3/29/2024
Today from Hiiraan Online:  _
Wararka Maanta- Arbaco, Oct 8 , 2014
Kenyatta oo Maanta hortagay Maxkamadda dambiyada Caalamka (SAWIRRO)


Arbaco, Oktoobar 08, 2014 (HOL) — Madaxweynaha dalka Kenya, Uhuru Kenyatta ayaa noqonaya madaxweynihii ugu horreeyay oo hortaga maxkamadda ICC si uu u dhagysato dacwadaha dambiyo dhinaca bani’aadamnimada ah oo loo haysto.

Kenyatta ayaa intii uusan ka duulin Kenya, wuxuu xilka madaxweynimo uu ku wareejiyay ku xigeenkiisa, William Ruto oo xilka loo dhaariyay, isagoo ku sheegay xil-wareejintiisa KMG ah inay timid kaddib markii uu go’aansaday inuusan maxkamadda ICC hortegin isagoo matalaya shacabka Kenya.

Dacwada loo haysto Kenyatta ayaa ah shan dacwadood oo la xiriira gacantii uu ku lahaa rabshado dalkaas ka dhacay sannadihii 2007 iyo 2008, xilligaas oo lagu murmay doorashooyinkii madaxweynenimada ee dalkaas ka dhacay.

Bannaanka dhismaha maxkamadda ICC ee Hague ayaa waxaa soo buuxiyay dadweyne Kenyan ah oo aad u fara badan oo taageeraya Kenyatta, kuwaas oo ku dhawaaqayay erayo ay ka mid ahaayeen; ‘Waxaa la joogaa xilligii ay shacabka Kenya u midoobi lahaayeen sidii ay u baari lahaayeen halka uu dalku marayo iyo halka uu madaxweynihii dalku joogo.

Madaxweynaha Kenya oo la hadlayay taageerayaashiisa ayaa u sheegay in shacabka Kenya ay yihiin kuwa go’aan ka gaari kara jihada uu dalkoodu u soconayo. Isagoo dadweynihii halkaas ku sugnaa u sheegay inuu halkan u yimid inuu dhageysto dacwooyinka loo haysto uuna dalkii dib ugu laabanayo kana shaqeyn doono horumarintiisa.

Haweeneyda dacwad-oogaha ka ah maxkamadda ICC, Fatou Bensounda ayaa sheegay in sagaal qof ay ka marag-kaceen inuu xiriir la leeyahay koox lagu magacaabo Mungiki, sidoo kalena uu ku lug lahaa rabshadihii ka dhacay magaalada Naivasha kaddib doorashadii sannadkii 2007-kii illaa 2008-kii.

“Xaqiiqo kasta oo ku saabsan dacwada oo lagu sheego taleefoon weli waa mid furan. Haddiise xukuumadda Kenya ay si dhab ah noola shaqeyn lahayd waa la heli karay wax walba oo dukumiinti ah,”ayay tiri Bensouda.

Sidoo kale, haweeneydan ayaa ugu baaqday maxkamadda inay ka hadasho wada-shaqeyn la’aanta dowladda Kenya iyo maxkamadda, isla markaana la hubiyaan inaan la tuurin dukumiintiyada la xiriira dacwadahan.

Qareenka u doodaya dhibbanayaasha, Fargal Gaynor ayaa dowladda Kenya ku eedeeyay inay qaateen go’aan ay ku doonayaan inay dacwadaha Uhuru Kenytta iyo William Ruto ku baabi’iyaan. Isagoo dalbaday in dacawaddan loo haysto Kenyatta cadaalad dhab ah la mariyo.

“Haddii dacwaddan la joojiyo, taasi waxay ku qasbaysaa dadkii dhibaatada loo geystay inay bixiyaan dhaqaale walba si ay cadaaladda u hortagaan,” ayuu hadalkiisa ku daray Gaynor oo isweydiiyay su’aal ahayd. “Dadkii uu dhibku gaaray waxay xaq u leeyihiin in markhaatiga ay yimaadaan iyagoo aan wax baqdin ah qabin. Waxaase isweydiin leh waa maxay sababta loo cabsi-gelinayo?’.”

Gaynor ayaa ku dooday in kiiska taleefoon oo keliya lagu xalliyo inaysan ka dhigayn mid cadaalad ah, isagoo xusay in dukumiintiyada ay dacwaddan u yihiin halbowle, isagoo sheegay in lambarro la siin karo dad gaar ah si ay u beeniyaan eedeymaha.

Dhanka kale, qareenka difaacaya Kenyatta, Steven Kay ayaa isna sheegay inaysan jirin cid lambar la siiyay, taasina ay tahay mid meel ka dhac ah oo aan dhab ahayn.

“Innagu waan ogol nahay in markhaatiyaashu ay yimaadaan si ay u furaan markhaatigooda mana jirto cid aan u diidayno,” ayuu hadalkiisa ku daray qareenka difaacaya Kenyatta.

Si kastaba ha ahaatee, madaxweyne Uhuru ayaa noqonaya madaxweynihii ugu horreeyay caalamka oo horyimaada maxkamadda dambiyada caalamka ee ICC, si uu u dhageysto dacwado la xiriira xuquuqda aadanaha ah.

