waxay kala yihiin:
1. Maxamed Nuur Jaamac ama Bashiir Maxamed Nuur oo loo yaqaano “BINU MAXAMED” Da’diisa: 40-45 sanno jir. ,Ku dhashay Gaalkacyo.una dhashay Beeshiisa: Cumar Maxamuud/ Reer Mahad. Shaqadiisa: Madaxa Qaraxyada Al-shabaab ee Gobollada Puntland.
2. Nuur Maxamed Cabdullaahi ama Nuur Cabdullaahi Diini oo loo yaqaano “NUUR DEEQ” Da’diisa: 45 sanno jir. Ku dhashay: Koonfurta Gaalkacyo. Beeshiisa: Sacad/ Reer Hilowle. Shaqadiisa: Madaxa Qaraxyada iyo Dilalka Al-shabaab ee Gobolka Mudug.
3. Cabdulqaadi Xaaji Yuusuf, Ku dhashay: Gobolka Mudug. Beeshiisa: Dir/ Qubeys.
4. Cabdishakuur Mire. Ku dhashay: Koonfurta Gaalkacyo. Beeshiisa: Sacad/ Reer Nimcaale.
5. Muxiyadiin Dakharre. Ku dhashay: Koonfurta Gaalkacyo. Beeshiisa: Sacad / Reer Hilowle.
Sidoo kale, Waxaanu warbixinta lagu soo gudbiyay a magaca dhagar-qabihii isku qarxiyey xarunta Dawladda Hoose ee Degmada Gaalkacyo 21-kii Agoosto, 2016-ka, kaasoo gaarigii Noohada ahaa ee qaraxa geystey isku qarxiyey, kaasoo lagu sheegay inuu ahaa; C/llaahi Fanax, Da’diisa: 22 Sanno jir. Ku dhashay Ceel-waaq , Beeshiisa: Marreexaan/ Uur-midig.
Abaadir C/qaadir Cilmi, Hiiraan Online
Email: [email protected]
Garoowe, Puntland - Soomaaliya