10/16/2019
Today from Hiiraan Online:  _
Wararka Maanta- Isniin, Sept 15, 2014
Buug ka Hadlaya XADKA RIDDADA oo Lagu soo Ban-dhigay Nairobi (SAWIRRO)



Isniin, September 15, 2014 (HOL) — Buug cusub oo ciwaan looga dhigay (XADKA RIDDADA MAXAA KA RUN AH) isla markaasna lagu soo koobay qoraalo ka hadlaayo xadka riddada, qeexitaana ku sameynaayo ayaa shalay lagu soo bandhigay magaalada Nairobi.

Buuggaas oo uu qoray Cabdisaciid Cabdi Ismaaciil oo ah dhaqaalo-yahan horay u qoray shan buug oo kale, ayaa wuxuu ku soo koobay mowduucyo ka hadlaayo; Qeexidda Riddada. Xumaha iyo taariikhda gaaleynta Muslimiinta, Dagaalladii Riddada - Xadka Riddada, Xukunka Ilmaha riddooba, Riddada iyo Siyaasaddeynta Diinta iyo waliba Cilmi baaris kale.

Qoraaga ayaa ka hadlay sababaha ku dhaliyay in xiligaan uu qoray buugga (Xadka Riddada) iyo sababaha ku dhaliyay asagoona su’aallo qaarkood Diini ah oga jawaabay dadkii ka qeyb galay xafladii lagu daah-furay Buuggaas.

“Muhiimada Buuggaan uu xambaarsan yahay waxey tahay in la fahmo mowduucyada ku qoran oo ay ka mid yihiin sida qof loo riddeyn karo ama uu diinta oga bixi karo, waxaana ognahay in dhibaatooyinka Somalia ka jirto ay ka mid yihiin in diinta lagu baneysto dhiiga dad muslimiin ah oo la yiraahdo wey riddoobeen,  marka arrimahaas ayaa igu dhaliyay inaan qoro buuggaan “ayuu yiri CabdiSaciid Cabdi Ismaaciil oo ah Qoraaga Buugga, sidoo kalana sheegay inuu aaminsan yahay buuggiisa uu ku soo beegmaayo xili aad loogu baahan yahay.

Buugga oo ka kooban 132 bog, ayaa waxaa ku jiro 14 mowduuc oo kala duwan, kuwaasoo uu qoraagu ku soo arruuriyay cilmi baaris uu sameeyay. Sidoo kale qoraaga ayaa buuggiisa ku faah-faahiyay,  waxey shareecada Islaamku ka qabto dadka riddooba iyo fasiraad uu ku sameyay erayga Riddo.

Cabdisaciid Cabdi Ismaaciil- Qoraaga Buugga cusub ee “Xadka Riddada” ayaa ah dhaqaalo yahan bartay cilmiga dhaqaalaha, wuxuu horay u qoray shan buug oo uu ka mid yahay buug uu qoray sanadkii 1996 oo ka hadlaayay hor dhaca dhaqaalaha Islaamka iyo buug kale oo ku saabsan Saboolnimada sida looga baxo oo uu qoray 2002.

Qoraaga oo mudo badan ku noolaa wadamada Khaliijka Carabta, ayaa wuxuu dhaqaalaha ku bartay Jaamacada Umul Qura ee Sacuudi Carabiya asagoona markii hore ka mid ahaa ardaydii Jaamacada Umada Soomaaliyeed.

Riddada oo inta badan qorayaasha Soomaaliyeed aynan buuggaag ka qorin, ayaa hadana waxaa jiro buuggaag Luuqada Carabiga lagu qoray oo oo ku saabsan Riddada. Waxaana ka mid buug uu qoray Sheekh Maxamed Qazaani Al Mucaazir oo u dhashay wadanka Masar- buugaas oo lagu magacaabo [Al Sunatu Abu-Nabawiyaha beyna Ahlul Fiqi wa Ahlul Al Anthaar].

Najah Mohamed Ali, Hiiraan Online
[email protected] | [email protected]   
Nairobi – Kenya










Click here
9/15/2014 2:12 PM EST
Isniin, September 15, 2014 (HOL) — Isu-tagga ururrada shaqaalaha Soomaaliyeed ayaa war-saxaafadeed ay soo saareen maanta ku sheegay inay aad uga xun yihiin waxyaabaha ka dhacday dekedda Muqdisho, taasoo xadgudub loogu geystay muwaadiiniinta Soomaaliyeed ee madax u ah xoogsatada dekedda Muqdisho.

9/15/2014 12:13 PM EST
Isniin, September 15, 2014 (HOL) — Madaxweynaha Soomaaliya, Xasan Sh. Maxamuud ayaa xarunta madaxtooyada kulan kula qaatay xalay qaar ka mid ah suxufiyiinta ka howl-gala Muqdisho iyo madaxdooda, waxaana kulankaan ka qayb-galay wasiirka warfaafinta, wasiirka garsoorka iyo xeer-ilaaliyaha guud ee dalka.

