3/29/2024
Today from Hiiraan Online:  _
Wararka Maanta- Arbaco, Jan 22, 2014
Al-shabaab oo internet-ka Mobeylka ka jartay deegaanno ay ka taliso


Arbaco, Janaayo 22, 2014 (HOL) — Al-shabaab ayaa la sheegay in xalay internet-ka laga isticmaalo taleefoonnada gacanta lagu qaato ee Mobile-ka loo yaqaan ka jartay deegaannada ay ka taliso ee ku yaalla bartamaha iyo Koonfurta Soomaaliya.

Dad ku sugan deegaannada Buulo-burte, Ceel-buur iyo Xarar-dheere oo ka tirsan gobollada Hiiraan iyo Galguduud ee bartamaha Soomaaliya ayaa sheegay inay xalay waayeen faariintii muujinaysay Internet-ka taleefoonka, tan iyo xilligaasna ay ka maqan tahay.

Goobjoogayaal isugu jira howlwadeennada shirkadaha isgaarsiinta iyo dad ku sugan degmada Buulo-burte ayaa sheegay in xoogag hubeysan oo Al-shabaab ka tirsan ay xalay gudaha u galeen shirkadaha bixiya adeegaan ayna ku amareen shaqaalihii ku sugnaa inay hawada ka saaraan Internet-ka taleefoonnada laga isticmaalo.

Ilo wareedyo ka tirsan shirkadaha Isgaarsiinta ee bixiya adeeggan oo VOA-da laanteeda Af-Soomaaliga la hadlay ayaa sheegay inay maalmahan oo dhan jahwareersanaayeen oo ay garan waayeen go’aan ay ka qaataan amarka ay Al-shabaab soo saartay maadaama dowladda Soomaaliya ay uga digtay shirkadaha isgaarsiinta inay fuliyaan amarrada Al-shabaab ay kusoo rogtay isticmaalka Internet-ka.

Sidoo kale, ilaha shirkadaha ayaa sheegay inay fashilmeen isku dayo ay ku doonayeen inay Al-shabaab kaga dhaadhiciyaan inay amarkan ka laabato, balse ay xubno ka tirsan Al-shabaab u sheegeen inaan amarkan laga noqon karin oo uu yahay mid kasoo baxay madax ka sarreysa oo aanay carrabka ku dhufan.

Ma jiro wax hadal ah oo kasoo baxay madaxda shirkadaha laga joojiyay in adeeggan ay bixiyaan, iyadoo maanta ay ku ekayd muddo 15-maalmood ah oo ay Al-shabaab u qabatay inay shirkaduhu ku joojiyaan adeeggan.

Tallaabadan ayaa kusoo beegmaysa kaddib markii Xarakada Al-shabaab ay soo saartay horraantii bishan amar ay ku sheegayso inay ka joojinayso gabi ahaan internet-ka laga isticmaalo taleefoonnada deegaannada ay ka taliso.

Al-shabaab ayaa amarkeeda ku sheegtay in ciddii ka dhego-adayga inay u hoggaansanto amarkan loo aqoonsan doono inay la shaqeeyaan cadowga Islaamka. Iyadoo kooxdan ay horay uga joojisay deegaannada ay gacanta ku hayso in lagu isticmaalo taleefoonnada gacanta ee Smartphone-ka loo yaqaan.

Go’aankan ay Al-shabaab ku joojisay adeeggan Internet ayaa imaanaya iyadoo maanta la shaaciyay in ciidamada Itoobiya ay si rasmi ah ugu biireen kuwa Midowga Afrika ee AMISOM.

Dadka falanqeeyaya siyaasadaha Al-shabaab ayaa ku sheegay arrintan inay tahay mid laba ujeeddo midood leh, kuwaasoo kala ah inay kaga hortagayso weerarrada cirka ah ee laga fuliyo deegaannada ay gacanta ku hayaan iyo in ay kaga hortagayso duullaanada qorsheysan ee la doonayo in deegaannada ay ka taliyaan ay ku gaaraan ciidamada dowladda Somalia iyo kuwa ay ka helaan taageerada ee ay Itoobiya ku jirto.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/22/2014 1:28 PM EST
Arbaco, Janaayo 22, 2014 (HOL) — Danjirihii hore ee Mareykanka u fadhiyay Itoobiya, David Shinn ayaa walaac ka muujiyay in ciidanka Itoobiya ay ku biiraan xilligan howlgalka Midowga Afrika ee AMISOM, isagoo tallaabadan ku tilmaamay mid khalad ah.

1/22/2014 9:51 AM EST
Arbaco, Janaayo 22, 2014 (HOL) — Ciidamada Ethiopia ayaa si rasmi ah maanta loogu wareejiyay amaanka gobollada Bay, Bakool iyo Gedo ee Koonfurta Soomaaliya, kaddib xaflad ka dhacday Magaalada Baydhabo ee Xarunta Gobolka Bay sida uu sheegay Afhayeenka AMISOM Col. Cali Aadan Xumad.

