3/29/2024
Today from Hiiraan Online:  _
Wararka Maanta- Sabti, Oct 10, 2015
Madaxweynaha Puntland oo Maanta ka Hadlay Safar uu ku Tagay Dalka Kenya (SAWIRRO)


Sabti, Oktoobar 10, 2015 (HOL) — Madaxweynaha Puntland, C/weli Maxamed Cali Gaas ayaa maanta dib ugu soo laabtay magaalada Gaalkacyo ee xarunta gobolka Mudug kaddib safar qaatay dhowr maalin oo uu ku tagay magaalada Nairobi ee dalka Kenya.

Qaar kamid ah golaha wasiirrada Puntland, maamulka gobolka, kan Gaalkacyo iyo shacab fara badan ayaa madaxweynaha ku soo dhaweeyay garoonka diyaaradaha ,isaga oo inta ka dib war kooban siiyay wariyayaasha.

“Waxaan madaxda dalka Kenya kala soo hadlay sidii ay Puntland uga taageeri lahaayeen kaabayaasha dhaqaalaha, arrimaha bulshada iyo nabad-gelyada,” ayuu yiri madaxweyne Gaas oo si faah-faahsan uga warbixiyay safarkiisi Nairobi.

“Sidoo kale waxaan la kulannay jaaliyadda Puntland, iyana wadanka ayaan uga waranay isbadalka wanaagsan ee ka socda, waxaana rajeyn in isbadalkaasi uu ka muuqdo hay’addo badan oo ay khusayso,” ayuu mar kale yiri Gaas.

Madaxweynaha Puntland ayaan ka hadlin cabashada ciidanka ee ka jirta gudaha Puntland, wuxuuse xusay in la rajaynayo is badal dhaqaale oo deg-deg ah, kaasoo ka hirgala gudaha Puntland marka la soo gaba-gabeeyo mashaariicda socda sida uu sheegay.

Ugu danbayn,madaxweynaha Puntland ayaa maalmihii la soo dhaafayay la kulmayay qaar kamid  ah safariirada reer gableedka ee ka howl-gala Somaliya, waxaana uu sheegay in dhamaantood ay balan-qaadyo u sameeyeen maamulkiisa.

Faysal Mohamed Hassan
[email protected]













Click here
10/10/2015 2:58 PM EST
Sabti, Oktoobar 10, 2015 (HOL) — Shirka looga hadlayo dar-dar-galinta hannaanka dib-u-eegista dastuurka KMG ah ee dalka ayaa maanta ka furmay Muqdisho, iyadoo ay ka qayb-galeen ra’iisal wasaare ku-xigeenka xukuumadda Somalia, wasiirka dastuurka, wasiirrada arrimaha dastuurka ee maamul goboleedyada, Puntland, Koonfur-galbeed, Jubbaland iyo Galmudug, guddigiga kormeerka dastuurka ee baarlamaanka Somalia iyo guddiga madaxa-banaan ee dib u eegista dastuurka KMG ah iyo hirgelintiisa.

10/10/2015 1:03 PM EST
Sabti, Oktoobar 10, 2015 (HOL) — Ugu yaraan 12 qof oo Somali ah ayaa ku geeriyooday duqeymo ay diyaaradaha Sucuudigu ka geysteen gudaha dalka Yemen, sida ay maanta oo Sabti ah baahisay warbaahinta dalkaas.

10/10/2015 12:28 PM EST
Sabti, Oktoobar 10, 2015 (HOL) — Wasiirka Arrimaha gudaha Somaliland Cali Maxamed Waran-cadde ayaa ku eedeeyey dowladda Somaaliya inay ka dambeysay weerarkii lagu qaaday dhawaan badhasaabka gobolka Awdal, isla markaana ay dabada ka riixayso qas iyo qalalaase ka dhaca Somaliland.

