Dowladda Iiraan oo Hir-gelinaysa markii ugu Horreysay INTERNET Raqiis ah oo Dalkeeda gaar u ah
Isniin, August 29, 2016 (HOL) — Dowladda
Iiraan - ayaa ku dhawaaqday inay dhameysay wajigiii koowaad qorshe ay ku
samaysanayso Internet waddankeeda u gooni ah. sida uu ka sheegay
Xafladda furitaanka Wasiirka Warfaafinta iyo
isgaarsiinta Iiraan, Mahmoud Vaezi Axaddii shalay.
Wakaaladda Wararka ee dalka Iiraan, ayaa
sheegtay in mashruucan uu bixin doono Internet tayadiisu wanaagsan tahay, dhaqso
badan oo raqiisna ah. laakiin dadka dhaleecaynaya ayaa sheegaya in
ujeeddada mashruuca ay tahay in dowladda ay koontaroosho waxa ay bulshada
internetka u isticmaalayaan.
Inkastoo Dowladda Iiraan ay xayirtay baraha
bulshadu ku xiriirto Sida; Twitter, Facebook iyo Instagram oo saldhiggoodu yahay
dalkaas dibadiisa, hadda waxaa isticmaala macaamiil badan, iyagoo adeegsanaya
adeegyada internetka ee qaaska ah ee (VPNs).
Xayiraad aan wada
dhameyn;
Ujeedada ka danbaysa mashruuca ayaa markii u
horaysay lagu dhawaaqay 2010, wuxuuna qorshaha uu ahaa in la hirgaliyo sanadka
2015.
Dowladda ayaa sheegtay in ujeeddada ay tahay
in la sameeyo internet gaar u ah waddanka oo loo isticmaali karo xogta Islaamka
iyo in kor loo qaado isticmaalka Digital-ka ee dadka.
Ujeeddada ayaa lagu sheegay in ay tahay in
lagu beddelo Internet-ka la isticmaalo, kaasoo Dowladdu ay xayirto meelaha qaar,
laakiin dadka ay is ticmaalaan adeegyada qaaska ah ee internetka ee (VPNs),
iyadoo Mr Vaezi uu ku tilmaamay 'xayiraad aan wada
dhamayn'.
"Dhamaan adeegyada Waddanka, barnaamijyo
badan oo kala duwan ayaa ku jira Internet-ka waddanka ayuu sheegay wasiirka, oo
hadalkiisa ku daray in mashruucan uu ka hor-tagi doono weerarka
lagu qaado kambiyuutarrada.
Wakaaladda Wararka Iran ee Mehr ayaa
baahisay sidan:
◾Wajiga hore waxaa dadka helayaan webiteyada
dowladda iyo Web-siteyada Shirkadaha waddanka.
◾Wajiga labaad oo billaabanaya Bisha
Feberaayo ee Sannadka soo socda 2017-ka, Waxaa lagu darayaa Fiidiyowyada
Waddanka
◾Wajiga Saddexaad oo billaabanaya March
2017, ayaa bilaabaya adeegyo dheeraad ah oo taageeraya shirkadaha sameeya
ganacsiga caalamiga.
Balse, BBC-da ayaa baahisay in kooxda
Britishka ah ee u ololaysa Xaquuqda Aadanaha ee Article 19 ay ka digtay
mashruucan, iyadoo sheegtay in mashruucan Internet ee Waddanka
Iiraan uu sii ballaarinayo xayiraada, ilaalinta iyo xog la'aanta.
Ugu dambeyntii, Kooxda Article 19 ayaa tiri.
"Tani waxay khatar-galinaysaa inay Iiraan ka soocdo Internet-ka caalamka intiisa
kale, iyadoo xukuumadda Iran ay doonayso inay xayito sidii xog loo heli lahaa
iyo in looga hor-tago inay Dadku sameeyaan mudaaharaadyo ay ku dalbanayaan
xuquuqdooda,"
Maxamed X. Xuseen, Hiiraan
Online
[email protected]
Muqdisho,
Soomaaliya