Axad, Agoosto 14, 2016 (HOL)-Madaxweyne ku xigeenka dowladda Maraykanka Joe Biden ayaa lagu
wadaa in bisha danbe uu booqasho qorshaysan ku tago Turkiga ,sidaas waxaa
lagu sheegay war maanta oo axad ah ka soo baxay aqalka cad ee Maraykanka.
“Waxa uu madaxweyne ku xigeenku la kulmi doonaa madaxweyne Erdogan iyo ra’iisul-wasaare
Yildirim si uu ugala hadlo xoojinta xiriirka labada wadan iyo waliba arimo
muhiim ah oo quseeya labada dhinac“ ayaa lagu yiri warka ka soo baxay dowladda.
Sidoo kale Madaxweyne ku xigeenka ayaa booqan doona wadanka
Swedan inta lagu guda jiro safarkan uu ku marayo wadamo ku yaala Yurub, balse
waxaa si gaar ah diiradda loogu hayaa
booqashadiisa Turkiga.
Ankara ayaa aaminsan in afganbigii fashilmay ee Turkiga uu
ka danbeeyay wadaadka lagu magacaabo Fatulah Gollen oo tarxiil ahaan ugu nool
dalka Maraykanka ,waxaana dowladdu ay doonaysa in dib loogu soo gacan-galiyo.
Ugu danbayn ,
Biden ayaa noqonaya mas’uulkii ugu sareeyay oo booqnaya dalka Turkiga tan iyo markii uu dhacay afganbigii fashilmay ee bishii hore,waxaana
madaxweyne Erdogan uu reer galbeedka ku eedeeyay in ay wax ka ogaayeen
shirqoolkii loo dhigay xukuumad-diisa.
Faysal M.Hassan
[email protected]