4/14/2021
Today from Hiiraan Online:  _
Wararka Maanta- Axad, Jan 19, 2014
Bandow lagu soo Rogay Magaalada Kismaayo iyo Ma’suul ka Hadlay


Axad, Janaayo 19, 2014 (HOL) — Magaalada Kismaayo ee gobolka Jubbada Hoose ayaa waxaa maanta lagu soo rogay bandow, iyadoo la joojiyay gabi ahaan isku socodka gaadiidka, dadka iyo ganacsiga guud ee magaalada.

Wasiirka arrimaha gudaha maamulka Jubba, Maxamed Warsame Faarax (Darwiish) oo ka hadlay bandowgan ayaa sheegay inuu socon doono labada maalmood ee soo socota, isagoo uga digay gaadiidka rayidka inay maraan waddooyinka waaweyn ee magaalada.

“Kismaayo waxaa la saaray badow laga billaabo maanta illaa labada casho ee soo socota, waxaana sababta bandowga uu yahay sidii lagu adkeyn lahaa ammaanka magaalada inta ay socoto xaflad lagu caleemo saarayo Sheekh Axmed Madoobe oo ah madaxweynaha maamulka Jubba oo berri dhacaysa,” ayuu yiri wasiirka oo la hadlay HOL.

Sidoo kale, waxaa wasiirku uu sheegay in ciidamadii laga saaray magaalada ee tababarka loo furay dib loogu soo celiyay magaalada si ay uga qayb-qaataan sugidda amniga guud ee magaalada inta xafladdu socoto.

Jidadka waaweyn ee magaalada Kismaayo ayaa waxaa lagu arkayaa askar iyo ciidamada gaadiidka oo keliya, waxaana xiran dhammaan ganacsiga magaalada, iyadoo dadkuna ay ku sugan yihiin guryahooda.

Dhanka kale, garoonka diyaaradaha Kismaayo ayaa goor-dhow kasoo dagay wafdi uu hoggaaminayo ra’iisul wasaarihii hore ee Somalia, Cali Maxamed Geeddi oo ka yimiddalka Kenya, iyadoo la sugayo wufuud kale oo qaarkood ay ka imaanayaan Puntland.

Maalinta berri ah oo ay bishan ku beegan tahay 20 ayaa lagu wadaa inay ka dhacdo magaalada Kismaayo xaflad weyn oo lagu caleemo-saarayo Sheekh Axmed Madoobe, iyadoo qabanqaabada xafladdana si weyn loo dareemayo.

Xasan Nuur, Hiiraan Online
[email protected]
Kismaayo, Soomaaliya












Click here
1/19/2014 1:02 PM EST
Axad, Janaayo 19, 2014 (HOL) — Wasiirka amniga Qaranka dowladda Somalia, C/kariin Xuseen Guuleed iyo wasiirka arrimaha dibadda Somaliland, Maxamed Biixi Yoonis oo kala hoggaaminayay wafdiyadii dowladda Somalia iyo Somaliland ayaa ka warbixiyay heshiiskii ay maanta ku kala saxiixdeen magaalada Istanbuul ee dalka Turkiga.

1/19/2014 12:01 PM EST
Axad, Janaayo 19, 2014 (HOL) — Booliiska Somaliland ayaa sheegay inay u taxaabeen xabsiga nin tooreey ku dhaawacay Sheekh Maxamed Haybe oo ka mid ah culummada Somaliland, xilli uu kasoo baxay habeen hore muxaadaro ku saabsanayd dhalashada Nebi Muxammed (NNKH) oo uu ka jeedinayay masaajid ku yaalla magaalada Hargeysa.

1/19/2014 11:43 AM EST
Axad, Janaayo 19, 2014 (HOL) — Ugu yaraan 21-qof oo ay ku jiro haweeney Soomaali ah oo haysata dhalashada Mareykanka ayaa ka dhacya magaalada Kabul ee caasimadda dalka Afgaanistaan Jimcihii lasoo dhaafay sida ay sheegeen mas’uuliyiinta dowladda dalkaas.

