4/17/2021
Today from Hiiraan Online:  _
Wararka Maanta- Jimco, Jan 17, 2014
Booliska Kenya oo sheegay inay qabteen xubno laga shakisan yahay


Jimco, Janaayo 17, 2014 (HOL) — Booliiska Kenya ayaa maanta oo Jimco ah sheegay inay ku qabteen deegaanka Kiunga oo 15-km u jira soohdinta ay wadaagaan Soomaaliya iyo Kenya ay wadaagaan lix qof oo doonayay inay si dhuumaaleysi ah uga tallaabaan Somalia si ay ugu biiraan Al-shabaab.

Taliyaha booliiska deegaanka Lamu, Samson Obara ayaa sheegay inay war hoose ku heleen in xubnahan oo ka yimid magaalada Mombasa oo la socday bas rakaab waday ay doonayeen inay ka tallaabaan soohdinta.

“Ciidamadeennu waxay ku guuleysteen inay helaan warka lixdaan ruux ee doonayay inay ka gudbaan soohdinta gacantana lagu dhigay, balse weli waxaa ku socda baaritaanno inta aan maxkamad la horgeyn,” ayuu yiri Obara.

Saraakiil booliiska ka tirsan ayaa sheegay in dhallinyaradan ay da’doodu u dhexeyso 16 jir illaa 18 jir, iyagoo markii la qabtay sheegay inay doonayeen inay kasoo kalluumeystaan xeebaha Soomaaliya.

Lixda ruux ayay booliisku magacyadooda ku kala sheegeen: Faraj Fahim Swaleh, Twafiiq Swaleh, Nabil Mohammed Lali, Fara Abdi Kassim iyo Mohammed Abdalla, kuwaasoo haatan ku xiran saldhig booliisku leeyahay.

Booliisku waxay sheegeen in lixdan dhallinyarada ah ee ay qabteen ay ku jiraan kuwo ajaanib ah oo tababar kal hore tababar kusoo qaatay gudaha Soomaaliya, loogana shakisan yahay inay fuliyeen weerarro horay dalka Kenya uga dhacay.

Samson Obara ayaa sheegay in laba ruux oo midkood uu Kenyan yahay laguna magacaabo, Fuad Abubakar Manswad iyo ruux Jarmal ah ay ka dambeeyaan dhallinyarada Al-shabaab looga qoro gudaha dalka Kenya.

Ciidamada booliiska Kenya ayaa xilliyadii ugu dambeeyay howlgallo lagu ilaalinayo soohdinta ay wadaagaan Kenya iyo Soomaaliya ka sameynayay inta u dhexeysa deegaanka Kiunga iyo Dhadhaab, halkaasoo la rumeysan yahay inay ka tallaab xoogagga Al-shabaab ee weerarra Kenya.

Maxamed X. Xuseen, Hiiraan Online
[email protected]
Muqdisho, Soomaaliya












Click here
1/17/2014 12:39 PM EST
Jimco, Janaayo 17, 2014 (HOL) — Ra’iisul wasaaraha Soomaaliya, C/weli Sheekh Axmed Maxamed ayaa sheegay maanta inay xukuumaddiisu sii wadi doonto dagaalka lagula jiro Al-shabaab, isagoo ku eedeeyay Al-shabaab inay kasoo horjeeddo nabadda iyo dowladnimada Soomaaliya.

1/17/2014 12:00 PM EST
Jimco, Janaayo 17, 2014 (HOL) — Magaalada Baydhabo ee gobolka Bay oo uu ka socdo shirweynaha maamul u sameynta gobollada Koonfur Galbeed ee Soomaaliya ayaa waxaa maalmahan ku qulqulayay ergooyin kala duwan oo ka imanaanaya gudaha dalka iyo dibadiisa.

1/17/2014 10:31 AM EST
Jimco, Janaayo 17, 2014 (HOL) — Duqa magaalada Minneapolis, gobolka Minnesota ee dalka Mareykanka, Betsy Hodges ayaa kaaliye dhinaca siyaasadda ah u magacowday Cabdiraxmaan Muuse oo ah siyaasi da’yar oo haysta dhalashada dalka Maraykanka ,iyadoo xilkan uu kamid yahay kuwa ugu muhiimsan ee laga qabto gobolka Minnesota.

