3/28/2024
Today from Hiiraan Online:  _
Wararka Maanta- Sabti, Jun 20, 2015
Tirada dadkii ku dhntay weeraradii ay sanadkii hore geysteen ISIS & Boko Haram la Baahiyay


Sabti, Juun 20, 2015 (HOL) — Warbixin ay soo saartay Wasaaradda Arrimaha Dibadda ee Mareykanka ayaa lagu sheegay tirade dadkii ku dhintay Weerarradii ka dhacay Caalamka Sannadkii lasoo dhaafay ee 2014-ka oo keliya.

Ururada Dacish iyo Boko Xaraam ayaa Warbixinta lagu Shaaciyay in ay Sare u Qaadeen weerarradooda sannadkii tagay ee 2014-kii iyo sannadkii ka horreeyay ee 2013-ka, kuwaas lagu dilay dad u badan rayid.

Sidoo kale, wasaaradda ayaa warbixinteeda ku sheegtay in sannadkii lasoo dhaafay oo keliya lagu dilay weerarrada ay kooxaha xagjiriinta ah geysayaan 32,727,000 oo qof, laguna dhaawaacay 13,500,000. Waxaana lagu xusay warbixinta in meelo kala duwan oo caalamka ay ka dhaceen weerarradan.

Tiradan ayaa ah mid aad uga badan tirada dadkii ku dhintay Weerarradii Sannadkii 2013-ka ka dhacay caalamka lagu dilay, laakiin sarkaal ka tirsan waaxda arrimaha dibadda ee Mareykanka ayaa ka digtay in tiradu intaasi ay ka badan karto.

Dadka ugu badan ee ku dhintay weeraradan argagaxiso ayaa la sheegay inay ku noolaayeen dalalka Ciraaq, Suuriya, Nigeria iyo Afgaanistaan oo ay wasaaradu ku tilmaantay meelaha ugu khatarta badan caalamka.

Kooxaha Boko Haram iyo Daacish/ISIL ayaa la sheegay inay yihiin kuwa Weerarradii ugu badbaa ee tiradan faraha badani ku geeriyoodeen, iyadoo aan warbixinta laguba soo qaadin Xarakada Al-shabaab ee Somalia iyo khasaarihii ka dhashay weerarradii ay geystay sannadkii hore.

Ugu dambeyn, Waaxda Arrimaha Dibadda Mareykanka ayaa sheegtay in Daacish ay ku xasuuqday 670-qof oo maxaabiis Shiico ahaa Magaalada Muusil ee dalka Ciraaq, taasoo ah weerarkii ugu dhimashda badnaa ee caalamka dhan ka dhacay sanadkii lasoo dhaafay.

Maxamed X. Xuseen, Hiiraan Online
[email protected]
Muqdisho, Soomaaliya













Click here
6/20/2015 5:12 PM EST
Sabti, Juun 20, 2015 (HOL) — Ugu yaraan 15 ka tisanaa Ciidanka Booliiska Somalia ayaa lagu dilay weerar ay xalay Al-shabaab ku qaaday koontarool ay ciidan ku sugnaayeen oo ku yaalla degmada Afgooye ee Gobolka Shabeellada Hoose oo 30-km u jirta Magaalada Muqdisho.

6/20/2015 4:48 PM EST
Sabti, Juun 20, 2015 (HOL) — Dowladda Kenya ayaa Maanta Shaacisay Sawirrada 38-qof oo ka tirsan Xarakada Al-shabaab ee Somalia oo ku sugan gudaha dalka Kenya, iyadoo ay sheegtay xukuumadda Nairobi inay baadi-goob ku haysay Xubnahan.

6/20/2015 4:13 PM EST
Sabti, Juun 20, 2015 (HOL) — Gudigga Farsamadda Maamul u sameynta gobollada dhexe ee Somalia ayaa goor-dhow Shaaciyay 60-xildhibaan oo ka mid ah Golaha Xildhibaannada ee uu maamulkan yeelanayo.

6/20/2015 3:51 PM EST
Sabti, Juun 20, 2015 (HOL) — Degmada Cadaado ayaa Maanta lagu Qabtay Munaasabad Dowladda Federaalka Somalia loogu Wareejinayay ciidamada Booliiska maamulka Ximan iyo Xeeb, iyadoo munaasabadaas ay ka Qayb-galeen Saraakiil iyo Taliyayaal Ciidan.

