3/28/2024
Today from Hiiraan Online:  _
Wararka Maanta- Sabti, Jun 28, 2014
Danjire Nick Kay oo Dadka Soomaaliyeed u Rajeeyay Ramadaan Wanaagsan


Sabti, June 28, 2014 (HOL) — Ergeyga Qaramada Midoobay ee Somalia, danjire  Nicholas Kay ayaa maanta hambalyo u diray dhammaan dadka Soomaaliyeed oo isku diyaarinaya sidii ay uga faa’iideysan lahaayeen fadliga Ramadaanka.

Warsaxaafadeed uu ergaygu soo saaray ayuu dadka Soomaaliyeed ugu rajeeyay inay si wanaagsan uga faa’iideystaan fadliga bisha Ramadaan, isagoo u rajeeyay shacabka inay si farxad leh isugu yimaadaan xilliyada afurka iyo salaadaha.

“Ramadaan waa waqti ay qoysaska iyo bulshaduba isla wadaagaan farxad iyo rayn-rayn marka ay isugu yimaadaan afurka iyo salaadaha. Waa waqti la yeesho fikir qoto-dheer iyo dib-u-heshiisiin, laguna xusuusto dadka danta yar ee liita,” ayuu ergaygu ku yiri qoraalkiisa.

Sidoo kale, wuxuu warbixintiisan ku sheegay in bishan awgeed uu Soomaalida oo dhan xusuusinayo in nabadda, sinnaanta iyo naxariistu ay yihiin kuwa keliya ee isku xiri kara, isagoo ku boorriyay inay ka hortagaan wax kasta oo ku keeni kara kala qaybsanaan.

“Anigoo tan rumaysan, waxaan dhammaan shacabka Somalida iyo qoysaskooda u rajaynayaa bil Ramadaan oo nabad ah oo barakaysan,” ayuu mar kale yiri, isagoo hadalkiisa kusoo gabagabeeyay RAMADAAN KARIIM.

Hadalka danjire Nicholas Kay ayaa wuxuu kusoo beegmayaa iyadoo sidoo kale ay u rajeeyeen shacabka Somaaliyeed nabad iyo Ramadaan wanaagsan taliska AMISOM iyo dowladda Mareykanka.

Dhanka kale, dowladda Soomaaliya iyo Al-shabaab ayaa si rasmi u sheegay inay maalinta berri ah tahay maalinta koowaad ee bisha barakeysan ee Ramadaan oo ka mid ah tiirarka Islaamka, lagana doonayo inuu guto qof walba oo muslim ah oo caafimaad qaba.

Maxamed X. Xuseen, Hiiraan Online
[email protected]
Muqdisho, Soomaaliya   













Click here
6/28/2014 1:24 PM EST
Sabti, June 28, 2014 (HOL) — Duqa Muqdisho, Xasan Maxamed Xuseen (Muun-gaab) ayaa amar ku bixiyay in baaritaanno lagu sameeyo baabuur walba oo ay saaran yihiin ciidammo hubeysan, isagoo xusay in gaadiidka dadweynah iyo kuwa ay ciidamadu wataan si isku mid ah loo baarayo.

6/28/2014 1:02 PM EST
Sabti, June 28, 2014 (HOL) — Madaxweynaha Somalia, Xasan Sheekh Maxamuud ayaa sheegay inay diyaariyeen barnaamij loogu magic-daray nabad ku afur, kaasoo uu sheegay inuu yahay barnaamij lagu adkeynayo ammanka guud ee dalka, gaar ahaan Muqdisho.

6/28/2014 12:38 PM EST
Sabti, June 28, 2014 (HOL) — Deegaanno ka tirsan gobolka Sool ayaa marqirib-nimadii caawa laga arkay bilashada bisha barakaysnayd ee Ramadaan, iyadoo maalinta berri ah ay noqonayso maalintii koowaad ee bishan Ramadaan.

6/28/2014 12:30 PM EST
Sabti, June 28, 2014 (HOL) — Jaamacadda Plasma ee fadhigeedu yahay Muqdisho ayaa abaal-marin lagu guddoonsiiyay shirweyne caalami ah oo guddoomiyayaasha jaamacadaha adduunka ay ka qaybgaleen, kaasoo maanta lagu soo gaba-gabeeyay dalka Hindiya.

6/28/2014 9:18 AM EST
Sabti, June 28, 2014 (HOL) — Madaxweynaha Puntland, C/weli Maxamed Cali Gaas iyo wafdi uu hoggaaminayay oo safarro shaqana ugu maqnaa dibadda ayaa maanta dib ugu soo laabtay magaalada Garoowe, halkaasoo si weyn loogu soo dhaweeyay.

6/28/2014 7:53 AM EST
Sabti, June 28, 2014 (HOL) — Degmada Baydhabo ee xarunta gobolka Bay ayaa waxaa ka socda bannaan-baxyo waaweyn oo looga soo horjeedo heshiiskii lagu saxiixay magaalada Muqdisho toddobaadkii lasoo dhaafay.

6/28/2014 7:20 AM EST
Sabti, June 28, 2014 (HOL) — Xisbiga DADKA oo ka mid ah xisbiyada dalka ka jira ayaa warbixin uu soo saaray kaga hadlay maalmaha xorriyadda Soomaaliya, isagoo sheegay in xorriyaddii dalka la gaarsiiyay laga doortay in dhibaatooyin aan dhammaad lahayn uu dalku dhex-qotomo.

6/28/2014 6:55 AM EST
Sabti, June 28, 2014 (HOL) — Ergaygii Maraykanka u qaabilsanaa wada hadalada Israa'iil iyo Falastin Martin Indyk ayaa is casilay ,ka dib markii uu ku guul-daraystay xal u helidda khilaafka sii kordhaya ee labada dhinac ka dhaxeeya.

6/28/2014 3:14 AM EST
Sabti, June 28, 2014 (HOL) — Booliiska dalka Kenya ayaa toogasho ku dilay 1,000 ruux muddo shan sano ah gudahood, sida lagu sheegay warbixin uu soo saaray urur madax-bannaan oo ka shaqeeya caafimaadka kana howlgala dalka Kenya.

6/28/2014 3:04 AM EST
Sabti, June 28, 2014 (HOL) — Xarakada Al-shabaab ayaa shaacisay inay dagaal la geli doonto cid walba oo ku howlan dhismaha maamul goboleedyada dalka, iyadoo ay dhawaan xukuumaddu heshiis dhexdhigtay maamullo ku muran sanaa xukunka gobollo ku yaalla Koonfur-galbeed Soomaaliya.

6/28/2014 2:38 AM EST
Sabti, June 28, 2014 (HOL) — Qoraallo ay soo kala saareen AMISOM iyo Mareykanka ayaa looga digay weerarro argagaxiso oo ay Al-shabaab ka geysato magaalada Muqdisho iyo gobollada dalka qaarkood inta lagu jiro bisha barakeysan ee Ramadaan; iyagoo shacabka Soomaaliyeed ugu baaqay inay feejignaan dheeri ah muujintaan inta lagu jiro Ramadaanka.

6/28/2014 2:29 AM EST
Sabti, June 28, 2014 (HOL) — Madaxweynaha Somalia, Xasan Sheekh Maxamuud ayaa hambalyo ku aaddan sannad-guuradii 37-aad ee xorriyadda dalka Jabuuti wuxuu u diray shacabka iyo dowladda Jabuuti.