1/17/2014 9:48 AM EST
Jimco, Janaayo 17, 2014 (HOL) — Dowladda Kenya ayaa sheegtay maanta oo Jimco ah in duqeyn ay diyaaradahooda dagaalku toddobaadkii tagay ka geystay deegaanka Birta-dheer ee gobolka Gedo ku dishay 57 xubnood oo Al-shabaab ka tirsanaa, kuwaasoo ay ku jireen lix hoggaamiye oo ajnabi ah.

1/17/2014 9:02 AM EST
Jimco, Janaayo 17, 2014 (HOL) — Munaasabad weyn oo maanta ka dhacday xarunta madaxtooyada Kismaayo islamarkaana ay kasoo qeybgaleen masuuliyiin sare oo ka tirsan maamulka Jubba, odoyaal, aqoonyahanno, siyaasiyiin iyo waxgarad kale, ayaa lagu dhaariyay Madaxweeyne ku xigeenka 2-aad iyo golihii wasiirada maamulka Jubba iyadoo sidoo kale lagu dhawaaqay laba wasiir oo ka dhinayd golaha wasiirada.

1/17/2014 8:38 AM EST
Jimco, Janaayo 17, 2014 (HOL) — Akhristayaasha Hiiraan Online ee dalka gudihiisa iyo dibaddiisa jooga ayaa hab fariin qoraaleed ah kaga bixiyay aragtiyadooda sida ay u arkaan golaha wasiirrada cusub ee xalay lasoo magacaabay.

1/17/2014 7:36 AM EST
Jimco, Janaayo 17, 2014 (HOL) — Hay’adaha PEN International, Oxfam Novib iyo Guddi u dooda qorayaasha la xiro ayaa abaalmarinno caalami ah guddoonsiiyay sannadkan sagaal ruux oo weriyaal iyo xubno u dooda xuquuqda aadanaha; kuwaasoo dalal kala duwan u dhashay, waxaana ku jira wariye, Cabdicasiis C/nuur Ibraahim oo loo xiray wareysi uu la yeeshay haweeney la fara-xumeeyay.

1/17/2014 7:03 AM EST
Jimco, Janaayo 17, 2014 (HOL) — Kulan ay ka soo qeyb-galleen siyaasiyiin, odayaal dhaqameed, waxgarad iyo dad ka kooban qeybaha bulshada oo ka dhacay magaalada Beledweyne ee xarunta gobolka Hiiraan ayaa lagu soo dhaweeyay magacaabista xubnaha gollaha wasiirrada cusub ee xalay lagu dhawaaqay.

1/17/2014 6:34 AM EST
Jimco, Janaayo 17, 2014 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur Tarsan oo shir jaraa’id ku qabtay maanta magaalada Muqdisho ayaa sheegay inuusan doonayn inuu qabto xilka loo magacaabay ee ah wasiir ku xigeenka dhallinyarada iyo isboortiga xukuumadda Soomaaliya.

1/17/2014 12:36 AM EST
Jimco, Janaayo 17, 2014 (HOL) — Xalay gellinkii dambe ayuu ra’iisul wasaare C/weli Sh. Axmed Maxamed ku dhawaaqay xubnah golihiisa wasiirrada, kuwaasoo ka kooban 55-wasiir oo isugu jira 25-wasiir, 25-wasiir ku xigeen iyo shan wasiir u dowle.

1/17/2014 12:34 AM EST
Jimco, Janaayo 17, 2014 (HOL) — Madaxweynaha Soomaaliya, Xasan Sh. Maxamud ayaa aqbalay wasiirada cusub ee uu xalay magacaabay ra’iisul wasaaraha Soomaaliya, C/weli Sheekh Axmed Maxamed, isagoo xusay inay wasiirrada cusub yihiin kuwo khibrad iyo waayo-aragnimo leh.

1/17/2014 12:34 AM EST
Jimco, Janaayo 17, 2014 (HOL) — Wadahadallada u dhexeeya dowladda Soomaaliya iyo Somaliland ayaa galay maalintii labaad iyadoo aysan jirin wax war ah oo saxaafadda laga siiyay qodobbadii ay labadad dhinac shalay ka doodeen.