3/28/2024
Today from Hiiraan Online:  _
Wararka Maanta- Khamiis, Sept 11, 2014
Dhallinyarada Degmooyinka Gobolka Banaadir oo Dood-Cilmiyeed loo Qabtay


Khamiis, September 11, 2014 (HOL) — Dood-cilmiyeed ay CCD soo qaban-qaabisay ayaa maanta lagu qabtay Muqdisho, kaasoo dhalinyaro ka socday 17-ka degmo ee Muqdisho ay ka qayb-galeen.

Dood-cilmiyeedka ayaa diiradda lagu saaray sidii dhallinyarada u dagaalanta Al-shabaab looga soo saari lahaa, isla markaana uga faa'ideysan lahaayeen cafiska dowladdu u fidisay ee 45-cisho ah.

Agaasimaha xiriirka bulshada ee gobolka Banaadir, C/casiis Goodax Barre oo furay doodda ayaa sheegay in looga hadlayo danta dhalinyarada Soomaaliya iyo mustaqbalkooda, wuxuuna intaas ku daray in doodda ay qayb ka tahay sidii ay uga soo bixi lahaayeen ka mid ahaanshah Al-shabaab.

"Qaabab badan ayaa looga soo saari karaa dhallinyarada wali ku jira kooxda Al-shabaab ayaa socda, waxaana lagu soo gacan-geli karaa in wacyi-gelinno ku aaddan inay jidkaas kasoo noqdaan," ayuu yiri C/casiis Goodax.

Isagoo sii hadlaya ayuu mar kale yiri. "Boqolaalka arday ee maanta doodda ka qayb-galaya meeqa saaxib ayay leeyihiin, waxaa la rabaa inay fariintaas gaarsiiyaan, wanaaga xornimada leedahayna ay u sharraxaan ayna kooxda Al-shabaab kasoo baxaan."

Gudoomiyaha ururka dhallinyarada gobolka Banaadir, Cabdikaafi Maxamuud Makaraan oo isna hadlay ayaa sheegay in magacii dhallinyarada la lumiyay loona baahan yahay in lasoo celiyo, isla markaana muuqaalka xun meesha laga saaro.

"Magacii dhallinyarada ee lumay waa in lasoo celiyo, maanta waxay joogtaa in dhallinyarada laga cabsado, intaas la suuliya la rabaa oo la qiro doorka dhallinyarada ay leeyihiin, Soomaaliya barsimaadkii waxaa loo yiqiin libaax-yada Afrika, magacaas dhallinyarada maanta laga rabaa inay soo celiyaan," ayuu yiri Makaraan.

Sidoo kale, wuxuu ugu baaqay dhallinyarada inay dowladda garab siiyaan, lana shaqeeyaan, isagoo kuwa Al-shabaab ku jirana ugu baaqay inay dib u soo noqdaan, iyagoo heli doona daryeel, caafimaad, amni iyo waxbarasho.

Ugu dambeyn, dhallinyaradii ka socotay 17-ka degmo ee gobolka Banaadir ayaa is weydaarsaday fikrado iyo talooyin ku saabsanaa in la joogteeyo kulammada noocan oo kale ah, si dhallinyarada aqoon kororsi badan ugu hesho, loogana hortago in dhallinyarada la marin habaabiyo.

Maxamed X. Xuseen, Hiiraan Online
[email protected]
Muqdisho, Soomaaliya













Click here
9/11/2014 4:19 PM EST
Khamiis, September 11, 2014 (HOL) — Sanad walba waxaa ardayda cusub ee Jaamacadda Muqdisho kusoo biiraya loo qabtaa todobaadka dhaqanka si ardayda isku bartaan una soo bandhigaan hal-abuurkooda, laguna siiyo casharo ku saabsan shuruucda Jaamacadda oo ay ku dhaqami doonaan inta ay wax ka baranayaan jaamacadda Muqdisho.