1/22/2014 9:01 AM EST
Arbaco, Janaayo 22, 2014 (HOL) — Barkhad Cabdi oo ah jilaa Soomaaliyeed kuna soo can-baxay filinkii Captain Phillips oo ah filin ay duubtay shirkadda Hollywood-ka ayaa ka hadlay dareenkiisa la xiriira inuu ka mid yahay aktarada sanadkan u sharaxan billadda Oskarka oo xafladeeda la qaban doono dhawaan.

1/22/2014 8:47 AM EST
Arbaco, Janaayo 22, 2014 (HOL) — Madaxweynaha Soomaaliya, Xasan Sh. Maxamuud ayaa xafiiskiisa ku qaabilay xoghayaha guud ee Hay’adda NRC Norwegian Refugee Council, Jan Egeland oo maanta booqasho ku yimid magaalada Muqdisho ee xarunta Soomaaliya.

1/22/2014 8:23 AM EST
Arbaco, Janaayo 22, 2014 (HOL) — Madaxweynaha Somalia Xasan Sheekh Maxamuud iyo ra'iisul wasaarihiisa C/weli Sheekh Axmed Maxmed ayaa sheegay in dowladooda ay ka go’an tahay inay Al-shabaab oo ka talisa deegaanno fara badan ay cagta marin doonaan kana saari doonaan dhammaan deegaanada ay ka taliso.

1/22/2014 7:46 AM EST
Arbaco, Janaayo 22, 2014 (HOL) — Maamulka gobolka Benaadir iyo taliska ciidamada nabadgelyada waddooyinka Muqdisho oo iskaashanaya ayaa ku guuleystay mar kale inay nalalka samaafaraha ka hirgeliyaan isgoysyo hor leh oo ku yaalla Muqdisho, kuwaasoo kala ah isgoysyada Sayidka iyo Dabka.

1/22/2014 7:38 AM EST
Arbaco, Janaayo 22, 2014 (HOL) — Kalfadhigii labaad ee golaha Akadeemiye goboleedka Af-Soomaaliga (AGA) ayaa ku qabsoomay 15 illaa 16-kii bishan Janaayo 2014-ka magaalada Jigjiga ee xarunta Ismaamulka Soomaalida ee dalka Itoobiya, iyadoo laga soo saaray go’aammo wax ku ool ah.

1/22/2014 7:16 AM EST
Arbaco, Janaayo 22, 2014 (HOL) — Wasiirarda cusub ee golaha wasiirrada xukuumadda Soomaaliya ayaa maanta lagu hordhaariyay baarlamaanka Soomaaliya, iyadoo dhaarinta ay goobjoog ka ahaayeen madaxweynaha Soomaaliya, Xasan Sheekh Maxamuud, ra’iisul wasaarihiisa C/weli Sheekh Axmed Maxamed iyo guddoomiyaha baarlamaanka Maxamed Sh. Cismaan Jawaari oo kulanka shir-guddoominayay.

1/22/2014 6:17 AM EST
Arbaco, Janaayo 22, 2014 (HOL) — Wasiirka caafimaadka iyo fayadhowrka maamulka Jubba Xasan Daahir Yaroow ayaa Hotel Qiilmawaaye ee magaalada Kismaayo kulan isbarasho ah kula qaatay qaar kamid ah hay’adaha samafalka ee ka howlgalada degmada Kismaayo.

1/22/2014 6:03 AM EST
Arbaco, Janaayo 22, 2014 (HOL) — Ciidamada Itoobiya ee ku sugan Soomaaliya ayaa si rasmi ah ugu biiray maanta oo Arbaco ah howgalka Midowga Afrika ee AMISOM, si loo xoojiyo dagaallada lagula jiro Xarakada Al-shabaab ee ka dagaalanta gudaha Soomaaliya.

1/22/2014 1:55 AM EST
Arbaco, Janaayo 22, 2014 (HOL) — Ha’yad maxalli ah oo ka howlgasha Kenya laguna magacabo WARDO ayaa indho fiiqis u sameysay qoxootiga ku jira xeryaha qoxootiga Dhadhaab-Kenya iyo Kenyanka ku nool deegaannada ku dhow-dhow xeryaha Qoxootiga.

1/22/2014 1:37 AM EST
Arbaco, Janaayo 22, 2014 (HOL) — Ha’yadda xuquuqul insaanka ee Human Rights Watch (HRW) ayaa ku eedeysay xukuumadda Kenya inay beegsatay Soomaalida qoxootiga ku ah dalkeeda, kaddib weerarkii Westgate Mall oo 21-kii September sannadkii hore.

1/22/2014 12:51 AM EST
Arbaco, Janaayo 22, 2014 (HOL) — Madaxweynaha Soomaaliya, Xasan Sh. Maxamuud ayaa ka hadlay wadahadallada u dhexeeya dowladda Soomaaliya iyo Somaliland iyo weliba shirkadaha ammaanka ka shaqeeya ee ku sugan Muqdisho.