Arbaco,
August 24 2016 (HOL) – Ugu yaraan 60-qof ayaa ku dhintay Dhul-gariir weyn oo
Maanta ku dhuftay bartamaha Dalka Taliyaaniga, waxaana la la’yahay in ka badan
150-qof oo kale.
Dhul-gariirka
oo cabirkiisa lagu sheegay 6.2, ayaa wuxuu ruxay dhul cabirkiisu uu yahay
10-km, isagoo ka dhacay meel Koonfur bari kaga began Magaalada Norcia, Waxaana
laga dareemay meelo badan oo ka tirsan gobolkaas oo qiyaastii 150-km u jira
Magaalada xarunta ah ee Roma.
Sidoo kale,
Dhul-gariirkan ayaa wuxuu si ba’an u saameeyay magaalooyin kale oo lagu kala magacaabo,
Amatrice iyo Accumoli. Wuxuuna burburiyay dhismaal aad u badan, iyadoo samata-bixinta
dadka la la’yahay ku hawlan shaqaalaha gargaarka.
Gobolka uu
ka dhacay Dhul-gariirkan oo lagu magacaabo, Umbria ayaa wuxuu ka mid yahay gobollada
caanka ku ah dalxiiska, waxaana markii uu dhul-gariirkaani dhacayay ku sugnaa
dalxiisayaal fara badan.
Ugu
dambeyn, Dhul-gariirkaan, wuxuu dhacay 9:30 subaxnimo ee Maanta, sidoo kalena
waxaa xigay dhawr ruxitaan oo ahaa kuwo koo-kooban, inkastoo aysan wax khasaare
ah geysan.
Maxamed X.
Xuseen, Hiiraan Online
[email protected]
Muqdisho, Soomaaliya
