11/30/2021
Today from Hiiraan Online:  _
Wararka Maanta- Arbaco, Oct 8 , 2014
Cirro oo sharci-darro ku sheegay dib u celinta Xubintoodii Guddiga Doorashada


Arbaco, Oktoobar 08, 2014 (HOL) — Guddoomiyaha golaha wakiilada ahna gudoomiyaha xisbiga mucaaradka ah ee WADANI Md:C/raxmaan Maxamed C/laahi Cirro ayaa sharci daro ku tilmaamay sababta madaxweynuhu dib ugu soo celiyey xubintii xisbigooddu soo xuley ee ka mid noqonaysay guddida doorashooyinka Qaranka.

Cirro xubintaasi dib loo soo celiyey waxa uu ku tilmaamay mid cadaalad daro ah, isla markaana kala jeclaaday xubnihii loo soo xulay inay noqdan guddida doorashooyinka.

“Madaxwaynaha somaliland waxa uu nagu war galiyay inaanu toddoba cisho Gudahood kusoo magacawno Laba Xubnood oo Madaxtooyada Somaliland Kala Doorato, Xeerkana waxa si cad ugu qayaxan inuu Xisbi Kasta oo Mucaarad ahi Soo magacaabo Xubin Kaliya, Golaha Guurtidana, Madaxwaynaha Somaliland waxa uu Iyana Faray in ay soo magacaabaan 4 Xubnood,Markaas Madaxwayne Waxaan ku leeyahay Ma Xeerka Ayaa sax ah Mise Wareeg tadaada ayaa sax ah waa Jawaab kuu taal inaad Bulshada Somaliland u faah-faahiso.”ayuu yidhi Guddoomiye Cirro oo jawaab ka bixinaya xubintii ay u gudbiyeen madaxweynaha ee uu soo xulay xisbigooddu oo madaxweynuhu dib ugu soo celiyey si ay usoo bedelaan.

“Xisbiga wadani Markii uu magacaabay Dr Maxamed Cismaan Fadal, Kamuu mid ahayd Xisbiga wadani,Dhamaana wuu buuxiyay shuruudihii looga baahnaa”ayuu raaciyey hadalkiisa.

“Madaxwaynaha waxaanu mar labaad ku celinay Markii uu Noo Cadayn waayay sababta uu usoo celiyay Dr Maxamed Cismaan Fadal,Waana uu naga qabtay,Hadana Marlabaad ayaa uu nagu soo celiyay,Warqada uu kusoo celiyayna waxa uu keenay Xarunta Baarlamaanka Somaliland oo aanay Cidi Joogin,Taas oo aanu Waxa Cudur Daar ah kusoo Qorin Waraaqda uu kusoo celiyayna, waxayna ahayd in xisbiga uu keeno”ayuu yidhi Guddoomiye Cirro madaxtooyadda ku dhaliilay inay khalad tahay in waraaq ku socota xisbi la geeyo xarun baarlamaan maadaama oo aanay khuseyn.

Guddoomiyaha golaha Wakiiladda ahna gudoomiyaha xisbiga mucaaradka ahi Wadani Cirro ayaa sheegay in madaxweynuhu kala godobsaday xubnihii guddida doorashooyinka loo soo xulay qaarna ogolaaday hal qofna diiday, taasina ay tahay kala soocid muwaadiniinta ah, waxaanu yidhi “Madaxtooyada somaliland waxa laga filayaa inuu shacabka si cadaalada ah ugu xaqsoorto,Qodobka aad xubinta u adeegsatayna inaad xubnaha kale u adeegsato Ama si gaar ah Xubin aad u tagoorto waa laga qurux badan yahay,waxa loo baahan yahay in Xubinta la diidayo in sifo sharci ah loo diido,Xisbiga wadani waxa uu dhamaan soo dhawaynayaa Dhamaan Xubnaha Komiishanka doorashooyinka loo doortay,waxaana uu usoo jeedinaynaa in ay cadaalada ku dhaqaan shacabka iyo xisbiyada Mucaaradka ayaa la doonayaa.

Si kastaba ha ahaatee, madaxweynaha ayaa dib ugu soo celiyay xisbiga WADANI oo ka mid ah xisbiyada mucaaradka ah, Maxamed Cismaan Fadal oo ay usoo xuleen inuu ka mid noqdo guddida doorashooyinka, taas oo ay si weyn uga biyo diideen xisbigaasi kuna tilmaameen cadaalad daro.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
10/8/2014 1:07 PM EST
Arbaco, Oktoobar 08, 2014 (HOL) — Ugu yaraan saddex xaaji oo Somali ah ayaa siyaabo ala duwan ugu dhintay intii lagu jiray gudashasa Xajka ee sannadkan, iyadoo Sucuudigu ay sheegtay in khasaaraha ka dhalan jiray xajka uu aad uga yar yahay sannadihii hore.

