Daawo: Kulan lagu taageeray go'aanka duubabka dhaqanka G/Hiiraan oo ka dhacay Beledweyne
Arbaco, Augusto, 24, 2016 (HOL) -- Kulan ballaaran oo maanta
ay ku qabteen magaalada Beledweyne, siyaasiyiin, aqoonyahanno, waxgarad iyo odayaal
dhaqameed ayaa si weyn loogu taageeray go'aanka duubabka dhaqanka gobolka
Hiiraan ee ka dhanka ah qorshaha dhismaha maamulka labada gobol Hiiraan iyo
Shabeellada Dhexe.
Ka qeyb-galayaasha kulanka ayaa dhinaca kale fariin u dirray
dowladda federaalka Soomaaliya iyo urur gobolleedka IGAD oo ay ka dalbadeen in la
dhageysto sidda ay hadalka u dhigeen rabitaanka shacabka ku dhaqan gobolka,
iyaga oo mar kale ku celiyay in aysan aqbali doonin dhismaha maamulka labada
gobol Hiiraan & Sh/dhexe, madaama horay duubabka gobolka arintaa go'aan uga
soo saareen.
Shirkan ayaa imaneya xili dhinaca kale magaalada Jowhar la
filayo dhawaan in mar kale uu dib uga furmo shirka maamul u sameynta labada gobol
sidda ay sheegeen mas'uuliyiin ka tirsan dowladda oo qaarkood hadda ku sugan
magaalada Jowhar.
Xubnihii ka hadlay kulanka maanta ayaa waxaa ka mid ahaa
xildhibaan hore Max'ed Cumar Gaagaale, Drs Maryan Xaaji Cilmi, nabadoon Faarax Raage
Kooshin, Cilmi Xasan C/dulle, iyo ugu danbeyntii nabadoon Ibraahim Guure Cali
C/raxmaan Diini, Hiiraan Online
[email protected]
Beledweyne, Soomaaliya
