3/28/2024
Today from Hiiraan Online:  _
Wararka Maanta- Khamiis, Jan 23, 2014
Kooxo hubeysan oo toogasho ku dilay Askar ka tirsan booliska Masar

Khamiis, Janaayo 23, 2014 (HOL) — Kooxo hubeysan oo aan haybtooda la garanayn ayaa ku dilay maanta duleedka magaalada Qaahira ee xarunta Masar shan ka mid ah askarta booliiska dalkaas, iyagoo weerarka six un ugu dhaawacay laba askari oo kale.

Weerarka ayaa ka dhacay koontarool ay booliisku ku leeyeen magaalo lagu magacaabo Bani Suwayf, iyadoo ragga weerarka qaaday la sheegay inay wateen mootooyin, ayna goobta ka baxsadeen markii ay howlgalkooda soo gaba-gabeeyeen.

Booliiska ayaa sheegay inuu socdo baaritaan weyn oo lagu raadinayo kuwii geystay weerarka, iyadoo aaan la ogeyn cid ay ka tirsanaayeen iyo sabab ay u toogteen booliiska.

Ugu yaraan 250 askari ayaa lagu dilay dalka Masar tan iyo markii xukunka laga tuuray madaxweynihii ugu horrey oo si dimuquraadi ah ay shacabka dalkaas kusoo doortaan, Maxamad Mursi.

Weerarka ayaa dhacay iyadoo loo diyaar-garoobayo xuska 25-ka Jannaayo oo ku beegan markii uu billowday kacdoonkii xukunka looga tuuray dowladii uu hoggaaminayay madaxweynihii hore ee Masar Maxamed Xusni Mubaarak.

Wasiirka arrimaha gudaha Masar ayaa sheegay in ciidamada ay heegan u yihiin inay sugaan ammaanka xilliga la xusayo sanad-guuradii saddexaad ee kasoo wareegtay kacdoonkii dalkaas ka dhacay.

Lix bilood ka hor ayay ciidamada militeriga xukunka ka tuureen Mursi kaddib dibad-baxyo ballaaran oo looga soo horjeeda xukunkiisa ay ka dhaceen magaalada Qaahira iyo magaalooyin kale oo ku yaalla dalkaas.

Hay'adda u doodda xuquuqda aadanaha ee Amnesty International ayaa ku eedeysay dowladda ay militeriga taageeraan inay adeegsato awood xad-dhaaf ah si ay dadka u caburiyaan.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/23/2014 12:30 PM EST
Khamiis, Janaayo 23, 2014 (HOL) — Madaxweyne xilliyeedkii u dambeeyay ee maamulka Khaatumo, C/nuur Cilmi Qaaje (Biindhe) ayaa shaaciyay inay ku faraxsan yihiin maamulka cusub ee loo doortay Puntland, wuxuuna xusay inay noqon karaan kuwo horumar u horseeda maamulkaas.

1/23/2014 10:52 AM EST
Khamiis, Janaayo 23, 2014 (HOL) — Hay’adda Hormuud Foundation ayaa maanta ugu deeqday isbitaalka Dayniile ee Muqdisho 30-fuusto oo shidaal ah si howlaha isbitaalka loogu sii wado.

1/23/2014 10:40 AM EST
Khamiis, Janaayo 23, 2014 (HOL) — Culummaa’uddiinka Ahlusunna Waljamaaca ayaa kulan lagu taageerayo ka mid noqoashada ciidamada dalka Itoobiya ay ka mid noqdeen AMISOM ku qabtay maanta magaalada Baydhabo ee xarunta gobolka Bay.

1/23/2014 10:20 AM EST
Khamiis, Janaayo 23, 2014 (HOL) — Wafdiyo ka socda maamulka KMG Jubba iyo dalka Jabuuti oo ay kala hoggaaminayaan madaxweynaha Jubba, Sheekh Axmed Madoobe iyo wasiirka arrimaha diinta iyo dhaqanka Jabuuti, Xasan Aadan Xasan ayaa si weyn loogu soo dhaweeyay magaalada Garoowe ee xarunta Puntland.

1/23/2014 10:02 AM EST
Khamiis, Janaayo 23, 2014 (HOL) — Kadib markii shalay munaasabad lagu qabtay magaalada Baydhabo ee xarunta gobolka Bay si rasmi ah ciidamada Itoobiya ugu biireen howlgalka midowgga Africa AMISOM, ayeey aragtiyo kala duwan ka dhiibteen arrintaa iyada ah dadka ku dhaqan magaalada Beledweyne ee xarunta gobolka Hiiraan oo ay ku sugan yihiin tirrada ugu badan ciidamada Itoobiya ee ka howlgallada gobollada dhexe.

1/23/2014 7:25 AM EST
Khamiis, Janaayo 23, 2014 (HOL) — Maamulka gobolka Banaadir ayaa maanta qalab isboorti u qaybiyay cayaartoyda 17-ka degmo ee gobolka Banaadir, kuwaasoo isugu jiray dhar, kabo iyo kubbado kala duwan sida kuwa kubadda miiska iyo kuwa kubadda cagta.

1/23/2014 7:10 AM EST
Khamiis, Janaayo 23, 2014 (HOL) — Golaha wasiirrada xukuumadda cusub ee Soomaaliya ayaa maanta kulankoodii ugu horreeyay ku yeeshay Muqdisho, kaasoo ay uga hadleen xeer hoosaadka ay ku shaqeynayaan iyo sidii ay xilalka ula wareegi lahaayeen.

1/23/2014 5:12 AM EST
Khamiis, Janaayo 23, 2014 (HOL) — Wafdi ballaaran oo uu horkacayo madaxweeynaha maamulka KMG ah ee Jubba Sheekh Axmed Maxamed Islaam (Axmed Madoobe) ayaa manta u ambabaxay magaalada Garoowe ee caasimadda dowlad goboleedka Puntland.

1/23/2014 2:28 AM EST
Khamiis, Janaayo 23, 2014 (HOL) — Abaanduulaha ciidamada xoogga dalka, Jen. C/risaaq Khaliif Cilmi ayaa soo dhaweeyay ka mid noqoshada ciidamada Itoobiya ay ka mid noqdeen kuwa Midowga Afrika ee AMISOM, isgaoo xusay in tani ay isbedel weyn ku sameynayso dagaallada looga horjeedo kooxda Al-shabaab.

1/23/2014 2:17 AM EST
Khamiis, Janaayo 23, 2014 (HOL) — Ciidamada dowladda Soomaaliya ayaa isaga baxay degmada Mahadaay ee gobolka Shabeellada dhexe iyadoo la sheegay inay xoogagga Al-shabaab qarka u saran yihiin degmadaas.

1/23/2014 1:36 AM EST
Khamiis, Janaayo 23, 2014 (HOL) — Munaasabad casho sharaf ah oo qayb ka ahayd xiritaanka Kalfadhiga saddexaad ee golaha shacabka ayaa xalay lagu qabtay xarunta Villa Hargeysa ee magaalada Muqdisho.