11/30/2021
Today from Hiiraan Online:  _
Wararka Maanta- Isniin, Oct 8 , 2014
Xujey Soomaaliyeed oo ku Geeriyooday Xajkii Sannadkan 2014-ka (SAWIRRO)


Arbaco, Oktoobar 08, 2014 (HOL) — Ugu yaraan saddex xaaji oo Somali ah ayaa siyaabo ala duwan ugu dhintay intii lagu jiray gudashasa Xajka ee sannadkan, iyadoo Sucuudigu ay sheegtay in khasaaraha ka dhalan jiray xajka uu aad uga yar yahay sannadihii hore.

Xukuumadda Saudi Arabia ayaa sheegtay in xajka ay kasoo qaybgaleen tiro ka badan laba milyan oo muslimiin ah, ayna xil weyn iska saartay sidii loo yareyn lahaa khasaarooyinka ka dhasha ciriiriga dawaafka Kacbada iyo sidoo kale dhagax-tuurka, iyadoo ay xujeyda hagayeen ciidammo gaar ah Xajka loo diyaariyay.

Sanadkan waxaa qayb weyn ka qaatay yareynta ciriiriga iyo safarada loo kala aado Carafa, Mina iyo Xaramka tareen dadka u daad-gureeya si ay cibaadadooda u soo gutaan, kaasoo aan horay u jirin.

Dalka Soomaaliya waxaa sannadkaan ka xajiyay in ka badan 7,000 oo qof oo ka kala yimid dhammaan 18-ka gobo lee Somalia ay ka kooban tahay, iyagoo howl-wadeennada xujeyda ay sheegeen in sadex xujey Soomaaliyeed ah ay siyaabo kala duwan ugu dhinteen Makkah intii xajku socday.

Sidoo kale, waxay xuseen inay xujey kale ay dhaawacyo iyo jabniin ay kasoo gaareen is-buurashadii iyo ciriirigii dhagax-tuurka, dawaafka Kabcada iyo jidka dheer ee u dhaxeeya Carafo iyo Mina.

Waajibka Xajku waa cibaado u baahan in qofka muslimka ah ee awood uu soo guto hal mar inta uu nool yahay, iyadoo qofka xajinaya uu masaafo dheer soconayo, uuna goobaha qaarkood kala kulmo ciriiri is-buurasho, iyadoo inta ugu badan ay dadka waayeelka ah dibaato la kulmaan.

Danka kale, sanadkaan cabsi laga qabay in cudurro ka dilaacaan Mina iyo Mus-dalifa oo la dagaannaado shan maalmood ah ayaan dhicin, balse waxaa jirtay dadka qaarkood uu ku dhacay hargab. Iyadoo in ka badan 150 Xujey ah ay wada-dagaan hal teendho inta la joogo Mina iyo Musdalifa.

Talaadadii shalay ayuu soo dhamaaday Xajka, iyadoo muslimiintii sannadkan soo xajisay ay billaabeen inay inay u kala safraan dalalkii ay ka yimaadeen iyagoo xujey ah. Waxaana dadkii sannadkan 2014-ka xajinayay ka mid ahaa madaxweynaha Soomaaliya, Xasan Sheekh Maxamuud iyo xubno dowladda ka tirsan.

Maxamed X. Xuseen, Hiiraan Online
[email protected]
Muqdisho, Soomaaliya













Click here
10/8/2014 12:16 PM EST
Arbaco, Oktoobar 08, 2014 (HOL) — Urur goboleedka Bariga Afrika ee IGAD ayaa wey-diistay maxkamadda dambiyada caalamiga ah ee ICC inay dib u dhigto maxkamadeynta madaxweynaha Kenya, Uhuru Kenyatta.

10/8/2014 12:08 PM EST
Arbaco, Oktoobar 08, 2014 (HOL) :- Madaxweeynaha maamulka Jubba Axmed Max’ed Islaam (Axmed Madoobe) ayaa maanta tababar usoo xiray askar gaareeysa ilaa 450 askari, kuwaasoo mudooyinkii ugu danbeeyay uu tababar ciidan uga socday deegaanka Qandal oo qiyaastii 20 km dhanka Koonfur galbeed kaga began magaalada Kismaayo.