6/20/2015 11:09 AM EST
Sabti, Juun 20, 2015 (HOL) — Shirkadda Hormuud Foundation ayaa maanta deeq gargaar ah oo loogu Talo-galay Bisha Ramadaan gaarsiiyey naafada ku jirta Isbitaalka Martiina ee magaalada Muqdisho.

6/20/2015 11:05 AM EST
Sabti, Juun 20, 2015 (HOL) — Xildhibaanada barlamaanka Somalia ayaa kulan ay maanta yeesheen kaga dooday darbiga ay xukuumadda Kenya doonayso inay ka dhisto Soohdinta ay la wadaagto Somalia, iyo sidii dib loogu soo saari lahaa Shilliln Soomaaliga.

6/20/2015 10:41 AM EST
Sabti, Juun 20, 2015 (HOL) — Madaxweynaha Soomaaliya. Xasan Sh. Maxamuud ayaa maanta si rasmi ah xarigga uga jaray xarunta Dowladda Hoose ee Muqdisho (Ex Ufficio Governo) oo dhawaan maamulka Gobolka Banaadir uu dayactiray.

6/20/2015 9:43 AM EST
Sabti, Juun 20, 2015 (HOL) — Maamulka Khaatumo ayaa sheegtay inay ka dambeeyeen weerar habeennimadii xalay lala beegsaday xarumo is-gaadhsiineed oo ku yaala duleedka Magaalada Horu-fadhi oo Waqooyi-galbeed ka xigta Degmada Laascaanood ee Gobolka Sool.

6/20/2015 9:21 AM EST
Sabti, Juun 20, 2015 (HOL) —Dabley ku hubeysan bastoolado ayaa goor dhaw ku dishay bartamaha magaalada Beledweyne meel aan ka fogeyn gurigiisa Alle ha u naxariisteen nabadoon Muumin Barre.

6/20/2015 8:27 AM EST
Sabti, Juun 20, 2015 (HOL) — Madaxweynaha Mareykanka, Barack Obama oo lagu wado inuu bisha soo socota ee July booqasho ku yimaado xarunta Kenya ee Nairobi ayaa la sheegayaa inuu booqan doono dhammaadka bishan magaalada Addis Ababa ee xarunta dalka Itoobiya.

6/20/2015 6:34 AM EST
Sabti, Juun 20, 2015 (HOL) — Wasiirka Maaliyada Xukuumada Somalia Maxamed Aadan Ibaraahim (Fargeeti), Wasiir ku xigeenka Qorshaynta, C/llaahi Sheekh Cali (Qaloocoow), Guddoomiyaha Bangiga Dhexe, Bashiir Ciise iyo Saraakiil Sare oo ka Tirsan xukuumadda Somalia ayaa kulan la Qaatay Wafdi ka Socday Hay'adda Lacagta Adduunka IMF. Kulan-kaasoo ha kii ugu horreeyay oo ay IMF-tu ka u qabatay Somalia muddo 25 Sanno ah ayaa ahaa mid lagu qiimeynayay habka uu u shaqeeyo Nidaamka Maaliyadda ee Soomaaliya iyo Xaaladda Guud ee Dhaqaalaha dalka.

6/20/2015 3:50 AM EST
Sabti, Juun 20, 2015 (HOL) — Xoogag ka tirsan Xarakada Al-shabaab ayaa Saqdii Dhexe ee Xalay Weeraray degmada Afgooye ee Gobolka Shabeellada Hoose oo Muqdisho u jirta 30-km, iyadoo ay u suuro-gashay inay gudaha u galaan degmadaas.

6/20/2015 3:25 AM EST
Sabti, Juun 20, 2015 (HOL) — Kulan ballaanran oo lagu Taageerayay talo ay qaar ka mid ah xildhibaanndaa reer Hiiraan soo jeediyeen oo ahayd in Gobolka Hiiraan laba gobol loo qaybiyo ama sidiisa looga dhigo Maamul-goboleed ayaa shalay lagu qabtay Muqdisho.