1/19/2014 9:52 AM EST
Axad, Janaayo 19, 2014 (HOL) — Guddiyada joogtada ah ee baarlamaanka Soomaaliya ayaa maanta kulan ay ku yeesheen magaalada Muqdisho waxay ku go’aamiyeen in berri oo Isniin ah la horkeeno baarlamaanka xukuumadda cusub ee uu dhawaan soo dhisay ra’iisul wasaaraha Soomaaliya, C/weli Sh. Axmed Maxamed.

1/19/2014 9:31 AM EST
Axad, Janaayo 19, 2014 (HOL) — Dowladda Somalia iyo Somaliland ayaa heshiis hordhac ah maanta ku kala saxiixday magaalada Istanbuul ee dalka Turkiga, kaddib wadahadallo saddex maalmood qaatay oo ay halkaas ku yeesheen.

1/19/2014 8:49 AM EST
Axad, Janaayo 19, 2014 (HOL) — Wafdi ballaaran oo uu horkacayo ra'isul wasaarihii hore ee Soomaaliya Prof: Cali Max'ed Geedi ayaa maanta kasoo dagay garoonka diyaaraha magaalada Kismaayo, iyadoo wafdigan uu kasoo kicitimay magaalada Nairobi ee caasimadda dalka Kenya.

1/19/2014 8:36 AM EST
Axad, Janaayo 19, 2014 (HOL) — Kulan looga arrinsanayay sidii loo taageeri lahaa dadkii ku waxyeeloobay dab dhashay qarax ka dhacay guri ay dad Soomaaliyeed iyo qoomiyado kale deggenaayeen oo ku yaalla magaalada Minneapolis, iyadoo qaybta hoose ee guriga uu ku yaallay dukaan aad looga ganacsan jiray loona yaqaanay Utanga Halal Market oo bishan billwogeedii uu dab qabsaday.

1/19/2014 8:35 AM EST
Axad, Janaayo 19, 2014 (HOL) — Waxaa dib-u-dhac uu ku yimid safar uu maanta ku tagi lahaa magaalada Kismaayo madaxweyne ku xigeenka Puntland, C/xakiim C/llaahi Cumar (Camey) iyo wafdi uu hoggaaminayo oo Gaalkacyo soo gaaray.

1/19/2014 7:01 AM EST
Axad, Janaayo 19, 2014 (HOL) — Maddaxweynaha Soomaaliya, Xasan Shiikh Maxamud ayaa maanta waraaqihii aqoonsiga ka guddoomay safiirka cusub ee dalka Japan u fariisanaya Soomaaliya, Tatsushi Terada.

1/19/2014 6:05 AM EST
Axad, Janaayo 19, 2014 (HOL) — Burcad badeedda Soomaalida ayaa markabkii ugu horeyey ku qafaashay xeebaha Soomaaliya tan iyo intii la guda galay sanadka cusub ee 2014, waxaana markabkan oo lagu magacaabo MV Marzooqah iyo shaqaalihii saarnaa uu iminka gacanta ugu jiraa kooxihii afduubtay.

1/19/2014 4:21 AM EST
Axad, Janaayo 19, 2014 (HOL) —Magaalada Gaalkacyo ee xarunta gobolka Mudug waxaa goor dhow soo gaarey wafdi ballaaran oo uu hoggaaminayo madaxweyne ku-xigeenka Puntland C/xakiim C/laahi Cumar (Camey).

1/19/2014 2:16 AM EST
Axad, Janaayo 19, 2014 (HOL) —Waxaa maanta lagu wadaa in uu soo idlaado wejiga saddexaad ee wada-hadalladii Soomaaliya iyo Somaliland dhowrkii maalmood ee lasoo dhaafay uga soconayey magaalada Istanbul ee dalka Turkiga.

1/19/2014 1:37 AM EST
Axad, Janaayo 19, 2014 (HOL) —Waxaa magaalada London ee xarunta dalka Ingiriiska ku geeriyoodey weriye caan ahaa oo ka tirsanaa BBC-da qaybta layska arko ee la hadasha caalamka.

1/19/2014 12:41 AM EST
Axad, Janaayo 19, 2014 (HOL) —Kulan ay isugu yimaadeen ganacsatada reer Puntland oo ka dhacay Rugta Ganacsiga iyo Wershedaha ee Puntland, ayaa waxaa si diirran loogu soo dhoweeyey islamarkaana hambalyo loogu diray madaxweynaha iyo madaxweyne ku-xigeenka cusub ee Puntland.