3/29/2024
Today from Hiiraan Online:  _
Wararka Maanta- Khamiis, Sept 11, 2014
Dibadbaxii ugu horeeyay ee ka dhan ah Al-shabaab oo ka dhacay Buulo-burte


Khamiis, September 11, 2014 (HOL) — Degmada Buulo Burte ee gobolka Hiiraan ayaa waxaa ka dhacay bannaanbixii ugu horreeyay loo looga soo horjeedo Al-shabaab, kasoo ay ka qaybgaleen dadweynaha degmadaas ku nool, saraakiisha ciidamada iyo ardayda wax ka barata dugsiyada.

Guddoomiyaha degmada Buulo-burte, C/Casiis Duurow oo dadweynihii ka qaybgalay dibadbaxaas u jeediyay khudbad ayaa sheegay in maamulkiisu dadaal ugu jiro nabad ka dhacda guud ahaan degmada Buulo-burte, isagoo xusay inay hub u qaybiyeen dadka reer miyiga ah si ay ula dagaalamaan Al-Shabaab oo uu ku sheegay koox nabad-diid ah.

"Haddii uu magaalada soo galo qof ka tirsan Al-Shabaab shacabka ayaa noo soo sheega, markaas kaddibna ciidamada amniga ayaa gacanta ku dhiga," ayuu yiri Duurow oo sheegay inay gacanta ku dhigeen in ka badan 10-qof oo ka tirsan Al-shabaab tan iyo markii degmadaasi gacanta u gashay ciidamada huwanta ah.

Taliyaha ciidamada AMISOM ee Jabuuti, Col. Cusmaan Dubbad oo ka mid ahaa saraakiishii halkaas ka hadlay ayaa sheegay in dibadbaxan maanta ka dhacaya degmada Buulo-burte uu yahay mid ay dadweynaha degmadaas ku muujinayeen nacaybka ay u qaadeen Al-shabaab.

"Waxaan uga mahad-celinayaa maamulka gobolka Hiiraan iyo hay'adda CCD oo fursad u siiyay dadka degmada Buulo-burte inay muujiyaan sida ay uga soo horjeedaan Al-shabaab oo dhibaatooyin badan ku haysay, wuxuuna ka ballanqaaday goobta inaysan ka tegi doonin inta goblka Hiiraan ay guud ahaantiis ay ka dhigaan meel aanay ku dhuuman karin kooxa xagjirka ah ee Al-shabaab,” ayuu yiri Dubad.

Guddoomiyaha gobolka Hiiraan, C/fataax Xasan Afrax oo isna ka mid ahaa madaxdii khudbadaha u jeediyay dadweynaha Buulo-burte ayaa wax lagu farxo iyo taariikh baal dahab ah galeysa ku tilmaamay in dadweynaha degmada ay ka bannaanbaxaan sameeyaan si ay u muujiyaan inay u geysatay Al-shabaab dhibaatooyin badan, wuxuuna xusay in markii ay baaritaanno ku sameeyeen rag ka tirsan Al-shabaab ay ogaadeen inay ku shaqeeyaan daroogo.

"Markii aan baaritaanno ku sameynay kuwa u dagaalama argagixisada arxan-laawayaasha ah waxaan ogaanay inay ku shaqeeyaan daroogo," ayuu yiri Afrax oo sheegay dhinaca kale in Al-shabaab waxay wadaan aanay diin ahayn, balse ay tahay argagix loona soo diray shacabka Soomaaliyeed, iyagana ay ka go’an tahay inay la dagaalamaan.

Taliyaha saldhigga booliiska Balaadweyne, Cali-dhuux Mahad-Alle oo isna ka hadlay dibadbaxa Buulo-burte ka dhacay ayaa sheegay in tallaabadani ay tahay mid ay dadka degmada ugu dabaal-dagayaan neecaawda xornimo ee ay heleen, kaddib sanooyin gumeysi ay ku haysatay Al-shabaab.

"Waxaan dhiiggeenna ku bixinay sidii ay dadka gobolka Hiiraan ay ku heli lahaayeen xornimo iyo in laga dulqaado heeryada kooxda cadowga ah ee Al-shabaab," ayuu yiri taliye Cali-dhuux.

Dhinaca kale dadweynaha degmada Buulo-burte ayaa sitay boorar ay ku qornaayeen erayo ay ka mid ahaayeen; "Shabaab waa cadowga nabadda. Waxaan doonaynaa nabad ma doonayno dagaal" iyo kuwo kale.