10/10/2015 11:03 AM EST
Sabti, Oktoobar 10, 2015 (HOL) — Guddoomiyaha maxkamadda sare ee ciidanka qalabka sida ee Somalia, Col. Liibaan Cali Yaroow ayaa ka jawaabay warbixintii Midowga Yurub kasoo baxday ee la xiriirtay dilalka toogashada ah ee ay fuliyaan maxkamadaha ciidamada, isagoo warbixinta ku tilmaamay mid aan sal iyo raad lahayn.

10/10/2015 10:24 AM EST
Sabti, Oktoobar 10, 2015 (HOL) — Wafdi ka socda wasaaradda gaashaandhigga Somalia oo uu hoggaaminayo wasiiru-dawlaha wasaaradda Maxamed Cali Xagaa iyo xubno kale oo ka socda dowlada federaalka Somalia ayaa maanta booqasho ku tagay degmada Baydhabo ee xarunta gobolka Bay.

10/10/2015 10:04 AM EST
Sabti, Oktoobar 10, 2015 (HOL) — Faahfaahinno dheeraad ah ayaa kasoo baxaysa shirkii looga hadlayay mooshinka ka dhanka ah madaxweynaha Somalia oo ka furmay Muqdisho, iyadoo ay hadallo kala duwan ka jeediyeen 12-xildhibaan oo ka qayb-galay shirka kuwaas oo ka mid ahaa xildhibaannadii saxiixay mooshinka ka dhanka ah madaxweynaha.

10/10/2015 9:13 AM EST
Sabti, Oktoobar 10, 2015 (HOL) — Xeer-ilaayaha Guud ee Qaranka Somalia, Dr. Axmed Cali Daahir ayaa qoraal uu soo saaray maanta kaga hadlay qorshaha ay Kenya ku doonayso inay isku hor-taagto dacwadda badda ee Somalia ay horay ugu gudbisay Maxkamadda ICJ u gudbisay.

10/10/2015 8:39 AM EST
Sabti, Oktoobar 10, 2015 (HOL) — Ugu yaraan 30-qof ayaa ku dhintay qaraxyo ka dhacay meel uu ka socday dibadbax nabadeed oo ku taalla xarunta dalka Turkiga ee Ankara iyadoo ay ku dhaawacmeen 126-qof oo kale, sida ay sheegeen saraakiisha dalka Turkiga.

10/10/2015 8:17 AM EST
Sabti, Oktoobar 10, 2015 (HOL) — Kenya waxay ku gacan seyrtay dacwadda ay Somalia ka gudbisay Kenya ee ku saabsan soohdinta badda ee labada dal ee deriska ah.

10/10/2015 8:06 AM EST
Sabti, Oktoobar 10, 2015 (HOL) — Shirkii looga hadlayay mooshinkii Madaxweynaha DF Soomaaliya Xasan Sh. Maxamuud laga keenay ayaa goor-dhow ka furay Muqdisho, iyadoo guddoomiyaha baarlamaanka Soomaaliya uu si rasmi ah u furay shirkan, isla markaana ka hadlay muhiimadda uu shirkan leeyahay.

10/10/2015 7:01 AM EST
Sabti, Oktoobar 10, 2015 (HOL) —Maamulka Jubbaland ayaa maanta dhagaxdhigay mid kamid ah wadooyinka muhiimka ah ee magaalada Kismaayo, taasoo burbursanayd mudo aad u dheer islamarkaana ay adkeyd in ay isticmaalaan gaadiidka.

10/10/2015 3:21 AM EST
Sabti, Oktoobar 10, 2015 (HOL) — Guddoomiyaha Baarlamaanka Somalia, Maxamed Sh. Cusmaan Jawaari ayaa shaaciyay in Sabtida maanta ah uu furmayo kulanka looga hadlayo mooshinkii laga keenay Madaxweynaha Somalia bishii Ogoosto ee sannadkan.

10/10/2015 3:10 AM EST
Sabti, Oktoobar 10, 2015 (HOL) — Midowga Yurub ayaa xaqiijiyay inaanay marna raalli ka ahayn ayna ka soo hor-jeedo ciqaabta dilka ah oo dhan, iyadoo ciqaabta dilalka ah ay ka dhigan tahay ku xad-gudubka xuquuqda aadanaha iyo sharaftiisa.