3/29/2024
Today from Hiiraan Online:  _
Wararka Maanta- Isniin, Sept 15, 2014
R.W Cabdiweli: Guul buu kusoo dhamaaday socdaalkii aan ku tagay Baydhabo


Isniin, September 15, 2014 (HOL) — Ra’iisul wasaaraha Soomaaliya, C/weli Sh. Axmed iyo wafdigii uu hoggaaminayay ee Baydhabo tagay ayaa intii aysan kusoo laaban Muqdisho, waxaay kulammo kala duwan lasoo qaateen, odayaasha dhaqanka, bulshada, saraakiisha ciidanka dowladda iyo AMISOM.

Ra’iisul wasaaraha ayaa xalay illaa maanta la kulmayay bulshada Baydhabo, iyadoo kulamadaasi lagu dhageystay aragtida dadweynaha, waxaana dadkii kulamadaasi kasoo qeyb-gashay ay ballan-qaadeen inay sii labo jibaarayaan taageerada dowladda iyo howlaha dib-u-heshiisiinta ee xukuumaddu gar-wadeenka ka tahay oo haatan ka socda Baydhabo.

“Guul ayuu kusoo dhamaaday socdaalkii aan ku tagay magaalada Baydhabo, waxaan soo furnay shirkii dib-u-heshiisiinta iyo dhismaha maamulka KMG ah ee Koonfur-galbeed, waxaan xalay la kulmay odayaasha iyo siyaasiyiinta ka soo jeeda gobolladaas, dhammaantoodna waxay noo muujiyeen taageerada ay u hayaan shirka dib-u-heshiisiinta ee xukuumaddu hormuudka u tahay,” ayuu yiri C/weli Sheekh.

Socdaalkan ayaa qayb ka ahaa dadaallada ay xukuumadda Soomaaliya ku doonayso in dalka oo dhana dib u heshiisiin waarta laga sameeyo, loona hir-geliyo maamullo dalka oo dhan ka dhisma.

Dhanka kale, ra’iisul wasaaraha ayaa maanta dib ugu soo laabtay Muqdisho, isagoo isla maanta u ambabaxay magaalada London ee dalka Britain, halkaa oo ay uga qayb-galayaan isaga iyo wafdigiisa shir looga hadlayo tayaynta ciidamadda qalabka sida ee Soomaaliya.

Wafdiga ra’iisul wasaaraha ayaa waxaa ka mid ah; wasiirka gaashaandhigga, Maxamed Sheekh Xasan (Xaamud), wasiirka warfaafinta Mustaf Sheekh Cali Dhuxuloow iyo xubno kale.

Ra’iisul Wasaare Cabdiweli ayaa inta uu joogo dalka Britain wuxuu kulammo kula yeelan doonaa saaxiibada horumarinta ee Soomaaliya iyo jaaliyadda Soomaaliyeed ee dalkaas ku nool ku dhaqan.

Maxamed X. Xuseen, Hiiraan Online
[email protected]
Muqdisho, Soomaaliya













Click here
9/15/2014 2:12 PM EST
Isniin, September 15, 2014 (HOL) — Isu-tagga ururrada shaqaalaha Soomaaliyeed ayaa war-saxaafadeed ay soo saareen maanta ku sheegay inay aad uga xun yihiin waxyaabaha ka dhacday dekedda Muqdisho, taasoo xadgudub loogu geystay muwaadiiniinta Soomaaliyeed ee madax u ah xoogsatada dekedda Muqdisho.

9/15/2014 12:13 PM EST
Isniin, September 15, 2014 (HOL) — Madaxweynaha Soomaaliya, Xasan Sh. Maxamuud ayaa xarunta madaxtooyada kulan kula qaatay xalay qaar ka mid ah suxufiyiinta ka howl-gala Muqdisho iyo madaxdooda, waxaana kulankaan ka qayb-galay wasiirka warfaafinta, wasiirka garsoorka iyo xeer-ilaaliyaha guud ee dalka.

9/15/2014 11:55 AM EST
Isniin, September 15, 2014 (HOL) — Wasiirka Qorshaynta iyo Iskaashiga caalamiga ah ee Soomaaliya, Saciid Cabdullaahi Maxamed iyo wasiir ku xigeenka wasaaraddaas, C/llaahi Sh. Cali Qaloocow ayaa maanta kulan la qaatay isku-duwaha arrimaha bani’aadamnimada QM u qaabilsan Soomaaliya, Philippe Lazzarini.