10/8/2014 11:52 AM EST
Arbaco, Oktoobar 08, 2014 (HOL) — War-murtiyeed ay kasoo saareen shir ay guddoonka guud ee dalladda ururrada Puntland (DUPF) ee Finland ku yeesheen Sabtidii lasoo dhaafay xaruntooda Korppaanmäentie oo ku taalla Helsinki ayay ku dhaliileen habkii ay u qornayd wareegto xafiiska madaxweynaha Puntland kasoo baxday, taasoo lagu magacaabay wakiilka Puntland ee Finland.

10/8/2014 10:42 AM EST
Arbaco, Oktoobar 08, 2014 (HOL) — Madaxweynaha dalka Kenya, Uhuru Kenyatta ayaa noqonaya madaxweynihii ugu horreeyay oo hortaga maxkamadda ICC si uu u dhagysato dacwadaha dambiyo dhinaca bani’aadamnimada ah oo loo haysto.

10/8/2014 8:13 AM EST
Arbaco, Oktoobar 08, 2014 (HOL) —Madaxweynaha Puntland ayaa 12 agaasime usoo magacaabay 12 kamid ah wasaaradaha uu Maamulka Puntland ka kooban yahay.

10/8/2014 8:04 AM EST
Arbaco, Oktoobar 08, 2014 (HOL) — Guddoomiyaha golaha wakiilada ahna gudoomiyaha xisbiga mucaaradka ah ee WADANI Md:C/raxmaan Maxamed C/laahi Cirro ayaa sharci daro ku tilmaamay sababta madaxweynuhu dib ugu soo celiyey xubintii xisbigooddu soo xuley ee ka mid noqonaysay guddida doorashooyinka Qaranka.

10/8/2014 7:32 AM EST
Arbaco, Oktoobar 08, 2014 (HOL) — Madaxweynaha Somaliland, Axmed Maxamed Siilaanyo, ayaa maanta xafiiskiisa ku qaabilay Ergeyga Midawga Yurub u qaabilsan Soomaaliya Ambassador Michele Cervone d'Urso oo uu wehelinaayey Ambassador Ingiiriiska u qaabilsan Soomaaliya Mr. Neil Wigan.

10/8/2014 7:27 AM EST
Arbaco, Oktoobar 08, 2014 (HOL) — Axaddii lasoo dhaafay ayay ciidamada dowladda iyo kuwa AMISOM la wareegeen degmada Baraawe ee gobolka Shabeellada Hoose, halkaasoo saldhig weyn u ahayd Al-shabaab.

10/8/2014 5:51 AM EST
Arbaco, Oktoobar 08, 2014 (HOL) — Wafdi heer sare ah kana socday safaarada Ingiriiska ee Soomaaliya oo soo gaaray Garowe ayaa la shiray madaxweynaha Puntland Cabdi wali Maxamed Cali Gaas,iyadoo labada dhinac ay ka wada hadleen arimo muhiim ah sida lagu sheegay war ka soo baxay madaxtooyada.

10/8/2014 3:17 AM EST
Arbaco, Oktoobar 08, 2014 (HOL) — Iyadoo xukuumadda Somalia ay horay u sheegtay in la yareynayo safaaradaha ay Somalia ku leedahay dalalka dibadda qaarkood, ayuu wasiirka arrimaha dibadda Somalia, Cabdiraxmaaan Ducaale Bayle uu maanta ka dhawaajiyay in la xiray safaarado dhowr ah oo ay ku lahayd Somalia dalalka caalamka qaarkood.

10/8/2014 3:01 AM EST
Arbaco, Oktoobar 08, 2014 (HOL) — Ra’iisul waasaraha Somalia, C/weli Sheekh Axmed ayaa ugu baaqay dalalka dariska la ah Somalia inay amniga dalalkooda xoojiyaan, isagoo sheegay inay ka digtoonaadaan in Al-shabaab ay gudaha dhibaato ka geysato.

10/8/2014 2:32 AM EST
Arbaco, Oktoobar 08, 2014 (HOL) :- Hay’adda Somali relief Network of North America ayaa magaalada Kismaayo hilbo ugu qeeybisay dad gaaraya ilaa 750 qof oo curyaamiin ah, kuwaasoo ay aad u adkeyd xaaladooda dhinaca nolosha.