3/29/2024
Today from Hiiraan Online:  _
Wararka Maanta- Sabti, Jun 20, 2015
FAAHFAAHIN: Khasaarihii ka Dhashay Weerar ay Al-shabaab ku Qaadday Degmada Afgooye


Sabti, Juun 20, 2015 (HOL) — Ugu yaraan 15 ka tisanaa Ciidanka Booliiska Somalia ayaa  lagu dilay weerar ay xalay Al-shabaab ku qaaday koontarool ay ciidan ku sugnaayeen oo ku yaalla degmada Afgooye ee Gobolka Shabeellada Hoose oo 30-km u jirta Magaalada Muqdisho.

Guddoomiyaha Gobolka Shabeellada Hoose, C/qaadir Sh. Maxamed Nuur (Siidii) ayaa u sheegay VOA-da in ciidammo aad u hubeysan oo ka tirsan Al-shabaab ay xalay saqdii dhexe soo weerareen koontarool ay ciidamada booliiska Somalia ku sugnaayeen, ayna la wareegeen goobta, balse saaka aroortii ay ciidammo ka mid ah kuwa dowladda dib uga saareen.

“Al-shabaab waxay goobta ka qaateen shan gaadiidka booliiska ka mid ah, balse ciidamada dowladda ayaa dib uga soo celiyay mid ka mid ah gaadiidkaas,” ayuu yiri C/qaadir Siidii.

Sidoo kale, guddoomiyaha gobolka Shabeellada Hoose ayaa intaas ku daray inay xoogaggii Al-shabaab weerar ku qaadeen deegaan kale oo lagu magacaabo God-doofaar oo qiyaastii 40-km dhanka Waqooyi-galbeed kaga beegan Afgooye.

Ilo wareedyo madax-bannaan ayaa lagasoo xigtay in 10 ka mid ah Ciidamadii Dowladda Somalia lagu dilay weerarkaas, balse guddoomiyaha Gobolka Shabeellada ayaa diiday inuu xaqiijiyo dhimashada ciidamadan booliiska Somalia ka tirsanaa.

Dhanka kale, C/qaadir Siidii ayaa sheegay in Xoogagga Al-shabaab Dagaalladaas ay uga dileen 30 xubnood, inkastoo uusan sheegin sida ay ugu kala geeriyoodeen Weeraradii kala duwanaa ee ay Al-shabaab Qaadday.

Weerarradan ayaa noqonaya kuwii ugu dambeeyay ee ay xoogagga Al-shabaab ku qaadaan deegaannada ay dowladda Soomaaliya ka taliso, iyadoo Al-shabaab ay sannado badan isku dayaysay inay xukunka ka tuurto dowladda Somalia ee ay taageeraan Ciidamada Midowga Afirka ee AMISOM.

Ugu dambeyn, Al-shabaab ayaa sannadihii u dambeeyay faraheeda laga bixiyay deegaanno muhiim u ahaa, kaddib weerarro ay ku Qaadeen Ciidamada AMISOM iyo kuwa Dowladda Somalia oo is-garabsanaya.

Maxamed X. Xuseen, Hiiraan Online
[email protected]
Muqdisho, Soomaaliya













Click here
6/20/2015 4:48 PM EST
Sabti, Juun 20, 2015 (HOL) — Dowladda Kenya ayaa Maanta Shaacisay Sawirrada 38-qof oo ka tirsan Xarakada Al-shabaab ee Somalia oo ku sugan gudaha dalka Kenya, iyadoo ay sheegtay xukuumadda Nairobi inay baadi-goob ku haysay Xubnahan.

6/20/2015 4:13 PM EST
Sabti, Juun 20, 2015 (HOL) — Gudigga Farsamadda Maamul u sameynta gobollada dhexe ee Somalia ayaa goor-dhow Shaaciyay 60-xildhibaan oo ka mid ah Golaha Xildhibaannada ee uu maamulkan yeelanayo.

6/20/2015 3:51 PM EST
Sabti, Juun 20, 2015 (HOL) — Degmada Cadaado ayaa Maanta lagu Qabtay Munaasabad Dowladda Federaalka Somalia loogu Wareejinayay ciidamada Booliiska maamulka Ximan iyo Xeeb, iyadoo munaasabadaas ay ka Qayb-galeen Saraakiil iyo Taliyayaal Ciidan.

