3/28/2024
Today from Hiiraan Online:  _
Wararka Maanta- Khamiis, Sept 11, 2014
BARACK OBAMA: Waxaan naga go’an burburinta kooxda Islaamiga ah ee ISIS

Khamiis, September 11, 2014 (HOL) — Madaxweynaha Mareykanka, Barack Obama ayaa sheegay inuu cagta marin doono kooxda islaamiyiinta ah ee ISIS, isagoo xusay inaysan Mareykanka qorshaha ugu jhirin inuu ciidammo lugta ah geeyo dalka Ciraaq.

Hadal la sugayay oo uu xalay jeediyay ayuu kaga hadlay qorshahooda ku aaddan sidii looga hortagi lahaa kooxda ISIS, isagoo ka dhawaajiyay in Mareykanka hogaaminayo isbaheysi la dagaalama kooxdaas.

“Haddii aad Mareykanka khatar ku tahay, meelna kuma nabadgeli doontid, waa bur-burineynaa ISIS, waxaa bartilmaameedsanayaa goobaha saldhiga u ah, annagoo adeegsanaya diyaarado aan duuliye lahayn,” ayuu yiri Obama oo xusay inaanu xilligan ciidan dhulka u direyn dalka Ciraaq.

Kooxda Islaamiga ah ee ISIS ayaa ka dagaalanta dalalka Ciraaq iyo Suuriya iyagoo dhawaan gowraacay laba wariye oo u dhashay dalka Mareykanka, taas oo ay ku sheegeen inay tahay aargudasho ay Mareykanka uga aar-gudanayaan duqeymaha uu ka geysanayo dalka Ciraaq.

Obama ayaa sheegay in dowladda Ciraaq uu ka taageerayo dagaalka ka dhanka ah dowladda Islaamiga ee Ciraaq iyo Suuriya oo tilmaamay in si ka duwan sidii hore ay ula dagaalamayaan wuxuu ugu yeeray argagixisada.

Sidoo kale, madaxweynaha Mareykanka wuxuu sheegay qorsho cusub oo lagu naafeynayo kooxaha islaamiyiinta ah ugu dambeyna ay burburinayaan, isagoo tilmaamay inay diyaar u yihiin inay tallaabo milateri oo dhan kasta ah ka qaadaan kooxda.

Hadalka Obama ayaa imaanaya iyadoo Mareykanka uu raadinayo taageero uu ka helo dalalka gobolka iyo caalamka intiisa kale, si loo qaado dagaal ka dhan ah Kooxda islaamiga ah ee ISIS.

Maxamed X. Xuseen, Hiiraan Online
[email protected]
Muqdisho, Soomaaliya













Click here
9/11/2014 4:19 PM EST
Khamiis, September 11, 2014 (HOL) — Sanad walba waxaa ardayda cusub ee Jaamacadda Muqdisho kusoo biiraya loo qabtaa todobaadka dhaqanka si ardayda isku bartaan una soo bandhigaan hal-abuurkooda, laguna siiyo casharo ku saabsan shuruucda Jaamacadda oo ay ku dhaqami doonaan inta ay wax ka baranayaan jaamacadda Muqdisho.

9/11/2014 3:58 PM EST
Khamiis, September 11, 2014 (HOL) — Madaxweynaha Somalia Xasan Shiikh Maxamuud ayaa caawa si rasmi ah ugu dhawaaqay inuu yahay murashax u taagan xilka madaxnimo ee Soomaaliya marka la gaaro 2016-ka.

9/11/2014 2:24 PM EST
Khamiis, Sebtember 11, 2014 (HOL) :- Gudiga dib u heshiisiinta Jubooyinka oo maalmihii u danbeeyay waday kulamo gooni gooni ah oo ay la yeelanayeen qeybaha kala duwan ee bulshada ku dhaqan deegaanada Jubbaland ayaa maanta soo gabagabeeyay howshii xulista ergada ka qeybgeli doonta shirweeynaha dib u heshiisiinta Jubooyinka.

9/11/2014 11:07 AM EST
Khamiis, September 11, 2014 (HOL) —Golaha Wasiirada Puntland ayaa maanta kusoo qaaday shirkoodii todobaadlaha ahaa arrimo ay kamid yihiin ammaanka deegaanada Puntland, xaaladda abaaraha iyo weliba dib u habaynta ciidamada nabadgelyada wadooyinka.

9/11/2014 10:14 AM EST
Khamiis, September 11, 2014 (HOL) — Xisbiyadda mucaaradka ayaa maanta sheegay in ay qaadaceen diiwaangelinta madaniga ee xukuumaddu qabanaysay.

9/11/2014 10:11 AM EST
Khamiis, September 11, 2014 (HOL) — Danjiraha Soomaaliya u fadhiya Kenya, Maxamed Cali Nuur Ameeriko ayaa sheegay inuu cafisyay nin 22-sano ka hor Muqdisho ku dilay gabar uu dhalay.

9/11/2014 8:25 AM EST
Khamiis, September 11, 2014 (HOL) — Guddoomiyaha baarlamaanka Somalia, Maxamed Sheekh Cismaan Jawaari ayaa maanta ka hadlay shir ka dhacay magaalada, isagoo sheegey in la sameynayo shir dib u heshiisiin ah, kaasoo dhici doono 14-ka bishaan, isagoo si aad ah uga hadlay sidii la isugu keeni lahaa dhammaan dhinacyada isaga soo horjeeda maamul u sameynta gobollada Koonfur-galbeed.

9/11/2014 8:12 AM EST
Khamiis, September 11, 2014 (HOL) — Dood-cilmiyeed ay CCD soo qaban-qaabisay ayaa maanta lagu qabtay Muqdisho, kaasoo dhalinyaro ka socday 17-ka degmo ee Muqdisho ay ka qayb-galeen.

9/11/2014 7:52 AM EST
Khamiis, September 11, 2014 (HOL) — Boqolaal ka tirsan xoogsatada dekadda Muqdisho xubinna ka ah isu-tagga urur-weynaha shaqaalaha Soomaaliyeed ayaa isugu soo baxay bannaanbax ka xoogsatada dekadda Muqdisho, kuwaasoo watay boorar ay ku xardhan yihiin hal-ku-dhigyo ay ka mid yihiin waa shaqeysanaaye yaan shaqo la’ aan nala dhigin.

9/11/2014 7:36 AM EST
Khamiis, September 11, 2014 (HOL) — Maamulka degmada Jalalaqsi ee gobolka Hiiraan oo ka mid ah deegaannadii dhawaan laga saaray Al-shabaab ayaa sheegay in xaalad nolaleed uu aad u liidata soo food saartay dadka ku dhaqan degmada oo mudo dheer aan wax gargaar ah halin.

9/11/2014 3:55 AM EST
Khamiis, September 11, 2014 (HOL) — Degmada Buulo Burte ee gobolka Hiiraan ayaa waxaa ka dhacay bannaanbixii ugu horreeyay loo looga soo horjeedo Al-shabaab, kasoo ay ka qaybgaleen dadweynaha degmadaas ku nool, saraakiisha ciidamada iyo ardayda wax ka barata dugsiyada.