10/8/2014 12:16 PM EST
Arbaco, Oktoobar 08, 2014 (HOL) — Urur goboleedka Bariga Afrika ee IGAD ayaa wey-diistay maxkamadda dambiyada caalamiga ah ee ICC inay dib u dhigto maxkamadeynta madaxweynaha Kenya, Uhuru Kenyatta.

10/8/2014 12:08 PM EST
Arbaco, Oktoobar 08, 2014 (HOL) :- Madaxweeynaha maamulka Jubba Axmed Max’ed Islaam (Axmed Madoobe) ayaa maanta tababar usoo xiray askar gaareeysa ilaa 450 askari, kuwaasoo mudooyinkii ugu danbeeyay uu tababar ciidan uga socday deegaanka Qandal oo qiyaastii 20 km dhanka Koonfur galbeed kaga began magaalada Kismaayo.

10/8/2014 11:52 AM EST
Arbaco, Oktoobar 08, 2014 (HOL) — War-murtiyeed ay kasoo saareen shir ay guddoonka guud ee dalladda ururrada Puntland (DUPF) ee Finland ku yeesheen Sabtidii lasoo dhaafay xaruntooda Korppaanmäentie oo ku taalla Helsinki ayay ku dhaliileen habkii ay u qornayd wareegto xafiiska madaxweynaha Puntland kasoo baxday, taasoo lagu magacaabay wakiilka Puntland ee Finland.

10/8/2014 10:42 AM EST
Arbaco, Oktoobar 08, 2014 (HOL) — Madaxweynaha dalka Kenya, Uhuru Kenyatta ayaa noqonaya madaxweynihii ugu horreeyay oo hortaga maxkamadda ICC si uu u dhagysato dacwadaha dambiyo dhinaca bani’aadamnimada ah oo loo haysto.

10/8/2014 8:13 AM EST
Arbaco, Oktoobar 08, 2014 (HOL) —Madaxweynaha Puntland ayaa 12 agaasime usoo magacaabay 12 kamid ah wasaaradaha uu Maamulka Puntland ka kooban yahay.

10/8/2014 7:32 AM EST
Arbaco, Oktoobar 08, 2014 (HOL) — Madaxweynaha Somaliland, Axmed Maxamed Siilaanyo, ayaa maanta xafiiskiisa ku qaabilay Ergeyga Midawga Yurub u qaabilsan Soomaaliya Ambassador Michele Cervone d'Urso oo uu wehelinaayey Ambassador Ingiiriiska u qaabilsan Soomaaliya Mr. Neil Wigan.

10/8/2014 7:27 AM EST
Arbaco, Oktoobar 08, 2014 (HOL) — Axaddii lasoo dhaafay ayay ciidamada dowladda iyo kuwa AMISOM la wareegeen degmada Baraawe ee gobolka Shabeellada Hoose, halkaasoo saldhig weyn u ahayd Al-shabaab.

10/8/2014 5:51 AM EST
Arbaco, Oktoobar 08, 2014 (HOL) — Wafdi heer sare ah kana socday safaarada Ingiriiska ee Soomaaliya oo soo gaaray Garowe ayaa la shiray madaxweynaha Puntland Cabdi wali Maxamed Cali Gaas,iyadoo labada dhinac ay ka wada hadleen arimo muhiim ah sida lagu sheegay war ka soo baxay madaxtooyada.

10/8/2014 3:17 AM EST
Arbaco, Oktoobar 08, 2014 (HOL) — Iyadoo xukuumadda Somalia ay horay u sheegtay in la yareynayo safaaradaha ay Somalia ku leedahay dalalka dibadda qaarkood, ayuu wasiirka arrimaha dibadda Somalia, Cabdiraxmaaan Ducaale Bayle uu maanta ka dhawaajiyay in la xiray safaarado dhowr ah oo ay ku lahayd Somalia dalalka caalamka qaarkood.

10/8/2014 3:01 AM EST
Arbaco, Oktoobar 08, 2014 (HOL) — Ra’iisul waasaraha Somalia, C/weli Sheekh Axmed ayaa ugu baaqay dalalka dariska la ah Somalia inay amniga dalalkooda xoojiyaan, isagoo sheegay inay ka digtoonaadaan in Al-shabaab ay gudaha dhibaato ka geysato.

10/8/2014 2:32 AM EST
Arbaco, Oktoobar 08, 2014 (HOL) :- Hay’adda Somali relief Network of North America ayaa magaalada Kismaayo hilbo ugu qeeybisay dad gaaraya ilaa 750 qof oo curyaamiin ah, kuwaasoo ay aad u adkeyd xaaladooda dhinaca nolosha.