9/15/2014 10:44 AM EST
Isniin, September 15, 2014 (HOL) — Xisbiyada mucaarad Somaliland ayaa sheegay inay xukuumadda la galayaan wadahadal ku saabsan sida laga yeelayo diiwaan-gelinta madaniga ah kaas oo ay ka soo qaybgali doonaan xisbiyadda mucaaradka, laba wasiir iyo xisbiga taladda haya ee KULMIYE.

9/15/2014 10:30 AM EST
Isniin, September 15, 2014 (HOL) — Banaanbax ay baabulkiisa lahaayeen dadweynaha ku nool Baydhabo ayaa maanta ka dhacay degmadaas, iyadoo ay sidoo kale xildhibaannno shir ku qabtay degmada Baydhabo ay dowladda Soomaaliya kaga dalbadeen inay joojiso shirka lagu qabanayo Kismaayo.

9/15/2014 9:30 AM EST
Isniin, September 15, 2014 (HOL) — Madaxweynaha Somalia, Xasan Sheekh Maxamuud oo ay wehlinayaan wasiirrada arrimaha gudaha iyo caafimaadka Soomaaliya ayaa maanta kormeeray dhismaha isbitaalka Digfeer ee Muqdisho oo lasoo gaba-gabeeyay dayactir iyo qalabeyn ay ku sameeyeen hay’adaha Turkiga ee dalka ku sugan.

9/15/2014 8:25 AM EST
Isniin, September 15, 2014 (HOL) — Soomaalida lagu dilay Koonfur Afrika ee sannadkan ayaa tiradooda lagu sheegay inay garayso 43-qof, kuwaasoo ay ku jiraan saddex Soomaali ah oo maanta lagu dilay duleedka magaalada Pretoria ee xarunta ah, iyadoo 26 ka mid ah dadkaas lagu dilay Cape-town iyo duleedyadeeda.

9/15/2014 5:55 AM EST
Isniin, September 15, 2014 (HOL) —Madaxweyne ku-xigeenka Puntland C/xakiim C/llaahi Cumar ayaa maanta tababarkan ka furay magaalada Garoowe loogu qabanayo saraakiisha ciidanka booliska ee Puntland.

9/15/2014 4:31 AM EST
Isniin, September 15, 2014 (HOL) — Buug cusub oo ciwaan looga dhigay (XADKA RIDDADA MAXAA KA RUN AH) isla markaasna lagu soo koobay qoraalo ka hadlaayo xadka riddada, qeexitaana ku sameynaayo ayaa shalay lagu soo bandhigay magaalada Nairobi.

9/15/2014 4:14 AM EST
Isniin, September 15, 2014 (HOL) — Doonni sidday 250 tahriibayaal Afrikaan ah ayaa la sheegay in ay ku dagtay xeebaha Liibiya,taasi oo ku wajahnayd Talyaanniga, iyadoo in badan oo kamid ah dadkii doonida saarnaa ay badda ku nafwaayeen.

9/15/2014 3:45 AM EST
Isniin, September 15, 2014 (HOL) — Sheriff Rich Stanek oo ah madaxa ammaanka, bad-qabka iyo asluubta deegaanka Soomaalida ee Hennepin ee Magalaadda Minneapolis ayaa shalay taageero weydiistay jaaliyadda Soomaaliyeed ee Minnesota, isagoo ka codsaday inay u codeeyaan doorashada bisha November.

9/15/2014 3:44 AM EST
Isniin, September 15, 2014 (HOL) — Haweenka ku nool dalka Mareykan ayaa la sheegay inay billaabeen inay ku biiraan kooxda Islaamiga ah ee ISIS oo ka dagaalanta dalalka Ciraaq iyo Suuriya, kuwaasoo ay ku jiraan gabdho Soomaaliyeed oo Mareykanka ku nool.

9/15/2014 3:19 AM EST
Isniin, September 15, 2014 (HOL) — Shalay waxaan halkan kusoo gudbinnay warbixin ku saabsan haween Soomaaliyeed oo sidii ay kufsi ugu geysteen askar ka tirsan AMISOM ka sheekeeyay, haddaba maanta oo Isniin ah waxaan idiin soo gudbinaynaa qaybtii labaad ee isla sheekadan.

9/15/2014 2:50 AM EST
Isniin, September 15, 2014 (HOL) — Siyaasi Cabdidaahir Maxamed Yuusuf Yey oo kamid ahaa murashaxiintii ka qayb galay doorashadii madaxtinimada Puntland 2014, ayaa sheegay inay waajib tahay in qorshe cad laga yeesho soo celinta dhulka Puntland ka maqan iyo weliba daandaansiga joogtada ah ee Maamulka Somaliland uu wado, waa sida uu hadalka u dhigaye.