Maxamed X. Xuseen, Hiiraan Online
[email protected]
Muqdisho, Soomaaliya













Click here
9/11/2014 4:19 PM EST
Khamiis, September 11, 2014 (HOL) — Sanad walba waxaa ardayda cusub ee Jaamacadda Muqdisho kusoo biiraya loo qabtaa todobaadka dhaqanka si ardayda isku bartaan una soo bandhigaan hal-abuurkooda, laguna siiyo casharo ku saabsan shuruucda Jaamacadda oo ay ku dhaqami doonaan inta ay wax ka baranayaan jaamacadda Muqdisho.

9/11/2014 3:58 PM EST
Khamiis, September 11, 2014 (HOL) — Madaxweynaha Somalia Xasan Shiikh Maxamuud ayaa caawa si rasmi ah ugu dhawaaqay inuu yahay murashax u taagan xilka madaxnimo ee Soomaaliya marka la gaaro 2016-ka.

9/11/2014 2:24 PM EST
Khamiis, Sebtember 11, 2014 (HOL) :- Gudiga dib u heshiisiinta Jubooyinka oo maalmihii u danbeeyay waday kulamo gooni gooni ah oo ay la yeelanayeen qeybaha kala duwan ee bulshada ku dhaqan deegaanada Jubbaland ayaa maanta soo gabagabeeyay howshii xulista ergada ka qeybgeli doonta shirweeynaha dib u heshiisiinta Jubooyinka.

9/11/2014 11:07 AM EST
Khamiis, September 11, 2014 (HOL) —Golaha Wasiirada Puntland ayaa maanta kusoo qaaday shirkoodii todobaadlaha ahaa arrimo ay kamid yihiin ammaanka deegaanada Puntland, xaaladda abaaraha iyo weliba dib u habaynta ciidamada nabadgelyada wadooyinka.

9/11/2014 10:14 AM EST
Khamiis, September 11, 2014 (HOL) — Xisbiyadda mucaaradka ayaa maanta sheegay in ay qaadaceen diiwaangelinta madaniga ee xukuumaddu qabanaysay.

9/11/2014 10:11 AM EST
Khamiis, September 11, 2014 (HOL) — Danjiraha Soomaaliya u fadhiya Kenya, Maxamed Cali Nuur Ameeriko ayaa sheegay inuu cafisyay nin 22-sano ka hor Muqdisho ku dilay gabar uu dhalay.

9/11/2014 8:25 AM EST
Khamiis, September 11, 2014 (HOL) — Guddoomiyaha baarlamaanka Somalia, Maxamed Sheekh Cismaan Jawaari ayaa maanta ka hadlay shir ka dhacay magaalada, isagoo sheegey in la sameynayo shir dib u heshiisiin ah, kaasoo dhici doono 14-ka bishaan, isagoo si aad ah uga hadlay sidii la isugu keeni lahaa dhammaan dhinacyada isaga soo horjeeda maamul u sameynta gobollada Koonfur-galbeed.

9/11/2014 8:12 AM EST
Khamiis, September 11, 2014 (HOL) — Dood-cilmiyeed ay CCD soo qaban-qaabisay ayaa maanta lagu qabtay Muqdisho, kaasoo dhalinyaro ka socday 17-ka degmo ee Muqdisho ay ka qayb-galeen.

9/11/2014 7:52 AM EST
Khamiis, September 11, 2014 (HOL) — Boqolaal ka tirsan xoogsatada dekadda Muqdisho xubinna ka ah isu-tagga urur-weynaha shaqaalaha Soomaaliyeed ayaa isugu soo baxay bannaanbax ka xoogsatada dekadda Muqdisho, kuwaasoo watay boorar ay ku xardhan yihiin hal-ku-dhigyo ay ka mid yihiin waa shaqeysanaaye yaan shaqo la’ aan nala dhigin.

9/11/2014 7:36 AM EST
Khamiis, September 11, 2014 (HOL) — Maamulka degmada Jalalaqsi ee gobolka Hiiraan oo ka mid ah deegaannadii dhawaan laga saaray Al-shabaab ayaa sheegay in xaalad nolaleed uu aad u liidata soo food saartay dadka ku dhaqan degmada oo mudo dheer aan wax gargaar ah halin.

9/11/2014 4:21 AM EST
Khamiis, September 11, 2014 (HOL) — Madaxweynaha Mareykanka, Barack Obama ayaa sheegay inuu cagta marin doono kooxda islaamiyiinta ah ee ISIS, isagoo xusay inaysan Mareykanka qorshaha ugu jhirin inuu ciidammo lugta ah geeyo dalka Ciraaq.