9/15/2014 11:55 AM EST
Isniin, September 15, 2014 (HOL) — Wasiirka Qorshaynta iyo Iskaashiga caalamiga ah ee Soomaaliya, Saciid Cabdullaahi Maxamed iyo wasiir ku xigeenka wasaaraddaas, C/llaahi Sh. Cali Qaloocow ayaa maanta kulan la qaatay isku-duwaha arrimaha bani’aadamnimada QM u qaabilsan Soomaaliya, Philippe Lazzarini.

9/15/2014 10:44 AM EST
Isniin, September 15, 2014 (HOL) — Xisbiyada mucaarad Somaliland ayaa sheegay inay xukuumadda la galayaan wadahadal ku saabsan sida laga yeelayo diiwaan-gelinta madaniga ah kaas oo ay ka soo qaybgali doonaan xisbiyadda mucaaradka, laba wasiir iyo xisbiga taladda haya ee KULMIYE.

9/15/2014 10:30 AM EST
Isniin, September 15, 2014 (HOL) — Banaanbax ay baabulkiisa lahaayeen dadweynaha ku nool Baydhabo ayaa maanta ka dhacay degmadaas, iyadoo ay sidoo kale xildhibaannno shir ku qabtay degmada Baydhabo ay dowladda Soomaaliya kaga dalbadeen inay joojiso shirka lagu qabanayo Kismaayo.

9/15/2014 9:30 AM EST
Isniin, September 15, 2014 (HOL) — Madaxweynaha Somalia, Xasan Sheekh Maxamuud oo ay wehlinayaan wasiirrada arrimaha gudaha iyo caafimaadka Soomaaliya ayaa maanta kormeeray dhismaha isbitaalka Digfeer ee Muqdisho oo lasoo gaba-gabeeyay dayactir iyo qalabeyn ay ku sameeyeen hay’adaha Turkiga ee dalka ku sugan.

9/15/2014 8:25 AM EST
Isniin, September 15, 2014 (HOL) — Soomaalida lagu dilay Koonfur Afrika ee sannadkan ayaa tiradooda lagu sheegay inay garayso 43-qof, kuwaasoo ay ku jiraan saddex Soomaali ah oo maanta lagu dilay duleedka magaalada Pretoria ee xarunta ah, iyadoo 26 ka mid ah dadkaas lagu dilay Cape-town iyo duleedyadeeda.

9/15/2014 7:38 AM EST
Isniin, September 15, 2014 (HOL) — Ra’iisul wasaaraha Soomaaliya, C/weli Sh. Axmed iyo wafdigii uu hoggaaminayay ee Baydhabo tagay ayaa intii aysan kusoo laaban Muqdisho, waxaay kulammo kala duwan lasoo qaateen, odayaasha dhaqanka, bulshada, saraakiisha ciidanka dowladda iyo AMISOM.

9/15/2014 5:55 AM EST
Isniin, September 15, 2014 (HOL) —Madaxweyne ku-xigeenka Puntland C/xakiim C/llaahi Cumar ayaa maanta tababarkan ka furay magaalada Garoowe loogu qabanayo saraakiisha ciidanka booliska ee Puntland.

9/15/2014 4:14 AM EST
Isniin, September 15, 2014 (HOL) — Doonni sidday 250 tahriibayaal Afrikaan ah ayaa la sheegay in ay ku dagtay xeebaha Liibiya,taasi oo ku wajahnayd Talyaanniga, iyadoo in badan oo kamid ah dadkii doonida saarnaa ay badda ku nafwaayeen.

9/15/2014 3:45 AM EST
Isniin, September 15, 2014 (HOL) — Sheriff Rich Stanek oo ah madaxa ammaanka, bad-qabka iyo asluubta deegaanka Soomaalida ee Hennepin ee Magalaadda Minneapolis ayaa shalay taageero weydiistay jaaliyadda Soomaaliyeed ee Minnesota, isagoo ka codsaday inay u codeeyaan doorashada bisha November.

9/15/2014 3:44 AM EST
Isniin, September 15, 2014 (HOL) — Haweenka ku nool dalka Mareykan ayaa la sheegay inay billaabeen inay ku biiraan kooxda Islaamiga ah ee ISIS oo ka dagaalanta dalalka Ciraaq iyo Suuriya, kuwaasoo ay ku jiraan gabdho Soomaaliyeed oo Mareykanka ku nool.

9/15/2014 3:19 AM EST
Isniin, September 15, 2014 (HOL) — Shalay waxaan halkan kusoo gudbinnay warbixin ku saabsan haween Soomaaliyeed oo sidii ay kufsi ugu geysteen askar ka tirsan AMISOM ka sheekeeyay, haddaba maanta oo Isniin ah waxaan idiin soo gudbinaynaa qaybtii labaad ee isla sheekadan.

9/15/2014 2:50 AM EST
Isniin, September 15, 2014 (HOL) — Siyaasi Cabdidaahir Maxamed Yuusuf Yey oo kamid ahaa murashaxiintii ka qayb galay doorashadii madaxtinimada Puntland 2014, ayaa sheegay inay waajib tahay in qorshe cad laga yeesho soo celinta dhulka Puntland ka maqan iyo weliba daandaansiga joogtada ah ee Maamulka Somaliland uu wado, waa sida uu hadalka u dhigaye.