Maxamed X. Xuseen, Hiiraan Online
[email protected]
Muqdisho, Soomaaliya













Click here
10/8/2014 1:07 PM EST
Arbaco, Oktoobar 08, 2014 (HOL) — Ugu yaraan saddex xaaji oo Somali ah ayaa siyaabo ala duwan ugu dhintay intii lagu jiray gudashasa Xajka ee sannadkan, iyadoo Sucuudigu ay sheegtay in khasaaraha ka dhalan jiray xajka uu aad uga yar yahay sannadihii hore.

10/8/2014 12:16 PM EST
Arbaco, Oktoobar 08, 2014 (HOL) — Urur goboleedka Bariga Afrika ee IGAD ayaa wey-diistay maxkamadda dambiyada caalamiga ah ee ICC inay dib u dhigto maxkamadeynta madaxweynaha Kenya, Uhuru Kenyatta.

10/8/2014 12:08 PM EST
Arbaco, Oktoobar 08, 2014 (HOL) :- Madaxweeynaha maamulka Jubba Axmed Max’ed Islaam (Axmed Madoobe) ayaa maanta tababar usoo xiray askar gaareeysa ilaa 450 askari, kuwaasoo mudooyinkii ugu danbeeyay uu tababar ciidan uga socday deegaanka Qandal oo qiyaastii 20 km dhanka Koonfur galbeed kaga began magaalada Kismaayo.

10/8/2014 11:52 AM EST
Arbaco, Oktoobar 08, 2014 (HOL) — War-murtiyeed ay kasoo saareen shir ay guddoonka guud ee dalladda ururrada Puntland (DUPF) ee Finland ku yeesheen Sabtidii lasoo dhaafay xaruntooda Korppaanmäentie oo ku taalla Helsinki ayay ku dhaliileen habkii ay u qornayd wareegto xafiiska madaxweynaha Puntland kasoo baxday, taasoo lagu magacaabay wakiilka Puntland ee Finland.

10/8/2014 8:13 AM EST
Arbaco, Oktoobar 08, 2014 (HOL) —Madaxweynaha Puntland ayaa 12 agaasime usoo magacaabay 12 kamid ah wasaaradaha uu Maamulka Puntland ka kooban yahay.

10/8/2014 8:04 AM EST
Arbaco, Oktoobar 08, 2014 (HOL) — Guddoomiyaha golaha wakiilada ahna gudoomiyaha xisbiga mucaaradka ah ee WADANI Md:C/raxmaan Maxamed C/laahi Cirro ayaa sharci daro ku tilmaamay sababta madaxweynuhu dib ugu soo celiyey xubintii xisbigooddu soo xuley ee ka mid noqonaysay guddida doorashooyinka Qaranka.

10/8/2014 7:32 AM EST
Arbaco, Oktoobar 08, 2014 (HOL) — Madaxweynaha Somaliland, Axmed Maxamed Siilaanyo, ayaa maanta xafiiskiisa ku qaabilay Ergeyga Midawga Yurub u qaabilsan Soomaaliya Ambassador Michele Cervone d'Urso oo uu wehelinaayey Ambassador Ingiiriiska u qaabilsan Soomaaliya Mr. Neil Wigan.

10/8/2014 7:27 AM EST
Arbaco, Oktoobar 08, 2014 (HOL) — Axaddii lasoo dhaafay ayay ciidamada dowladda iyo kuwa AMISOM la wareegeen degmada Baraawe ee gobolka Shabeellada Hoose, halkaasoo saldhig weyn u ahayd Al-shabaab.

10/8/2014 5:51 AM EST
Arbaco, Oktoobar 08, 2014 (HOL) — Wafdi heer sare ah kana socday safaarada Ingiriiska ee Soomaaliya oo soo gaaray Garowe ayaa la shiray madaxweynaha Puntland Cabdi wali Maxamed Cali Gaas,iyadoo labada dhinac ay ka wada hadleen arimo muhiim ah sida lagu sheegay war ka soo baxay madaxtooyada.

10/8/2014 3:17 AM EST
Arbaco, Oktoobar 08, 2014 (HOL) — Iyadoo xukuumadda Somalia ay horay u sheegtay in la yareynayo safaaradaha ay Somalia ku leedahay dalalka dibadda qaarkood, ayuu wasiirka arrimaha dibadda Somalia, Cabdiraxmaaan Ducaale Bayle uu maanta ka dhawaajiyay in la xiray safaarado dhowr ah oo ay ku lahayd Somalia dalalka caalamka qaarkood.

10/8/2014 3:01 AM EST
Arbaco, Oktoobar 08, 2014 (HOL) — Ra’iisul waasaraha Somalia, C/weli Sheekh Axmed ayaa ugu baaqay dalalka dariska la ah Somalia inay amniga dalalkooda xoojiyaan, isagoo sheegay inay ka digtoonaadaan in Al-shabaab ay gudaha dhibaato ka geysato.

10/8/2014 2:32 AM EST
Arbaco, Oktoobar 08, 2014 (HOL) :- Hay’adda Somali relief Network of North America ayaa magaalada Kismaayo hilbo ugu qeeybisay dad gaaraya ilaa 750 qof oo curyaamiin ah, kuwaasoo ay aad u adkeyd xaaladooda dhinaca nolosha.