6/20/2015 11:09 AM EST
Sabti, Juun 20, 2015 (HOL) — Shirkadda Hormuud Foundation ayaa maanta deeq gargaar ah oo loogu Talo-galay Bisha Ramadaan gaarsiiyey naafada ku jirta Isbitaalka Martiina ee magaalada Muqdisho.

6/20/2015 11:05 AM EST
Sabti, Juun 20, 2015 (HOL) — Xildhibaanada barlamaanka Somalia ayaa kulan ay maanta yeesheen kaga dooday darbiga ay xukuumadda Kenya doonayso inay ka dhisto Soohdinta ay la wadaagto Somalia, iyo sidii dib loogu soo saari lahaa Shilliln Soomaaliga.

6/20/2015 10:41 AM EST
Sabti, Juun 20, 2015 (HOL) — Madaxweynaha Soomaaliya. Xasan Sh. Maxamuud ayaa maanta si rasmi ah xarigga uga jaray xarunta Dowladda Hoose ee Muqdisho (Ex Ufficio Governo) oo dhawaan maamulka Gobolka Banaadir uu dayactiray.

6/20/2015 9:43 AM EST
Sabti, Juun 20, 2015 (HOL) — Maamulka Khaatumo ayaa sheegtay inay ka dambeeyeen weerar habeennimadii xalay lala beegsaday xarumo is-gaadhsiineed oo ku yaala duleedka Magaalada Horu-fadhi oo Waqooyi-galbeed ka xigta Degmada Laascaanood ee Gobolka Sool.

6/20/2015 9:21 AM EST
Sabti, Juun 20, 2015 (HOL) —Dabley ku hubeysan bastoolado ayaa goor dhaw ku dishay bartamaha magaalada Beledweyne meel aan ka fogeyn gurigiisa Alle ha u naxariisteen nabadoon Muumin Barre.

6/20/2015 8:27 AM EST
Sabti, Juun 20, 2015 (HOL) — Madaxweynaha Mareykanka, Barack Obama oo lagu wado inuu bisha soo socota ee July booqasho ku yimaado xarunta Kenya ee Nairobi ayaa la sheegayaa inuu booqan doono dhammaadka bishan magaalada Addis Ababa ee xarunta dalka Itoobiya.

6/20/2015 7:47 AM EST
Sabti, Juun 20, 2015 (HOL) — Warbixin ay soo saartay Wasaaradda Arrimaha Dibadda ee Mareykanka ayaa lagu sheegay tirade dadkii ku dhintay Weerarradii ka dhacay Caalamka Sannadkii lasoo dhaafay ee 2014-ka oo keliya.

6/20/2015 6:34 AM EST
Sabti, Juun 20, 2015 (HOL) — Wasiirka Maaliyada Xukuumada Somalia Maxamed Aadan Ibaraahim (Fargeeti), Wasiir ku xigeenka Qorshaynta, C/llaahi Sheekh Cali (Qaloocoow), Guddoomiyaha Bangiga Dhexe, Bashiir Ciise iyo Saraakiil Sare oo ka Tirsan xukuumadda Somalia ayaa kulan la Qaatay Wafdi ka Socday Hay'adda Lacagta Adduunka IMF. Kulan-kaasoo ha kii ugu horreeyay oo ay IMF-tu ka u qabatay Somalia muddo 25 Sanno ah ayaa ahaa mid lagu qiimeynayay habka uu u shaqeeyo Nidaamka Maaliyadda ee Soomaaliya iyo Xaaladda Guud ee Dhaqaalaha dalka.

6/20/2015 3:50 AM EST
Sabti, Juun 20, 2015 (HOL) — Xoogag ka tirsan Xarakada Al-shabaab ayaa Saqdii Dhexe ee Xalay Weeraray degmada Afgooye ee Gobolka Shabeellada Hoose oo Muqdisho u jirta 30-km, iyadoo ay u suuro-gashay inay gudaha u galaan degmadaas.

6/20/2015 3:25 AM EST
Sabti, Juun 20, 2015 (HOL) — Kulan ballaanran oo lagu Taageerayay talo ay qaar ka mid ah xildhibaanndaa reer Hiiraan soo jeediyeen oo ahayd in Gobolka Hiiraan laba gobol loo qaybiyo ama sidiisa looga dhigo Maamul-goboleed ayaa shalay lagu qabtay Muqdisho.