9/11/2014 3:58 PM EST
Khamiis, September 11, 2014 (HOL) — Madaxweynaha Somalia Xasan Shiikh Maxamuud ayaa caawa si rasmi ah ugu dhawaaqay inuu yahay murashax u taagan xilka madaxnimo ee Soomaaliya marka la gaaro 2016-ka.

9/11/2014 2:24 PM EST
Khamiis, Sebtember 11, 2014 (HOL) :- Gudiga dib u heshiisiinta Jubooyinka oo maalmihii u danbeeyay waday kulamo gooni gooni ah oo ay la yeelanayeen qeybaha kala duwan ee bulshada ku dhaqan deegaanada Jubbaland ayaa maanta soo gabagabeeyay howshii xulista ergada ka qeybgeli doonta shirweeynaha dib u heshiisiinta Jubooyinka.

9/11/2014 11:07 AM EST
Khamiis, September 11, 2014 (HOL) —Golaha Wasiirada Puntland ayaa maanta kusoo qaaday shirkoodii todobaadlaha ahaa arrimo ay kamid yihiin ammaanka deegaanada Puntland, xaaladda abaaraha iyo weliba dib u habaynta ciidamada nabadgelyada wadooyinka.

9/11/2014 10:14 AM EST
Khamiis, September 11, 2014 (HOL) — Xisbiyadda mucaaradka ayaa maanta sheegay in ay qaadaceen diiwaangelinta madaniga ee xukuumaddu qabanaysay.

9/11/2014 10:11 AM EST
Khamiis, September 11, 2014 (HOL) — Danjiraha Soomaaliya u fadhiya Kenya, Maxamed Cali Nuur Ameeriko ayaa sheegay inuu cafisyay nin 22-sano ka hor Muqdisho ku dilay gabar uu dhalay.

9/11/2014 8:25 AM EST
Khamiis, September 11, 2014 (HOL) — Guddoomiyaha baarlamaanka Somalia, Maxamed Sheekh Cismaan Jawaari ayaa maanta ka hadlay shir ka dhacay magaalada, isagoo sheegey in la sameynayo shir dib u heshiisiin ah, kaasoo dhici doono 14-ka bishaan, isagoo si aad ah uga hadlay sidii la isugu keeni lahaa dhammaan dhinacyada isaga soo horjeeda maamul u sameynta gobollada Koonfur-galbeed.

9/11/2014 7:52 AM EST
Khamiis, September 11, 2014 (HOL) — Boqolaal ka tirsan xoogsatada dekadda Muqdisho xubinna ka ah isu-tagga urur-weynaha shaqaalaha Soomaaliyeed ayaa isugu soo baxay bannaanbax ka xoogsatada dekadda Muqdisho, kuwaasoo watay boorar ay ku xardhan yihiin hal-ku-dhigyo ay ka mid yihiin waa shaqeysanaaye yaan shaqo la’ aan nala dhigin.

9/11/2014 7:36 AM EST
Khamiis, September 11, 2014 (HOL) — Maamulka degmada Jalalaqsi ee gobolka Hiiraan oo ka mid ah deegaannadii dhawaan laga saaray Al-shabaab ayaa sheegay in xaalad nolaleed uu aad u liidata soo food saartay dadka ku dhaqan degmada oo mudo dheer aan wax gargaar ah halin.

9/11/2014 4:21 AM EST
Khamiis, September 11, 2014 (HOL) — Madaxweynaha Mareykanka, Barack Obama ayaa sheegay inuu cagta marin doono kooxda islaamiyiinta ah ee ISIS, isagoo xusay inaysan Mareykanka qorshaha ugu jhirin inuu ciidammo lugta ah geeyo dalka Ciraaq.

9/11/2014 3:55 AM EST
Khamiis, September 11, 2014 (HOL) — Degmada Buulo Burte ee gobolka Hiiraan ayaa waxaa ka dhacay bannaanbixii ugu horreeyay loo looga soo horjeedo Al-shabaab, kasoo ay ka qaybgaleen dadweynaha degmadaas ku nool, saraakiisha ciidamada iyo ardayda wax ka barata dugsiyada.